أشهد ان لا أله الا الله واشهد ان محمد رسول الله

2008-09-30

كل عام واحنا مش زي ما احنا

**************************
كل عام وكل المسلمين وكل العرب وكل المصريين بخير
كل عام ومفيناش واحد علماني
كل عام ومفيناش واحد شيعي
كل عام ومفيناش أمثال خالد يوسف او ايناس الدغيدي
كل عام ومفيناش اي حد عايز يغير عادتنا وتقالدنا
كل عام ومفيناش حد عايز يولع فينا
كا عام ومفيناش واحدعايز يغرقنا ويحطم مراسينا
كل عام وشيوخنا عاقله ورزينه
شيوخ بتاعت ربنا مش شيخ مارينا
كل عام وثغرات قانونا متغير لينا
مش علينا
كل عام واحنا مش زي ما احنا
كل عام وأنت بخير

صعب تلاقي حد بضمير

أعزريني دا الي زيك مش كتير
أعزريني قلبي بطل يكون له ضمير
دالي شوفته قبل منك ميتنسيش
شوفت أسوه ونار جراح مبتتنهيش
ايوه أسي طلعت ندل وكنت ظالم
ولسه في حجات كتيره مداريه وربي عالم
بالي فيه من دموع خلتني اجرح
خلتني اظلم حد بيخاف عليه
بس قلبي من الخيانه مكنش سالم
زي قلبك أنجرحت من قلب جارح
قلب عشت ليه ليالي كنت سارح
في نور عيونو وزاي اخونو وانا كنت فاتح
درعاتي للدنيا ومافيها
وعايز احضن كل حاجه لمست اديها
ولما تزعل مقدرش اشوف دموع عيونها
ولا عمري فكرت في يوم اخونها
او اخيب ظنونها
وهيه خانت ومشــاعرها مالت لحد تاني
بس مش ذنبك تكوني انتي الضحيه
ومقدرش انكر ان حبك كان حلم ليه
بس حلم بطريقه وفكر تاني
فكر واحد عايز ينتقم واحد اناني
وارجع واقول مش هسيبك تبكي مني
او حتي عليه
انا لازم ارجع دا الي زيك مش كتير في الدنيا ديه
دا الي زيك مش كتير
صعب قوي تلاقي حد بضمير

2008-09-27

أختار من دلوقتي

يعني لا طالين سما ولا ارض ولا جنه ولا نار طيب هنروح فين مارينا
لما تلاقي الواحد علاقته مع ربنا ميه ميه والحمد لله وتلاقيه في نفس الوقت علاقته بالشيطان مية فل واربعتاشر
طب تيجي ازاي دي
مسلسل شرف فتح الباب ملخص لكلام كتير وواقع بنعيش فيه
يعني تلاقي الواحد بيحب ربنا اوي وبيحاول يتقرب منه ويجاهد نفسه في التدين
ومن ناحيه تانيه تلاقيه بيسرق او يرتشي او يخون او يشرب خمره او يشرب سجاير ربنا يتوب عليا منها
عامل زي الحرامي الي رايح يسرق وبيقول يارب استرها معانا
اصل في ناس بتدعي ربنا وتقول
اللهم اغفر لنا ذنوبنا
((الي هيه متأكده انها كانت ذنوب ورغم كده عملتها)))
وناس تدعي ربنا وهيه بتعمل الذنوب
اللهم انك عفو كريم تحب الحب فأعفو عنا
الواحد بقي مش قادر يمنع نفسه من المعصيه بس حابب التوبه بيتمناها
طيب الكافر اهو هيعيش له يومين في الدنيا ويتمتع بيها ...ويخسر الاخره
والمؤمن هيحرم نفسه من ملذات الدنيا وشهوتها ....ويكسب الاخره
والي بين البنين ده لا هوه كسب دنيا ولا كسب اخره
يعني في الدنيا حارم نفسه اقل من الكافر
وفي الاخر ه هيتعذب الاول وبعد كده ممكن ربنا يدخله الجنه
*******************
يعني الواحد يشوف نفسه ويقرر يكون ايه
دنيا ولا اخره
ولا بين البنين

2008-09-26

اكتب ماهو الي ماسكك حمار


اكتب ايها القلم الهباء اكتب وتحمل المشقة والعناء

اكتب فأنت محكوم شأت ام لم تشاء

اكتب مالم يقدر له البقاء

اكتب وانحني للزل بالثناء

اكتب فانت بين ايدا حمقاء

اعطت لنفسهاحق الهجاء

ووصف حديثها بأنه من العلاء

تنزيل منزل من السماء

كأنه والقران علي حد سواء

اكتب فأنت من بين بيت الضعفاء

ولك في الزل اختا بيضاء

تركت نفسها في صمت كانها خرساء

تركت جسدها ضحية الاملاء

واستعملت في البغاء بكل جفاء

وانت الذي اخترقت دفاعات اختك العذراء

وادخلت عليها كل ما هوه غريب من الاراء

فيالك من مسكين حين يتلاعب بك البلهاء

يكتبون بك مالم تشاء

ولا يدركون ان حبرك دموع حزناء

علي البشرية الجهلاء

التي ترضي ايضا ان تسمع مالا تشاء

اكتب فليس لك حق التمرد او الرضاء

اكتب وتذكر ان لك رب يشاء

ان اراد شيئا شاء

ولن يرضي لك هذا الزل والعناء

فأنت اول من خلق في المساء

وانت الذي تستحق الرثاء

وسيأتي يوم تقطع كل ايدا سوداء

سول لها فكره ان تلصق بك افكار غوغاء

اكتب ايها القلم.الهباء

اكتب فانت بين رؤس غوغاء

مذكرات مــراهق


......................
أجمل حاجه في الدنيا ان الواحد يقدر يعبر عن ذكرياته وماضيه وكل حاجه عنه وطبعا مفيش احسن من الاغاني
انا بقي عندي اكتر من سبعين اغنيه ليه من وانا في اولي اعدادي لحد الان
المهم بقي ان كل اغنيه من دول فاكر ليه كتبتها وعشان ايه ومين وكيف ومتي واين وكل الحبشتكنات دي
يعني مثلا وانا فتعد النهارده ادام التي في افتكرت البت رانيا لما كنا في الاعدادي
وكنا بنحب بعض بس هيه مشيت مع واد تاني وسابتني هههه وشويه رجعت تاني
بعتتلي جواب بعتهلها اغنيه بتقول ايه
راح لي راح يا قلبي جاي تفتكر ايه
كل الي بينا انتهي اوعي تفكرني بيه
الي بينا انتهي من زمان
كل الي بينا كان من الاوهام
في الاوهام ياقلبي عيشتني فيها
في الاوهام يا قلبي سهرتني لياليها
************
ولا لما حبيت البت نوره في اولي ثانوي وكانت مش مدياني ريق
كتبت فيها عصيده هههه
الي بحبه ناسيني بنار حبه كاويني
الي يجرح قلبي عمره ماينادي عليه
عمره ما يفكر فيه
لاكن
اعمل ايه في قلبي يحن للي يعذبه
وينادي علي الي يدوبه في نار حبه
وقسوة قلبه
واحاول ابعد وامشي وانسي امبارح وامسي
وارجع احنله من تاني
وانسي عذابي الاولاني
*********
ولا لما كنت متخانق مع بنت كنت ماشي معاها
كتبت فيها ايه بقي كنت في تالته اعدادي
روحي في داهيه زهقت منك
مش عايز حبك دا كفايه ريحتك
لا بتستحمي ولا بتنضفي
كدك نيله تقرفي
روحي وامشي يا معفنه
يا جربوعه يا مزاينه
فاكره نفسك مقطقطه
وبطه حلوه متزغطه
مضروبه مطوه وميه واحد
روحي يلا دي ريحتك فاحت
مين يبص للخلقه ديه
وانتي شبه الحراميه
روحي في داهي زهقت منك مش عايز حبك دي كفايه رحتك
هههههههههههههه
***************
ولما سيبت الي كنت ماشي معاها من كام سنه كده كتبت فيها
لم أعد أحبك كما كنت أحبك بل أتمني ان تنكسر رقبتك
لم اعد اري وجهك المليح مليحا
بل اراه فداان قصب وفسيخاااا
ههههههه
******************
ولما حسيت بالخيانه وانا في الجامعه كتبت
بصيت في عنيك لاقيت في عنيك حاجات كتيره مداريها
لاقيت نظره غير النظره وقصه كبيره مخبيها
********************
ولما حلمت حلم كبير قوي في حياتي وبنيت عليه مستقبل عشته في خيالي
كتبت اه حلمت والاغنيه دي بغنيها علي طول
أه حلمت وانكسرت في عز شوقي لفرحتي أه حلمت وانكسرت وعيني شافت دمعتي
عادي أحلم عادي أعيش عادي الون دنيتي ذنبي ايه كل ما احلم اصحي وناسي فرحتي
************************
طبعا مش هقول السبعين وشويه اغنيه كلهم دا انا هحتاج لتمانين بوست ع الاقل
السابعين اغنيه مش لسبعين بنت
ههههههههههههه
اه عشان كازانوفا مات
ومش شرط قصص حب كان في بردو حجات تانيه سياسه وسخريه وكل حاجه
مفيش حاجه عديت عليها الا لما كتبت عنها مش شرط انها تعجب الناس بس هيه عاجباني وبحب وبعتز جدا بكلماتي
وخواطري واي حاجه مش غرور بس بلاقي نفسي فيها والي عايز اقولها بغنيه
في ناس مش بتعرف تقول الي جواها بس انا بعرف
المهم بقي ان ربنا يقدرني واغني كل الاغاني دي بصوتي وبأحساسي وبلحني واسلوبي الخاص
واسمعها انا بس لوحدي ,بالمناسبه انا غنية اكتر من 7 اغاني لدلوقتي بالميوزك وبرامج الدي جي
ونقول في نهاية التنفيس
خدت منها معاد وقلبي طاير من الفرح كلها سعات واداوي قلبي الي أنجرح
روحت ليها مشتاق اليها وعيني مشتاقه لعنيها
عشت احلم اني الاقيها وبرموش عنيه ادااري عليها
لاكن قدرنا وقف قدمنا وحال ما بينا
ضاعت امالنا ادام عيونا وكان عزولنا هوه القدر
احمد محمد علام

2008-09-24

بس خلاص

بصيت ع المكان من بعيد
حسيت اد أيه بقيت وحيد
لما روحت مكان لؤانا
الي جمعنا فيه هوانا
هنا بسمه هنا لمسه
هنا ضحكه وابتسامه
هنا ايوه هنا لاء
هنا بينا حكايات هوانا
وهنا بردو كانت دموعنا
لما انكتب علينا الفراق
وكل شئ رافض رجوعنا
وكل شئ بيقول فراق


بس خلاص!

2008-09-23

دي بقي مفهاش كلام

النهارده انا مش هتكلم
اطعم الفم تستحي العين
الله يجازي الأسباب اللي خلتني أدق هذا الباب
جبتي الهدية وعينك فيها وعندنا قعدتي أكلتيها
اللي يعتمد على مداس جاره يمشي حافي
الهي الكلب بعظمه
إبرتي المصدية أحسن من اسوارك أبو ألف ومية
الفلوس تكسر النفوس تخلى العالي واطي والسعيد متعوس
اللقمة المنظورة توقف في الزور
حمارتك العرجا تغنيك عن سؤال اللئيم
حمصه في حريه ولا وليمه في عبوديه
لقمه تحت حيطه ولا خروف بعيطه
اللي يبغا الدحه ما يقول أحه

2008-09-22

تنفيس ولابد منه


اكتر حاجه بكرها في اي بنت خلقها ربنا لما الاقي الفرق الي بيني وبينها كل شويه بيقل عن الاول
يعني تلاقيها لابسه جيز
يعني تلاقيها قصة شعرها وكشفاه
يعني قميص ابيض مفتوح علي بنطلون اسود ضيق
شويه بادي علي ميني جيب
شويه صوتها طخن من شرب السجاير
شويه بقي ليها مصطلحاتها البذيئه ومفرداتها اللغويه الي عمري ما سمعتها من انسانه محترمه
شويه بلاقيها قاعده جمبي ع القهوي بتشيش
شويه لاقي بنت فاتحه مدونه مكتوب فيها المدونه ترحب بالبذاءات
ةتدخل تقول رئيك بمنتي الصراحه من غير ما تقل ادبك
هههه اول حاجه يردو عليك بيها هيه قلة الادب
وزفارة لسان
ولسان سليط متبري من صاحبه
صحيح مبقاش في فرق كتير
وسعات بحص ان مفيش فرق
.....
مفهوم الانثي اتحول واتبدل واتغير علي ايد الانثي ذات نفسها
طبعا مش كلهم
من تنادي باين رجولة الرجال
سأنادي بجانبها
اين اجد انثي بين النساء
_____________



مصر كلها رومنسيه
بطولة تامر حسني وزينه
وازاي هنربط بين البنت الي بتنادي بعدم التحرش بها في الشارع
وبين حبها الشديد لتمووووره وجميع افعاله واقواله وهمساته ولمزاته وسكناته وشعر صدره
بل وتتمني ان تكون مكان الفنانه زينه وياشور علي ((***))ويقول هيه دي ويشاور علي ((**))ويقول هوه ده

هوه باب النجار مخلع ولا ايه
طب ماهوه الي بيتحرش في الشارع مش بيعمل اكتر من الي تامر عمله في الكليب ده
الراجل مغلطشتش لما قلد واحد كل البنات بتحبه كل البنات مجنين
ناس ليه قرع
وناس ليها هيلب يور سيلف

ايـــه الجديد

حب جديد وايه الجديد
يعني ويــله وأهااا أكيد
يعني دموع علي قلب عنيد
يعني كلمه لاء دي كدبه من جديد
يعني جروح ما بتنتهيش
يعني دموع ما بتتنسيش
يعني فرحه مش هتيجي
مهما تعيش
ما انت فاكر ايه احزانك
لما حبيبك باعك خانك
لما عشت ليه زمانك
وهوه باع

شكرا لكل قلب حبــيته وخدعني وسرق حلمي معاه وباعني
شكرا

2008-09-21

ال احترم نفسك ال بلا وكسه


أضغط علي الصوره وشوف الكلام
هذه الفتنه الغربيه الموجوده في مجتمعنا))ا)))

ماهوه الي لابسين بادي وغيرو ولابسين مش لابسين هما الي جابولنا الوكسه ووجودهم هما الي بوظو اخلاق الشعب مبقناش عارفين مين الحلو ومين الزفت والمنيل
احنا هنخرف ولا ايه هوه الطبيعي يكون في بنت اساسا لابسه بادي سواء دلوقتي ولا من قرن فات ومن التخلف الكبير والغباء المتواصل اننا نعمل نفسنا منابر لما يرديه الغرب قوله
هما عايزين بناتنا زي بناتهم
هيه جميعه من بنات عايزه تلبس علي كيفها وتعمل الي نفسها فيه ولو حد اعترض نبقي همج ومتخلفين واغبياء
الاصل في موضوع احترم نفسك احترم دينك وثقافتك وعروبتك اننا نحترم نفسنا في كل حاجه ولد وبنت وتعامل مع الغير نحترم نفسنا في كل حاجه

هما بقي عايزين يخصصو الجمعيه دي في الدفاع عن البنت الي عايزه تعمل الي في نفسها اقولكم سموها
ارجوك اوعي تغير انا حواليا كتير

انا


انا الي غيرلك حياتك بعد ما كنتي بتعاني فيها

مش هكون ذكري في حياتك او حتي لعبه لعبتي بيها

مش هتطوي صفحتي قبل ماتمسحي دمعتي

عارفه ازاي هتمسحيها

لما شوفك بتنزليها

لما اشوف دموع عنيكي الي ياما مسحتها

كنت بموت من شوقي ليكي كنتي حاجه بحبها

دلوقتي بس كرهتها

2008-09-19

ذئب رومنسي

ذئب رومنسي

بين اغصان الشجر الاخضرالصادر منه اصوات العصافير يجلس تحت هذه الشجره شاب يمسك بيده عصاة بها في تراب الاراض ,توقفت العصاة عندا ذهب بخياله ,أني احتاج الي من يروي ظمئ فقد مللت من الوحده اتمني لو اشرب من خمرها وارتوي من دفئها ,يتنهد من فرط احساسه بالاحتياج,كم يعاني من الاحتياج,من اين تاتي في هذا المكان ولما تاتي ومتي تاتي من تروي ظمئ المخزون سألهو معها واتقرب منها واحتمي وراء برائتي المرسومه علي وجهي واقبلها نعم ساحضنها بل اني سافعل بها ما متنيت ان اكون فاعله افاق من خياله وتحركت عصاته التي اصبحت في فمه يجز عليها باسنانه من شدة تفكيره ورغبته في سد حاجته

أتركني دعني شأني ان الله يراك,,لم تكن تلك الكمات كافية لردعه عما يفعله وما يدور في راسه لم تأثر به كما اثرت فيه مشاعره تمنيت ساترك لكي نفسي ,ساترك لكي نفسي ,ساترك لكي جسدي ,,ان تركته فساقتله,,يالكي من فتاة بلا شعور انك حجر بل اشد منه المشتاقه ساخد منك ما تمنيت وساغوص بين بحور احضانك واغرس فكرتي ورغبتي بين قيعان محيطك ودفئ جنباتك ,,,دعني وشأني دعني ماذا بك اني اري شيطان يبعث بجسدي شفاة بين دموعق قبلات بلا رجوع اخذا بلا عطاء بكي اين نار حبك الا تنتظرين هذه اللحظه مثلي الا تعشقين هذا الجمال الفتان نعم اني جميل ولهذا ستغفرين ما انا فاعل بك فمن منا لا يحب الجمال اعطيني منك كما قسوة ,ساخذ ما ارده عنوة ,لن تأخذ مني شئ دعني وشئني ايها القذر

نعم معها حق اني لا أخذ منها سوي جفاء فوق جفاء اني احبك واني اكرهك لن اتركك والله لن يتركك دعني اذهب اني اكره حتي انفاسك اتركني ايها المجرم دعني لعنك الله لم تكن تكمل كلماتها وأذ بدمعة تتساقد وشعور بالقلب يتقهقر وعزيمة تنهار وقوة توهن ,فنظر اليها وفي حسرة قال اني اكرهك اكرهك دمرتني وقتلتي الحلم الذي بداخلي اني تمنيت حبك قبل جسدك اشتقات لحنانك قبل جمالك اصبح حضنك جمرة في صدري اذهبي فهذا ما تريدين

2008-09-17

يا.أبني

ماهو لازم اصبر ولازم اعيش ولازم اكمل دنيتي
عشانك انت وبيك وليك هابني علي جراحي جنتي
ولو دموعي محوطاني
والكل سابني وجفاني
مهما الزمان بكاني
هرضي بنصيبي وقسمتي
ما هو يا أبني ماليش انا غيرك
وبكره تيديني من خيرك
مسيرك تعرف مسيرك
عملت ليك ايه في شدتي
ولسه هعمل مهما اعيش
ولو حاربت عشانك جيش
منغيرك الدنيا متساويش
دا بيك بتهدي دمعتي

تـنـفـيـسـات متنوعه

اللهم أجرنا في مصيبتنا
كنت بتصفح الفديوهات ع اليوتيوب لاقي فيدو مخصص لعمرو خالد والهجوم عليه ومن مين من الشيخ محمد حسان
ياشيخ ,,عمرو خالد انسان جميل ومحترم ومثقف وليه اسهامات عديده وكثيره جدا في الدعوه الي الله والي الدين الاسلامي ,
واذا كان الراجل غلط مع اني مش عارف اذا كان غلط ولا لاء او الي قاله غلطه ,فأنت اعلم وادري مني بالدين,فاينفعش نهاجمه
بالدرجه دي ونقول بطريقه غريبه استغربت قوي لما شوفتها عليك ,,بل هوه الفاشل وافشل اهل الارض ,,اذا كان غلط صحح ليه ,الخطاء الغير مقصود بطريقه غير منفره كلنا بنغلط ومحدش معصوم من الخطاء والتوجيه السليب ياتي بالثمار المرجوه ..قال تعالي في كتابه ,,,وادعو الي سبيل ربك بالحكمة والموعظة الحسنه.,,.فينفعش بجد نعمل كده في نفسينا كفايه الي بيحصل لينا من الغرب ,
_______________
يا سبحه يا سجاره
حاجه غريبه لاحظتها في راجل كل يوم اشوفه ماشي في الشارع((قبل رمضان)) ماسك السبحه في ايده وعلبة السجاير في الايد التانيه
طيب انا مش فاهم ايه علاقة السبحه بعلبة السجاير ولا هوه يولع سيجاره ويسبح ربنا في نفس ذات الوقت ولا يشرب السيجاره ويخلصها وبعد كده يسبح ربنا ولا لزومه المنظره ياعم يا دي يا دي مبقولكش ماتشربتش سجاير اشرب ياعم وانبسط دا انا بحبها موت للاسف
__________________
نستحمل بعضنا
سعات الواحد بيكون عنده اكتئاب وزهقان وطهقان من عيشته وبتصدر عنه افعال بتزعل الناس منه القريب والغريب في ناس هتقدر وفي ناس مش هيكون في دماغها انه يزعلها او ميزعلهاش عشان هوه مش مهم بالنسبه ليهم او مش ذنبهم انه قرفان في حياته ,بس بجد الانسان ده لما يفوق من الحاله دي بيحب يراضي كل الناس ويحس انه غلط في حقهم علي الرغم انهم بردو ميهمهوش بس في حاجه عظيمه قوي اسمها (((مبحبش حد يكون زعلان مني )) ياريت نكون كلنا كده
((منحبش حد يكون زعلان مننا او زعلنين منهم او معاهم ))
حتي لو كانو مش مهمين في حياتنا ..

أدي الحــيــاة

ادي الحياه المره عيشينها

تيجي علينا تألمنا تظلمنا

وهنعمل ايه ما هودا قدرنا ونصيبنا

ديما نروح للي بيجرح قلوبنا

ما كفايه بقي دا الدمع مالي عيونا

كفايه شقي والي نحبه يخونا

امتي الزمان يحن ويرضي علينا

ليه يا زمان اسي قوي كده علينا

ضروري يعني تهد وتهدم فينا

دا احنا رضينا بالهم والهم ليه مش راضي بينا

ادي الحياه فيها مراكب وبتعدي

واحنا جروحنا بتيجي تقف وما تعدي

ومابتنتهي وتعيدي في همومنا القديمه

وننكسر ونتسيب دموعنا الحزينه

ولو حاولنا نقف فيها من تاني

ونحب قلب يطلع في الاخر اناني

خلاص زهقت دا الخوف اااااااااااه خلاني

احب اموت واروح مكان تاني

ولــع في جورنــالك

لم أسئل شيخ او فقيه عن مدي صحة وجود ايات قرأنيه في الجرايد او المجلات فكثيرا ما نري ايات القرأن الكريم في جرنال ونجد ايضا لفظ الجلاله ((الله))في جميع الصحف والمجلات المشكله ان الجرايد دي ملهاش غير اماكن معروفه اولا يتمسح بيها الزجاج وتترمي في الشارع ثانيا يتمسح بيها الزجاج وتترمي بردو في الشارع تتحط علي سفره او طبليه ويتاكل عليها وتترمي في الزباله ,,المهم في الاخر انها بتترمي ومش بنهتم بيها جرايد بقي .طب والي فيها ده من قرأن واسماء الله الحسني واحاديث للنبي المصطفي صلي الله عليه وسلم انا والله بحاول قدر الامكان لو اني رئيت لفظ الجلاله في ورقه اوفي جرنال بحتفظ بيها او بحرقها عشان ده الفعل الصحيح عند وجود ايات قرأنيه بها ,,دي مشكله كبيره ومش اي كلام لما نرمي ورقه فيها قرأن جرنال في قرأن اي حاجه فيها كلام الله عز وجل او حتي اسم الله عز وجل في الارض ويداس عليها ..يبقي احنا بنعمل الي بيعمله الغرب من عدم احترام وايهانه واستهانه بكتاب الله وبعد كده نلومهم طب ما نحافظ عليه احنا الاول
نقدره نحاول بقدر الامكان ناخد بالنا من الحاجه دي قوي وقيس علي كده بردو حجات تانيه كتيره زي مثلا الموبيلات الي مليانه افلام سكس وفي نفس الوقت فيها قران ,,وايضا الكومبيوترات عليه افلام اباحيه وجنس وفي نفس الوقت عليه قران .هوه ده احترامك لدينك ولكلام الله عز وجل ..مش عارف ايه الحل ,هل يمكن ان نلغي وجود ايات قرانيه في الصحف والمجلات ,وذلك حفاظا علي ايات الله البينات ,,انا شايف ان ده انسب حل للموضوع ده عشان مش هتقدر تقول لكل واحد بيقراء الجرنال
ولع في جرنالك يا حضرت
الموضوع مهم جدا وكبير جدا جدا وكان ممكن يطلع البوست ده بطريقه افضل وبأسلوب مقنع عن كده بس عدم التركيز هوه السبب ولاكن أهمية الحديث تجبرني علي التحدث

التطبيع مع الخنازير...ترضي تعزم قرد علي الغدي

كنت بدور علي اغاني جديده وكليبات وبالصدفه وقعت علي اليوتيوب والمهم بقي اني لاقيت اغنيه اسرائيليه دا ايه الحلاوه دي هوه انا بفهم اجنبي قوي عشان افهم عبري قلت اسمعها ونشوف العالم دي ايه ظروفها هما صحيح ليهم في الرومنسيه والاغاني والحب ولا كله دم وذبح واعتقال ومتفجرات ومدافع وعنصريه واحتلال واستوطان واستيطان وصهونيه وعدم انسانيه ولاد الخنازير والقردو ولاد المساخيط الاسرائلين ...لاقيت بقي ان الميوزك الي في الاغنيه قريبه جدا من الاغاني الشرقيه العربيه المصريه والله كنت حاسس اني بسمع مجدي درويش اغنية حبيبتي راحت ,,او ادم اغنية كيفك انت شبهبها قوي خصوصا في كوبليت لا والله وفيك الخير ,,وكمان منكرش ان اداء ابن الخنزير الي كان بيغني اداء حلو وصوته كويس ,,وهنا بقي نيجي عند المفيد هل ينفع نسمع اغاني عبريه اسرائيليه ونفصل السياسه عن الفن هل ممكن نلاقي وشاب مصري حاطط اغنيه علي موبايله لمطرب اسرائيلي ابن وسخه او حاطط نغمه لموبايله لمطربه صهيونيه بنت حرام زي دي مثلا.... ((,,ניeVq.חسוeeoזר אליالترجمه وين الغايب)).....طبعا انا هغير في اسم الاغنيه عشان محدش يتفرج علي الاغاني الاسرائيليه وممكن شاب اهبل ابن اهبل يحبها ودي بقي الي نخاف منه ماهو لو شاب حب الاغاني دي وحب مطربيها مش بعيد يقلدهم ويحط اغانيهم علي موبايل والشباب اليومين دول (مهيبره )) وبتحب تعمل كل شئ جديد وتحب الافتكسات )) ,وتلاقي ان الشباب كلهم ماشين يغنو عبري ..طبعا ممكن محدش يصدق كلامي دا اذا حد شافه اصلا((هههه)) بس الايام دي الواحد بقي يخاف علي هويته طب ما احنا بنقلد الغرب في كل حاجه هتيجي علي الصهاينه ويقولك ياعم دا في سلام وبعدين دا فن وصوتهم حلو ((بذمتك في خنزير صوته حلو)) ولا حتي سمعت قرد بيقول يا عيني يا ليلي ويبقي صوته حلو )) ..نرجع تاني للموضوع مع اني مخرجتش منه والكلام داير حوالين التطبيع مع ولا الحرام الصهاينه هل نعزل الفن عن السياسه هل ممكن نروح نعمل سياحه عندهم ((قصدي يعني في ارضنا الي هما احتلوها وقالو دي بتاعتنا وبتاعت اجدادنا الخنازير ))وهما كمان يجيو عندنا ((مع انهم بيجو اصلا رغم عن نن عيون ابونا بيحو ويبلبطو في الميه ويتمشو في الشوارع ويضربو العمال كمان ...هل من الممكن نعزم واحد اسرائيلي في بيتنا ونغديه ((وندبحه هههه)) ونعشيه لو كان تايه ومش عارف يروح يندر امه ........من الاخر كده نبقي حبايب ونرمي الطرشه((المؤخيره)) للي بيحصل لأخوتنا في فلسطين والي حصل لاختونا بردو فيحروبنا معاهم وننسي ان حلمهم من العراق للنيل دا علي حثتي وجثت اهلي كلهم لو حتي دخلو شبر من مصر ....مفيش تطبيع مفيش تطبيع مفيش تطبيع ....والطخين في البلد يقول نعم للتطبيع دا عند امه يا ادهم .....بجد مينفعش نسكت علي الي بيحصل ده التطبيع قادم لا محال والي هيسكت يبقي كأنه بيعزم اليهود الي قتلو اخوتنا وبيقتلوهم وهيقتلوهم بنعزمهم علي الغدي بيتنا.............سؤال ترضي تعزم يهودي في بيتك.............ترضي تاكل مع يهودي من طبق واحد ...........؟؟؟؟
دا انا كنت اولع فيك وفي اهلك

أخـــــسسس

يا جدعان حد يوفق الشله البايظه بتاع موني وتيتي ونونو وريري الشله دي يا رجاله شايفه اننا بقي عندنا عجز وكبت وبنطلع الشعور ده علي الستات وده سبب في الضرب ليهن وان مصر كلها ولايا يعني كل مصر نسوان الله يكرمهم يارب زي ما كرم السادات عاش متكرم ومات متخرم اللهم امين الشله دي بقي يا رجاله نازله تلقيح علي الرجاله وشتيمه ومش مقدارين ان الكلام ده هوه الي بيعمل الكبت والعجز والمرض الله يخربيتكن يعني شاب زيي يلاقي واحده بنت عشان اشك انها ست بتقول ان مصر مفهاش رجاله والرجاله الي فيها ولايا وعندهم عجز ينهار اسود طب انا اعمل ايه دلوقتي ماخدش الكلمه علي صدري وانكتم ولا اقولهم تعالو بقي نشوف راحة فين الرجوله الي بتتكلمو عليها دي الي بقت غير متوفره بالسوق الرجالي المصري تعالو وملكوش دعوه احنا هنعمل كل حاجه ايه !!ايه البنات دي شلو عوانس عايزين يعملو الي في نفسهم ولو قلنا ليهم دا غلط دا عيب يا نسوان يقولو لاء حريتنا ومش عارف ايه ولو الكلام مجبش نتيجه وحاولنا نعمل مساواه بين الرجل والست في كل حاجه كللللللل حاجه بقي مش احنا ولايا زي بعض ونيجي عشان نضربهم يقولو فين المرجله يعني دلوقتي بتسألي عن المرجله والرجوله وعيزانا نطبقها علي نفسنا ولما نيجي نطبق الرجوله الي بحق وحقيقي تقولو دي حريه اخس عليكن

الـسـياســه ؟؟؟؟ ايــش تكون

سأل طفل والده ماهيه السياسه؟
قال الأب :دعني أحاول شرح لك معني السياسه
أنا مصدر رزق الاسره,لذا سنطلق علي اسم الرأسماليه
وأمك هي المدير المالي لذاسنطلق عليها أسم الحكومه
ونحن هنا لنهتم بأحتيجاتك لذا سنطلق عليك اسم الشعب
والخادمه سنعتبرها الطبقه العامله
وأخوك الصغير سنطلق عليه أسم المستقبل
وألان فكر في هذا وانظر ما اذا كان يبين لك المعني !!!
ذهب الطفل للفراش يفكر فيما قاله له ابوه,وفي وقت متأخر من الليل سمعت صوت أخيه الصغير يبكي .فذهب ليري ما به
,فوجده قد بال في حفاظته
,فذهب لغرفة أبويه فوجد أمه غارقه في النوم ,وليم يرد ايقاظها
,ثم ذهب الي الي غرفة الخادمه فوجدها مغلقه
أختلس النظر من فتحت الباب فوجد أباه علي السرير مع الخادمه
استسلم الطفل ورجع الي فراشه.
وفي اليوم التالي قال الطفل لابيه :أبي ,أظنني الأن فهمت معني السياسه
قال الاب:ممتاذ ,أخبرني ما الذي فهمته ?
رد الطفل:حسنا بينما تعبث الرأسماليه بالطبقه العامله
تكون الحكومه غاقله نائمه
فيصبح الشعب مهمل
والمستقبل في عمق القذاااااااااره
!

صعبان عليه((حمورية ))مصر العربيه


غلطة النظام او غلطة الرئيس محمد حسني مبارك انه استمر حتي الان في الحكم هذه الغلطه لم تكن بسبب هذه الغلاء والحكم البوليس والكلام الي كل الناس بتقوله وكل المدونات عماله علي بطاله تهاجم في الحكم والنظام ,ولا صحف المعارضه والتجمعات الفكريه والخناقيه والتهوشيه والقرنيه ,,الان وفي جميع انحاء الجمهوريه الصغيل والكبير والعجوز والشباب الست والراجل الانس والجن مفيش كائن حي يرزق او لا يرزق الا ويشتم الرئيس فاهم مش فاهم بيشتم الرئيس لدرجة اني بكلم اطفال صغيره الاقيها بتشتم الرئيس وشتيمه من نور دا ابن وابن الخ,طبعا هما بيسمعو الكلام ده من ابهاتهم والناس والشارع كله بيشتم فبيقول زيهم ولا هوه عارف ولا فاهم حاجه والي شبه الاطفال دي الحمير الي في البلد الي عاملين ياكلو ويشربو ويتجوزو ووو ويخلفو ويموتو هما دول الحمير الي ملهمش فيها وبيشتمو سيادة الرئيس ,,طبعا الرئيس ميقربليش نوهائيا بس انا استفزني غرابة الامرازاي اكون مش فاهم حاجه وبشتم انا كمان دا انا ابقي(( امــــــــعـــــه )) وحماركمان ولا واحد يقرء يومين صحف معارضه يعمل فيها زعيم ويقعد يسب ويلعن في ام النظام نظام ايه يا ابن الهبله مش تفهم الاول ما بدل ما يضحك عليك بكلمتين من راجل مربي دقن وعامل فيها سني وهوه من جزمه في الاساس اقصد من كلامي ان منتبعش راي او منهج واحنا منعرفش رايح بينا علي فين يعني منبقاش مربوطين بحبل ومسحبون من قفانا

يارب محتاج لك


رمضان داخل وربنا يشيل عني الهم والغم الي حاطط عليه ده
مش عارف ليه كده ابقي مهموم من غير سبب بتحصلي كتير الحكايه دي
انا بجد ببقي نفسي اخرج من المود ده بس مش بعرف
انا قلت الكلام ده قبل كده في بوست قديم
والمشكله بقي ان حظي حلو اوي مع المدونات الكئيبه
مش قصدي كئيبه وكده يعني اقصد ان يكون ناس كانت بتكتب حلو اوي
وحاجه تفرح
ويبطلو يكتبو او يكونو مكتئبين هما كمان
يارب بجد محتاجلك

لــيه


ايه العالم ده كله خلاف ومتناقضات ومشاكل ومصايب وبلاوي سوده
ايه العالم ده كله حروب ودمار وخراب ديار وهم ونكد وسواد وحزن والم
ايه العالم ده كله كدب ونفاق وخداع وباطن غير ظاهر وسواد في القلب
ايه العالم ده كله عري واباحيه وجنس وشهوه وملذات ومغريات ومفاسد
ايه العالم ده كله ايييييييييه ده ايــــــــــــــــــــــــــــــــــــــــــــــــــــــــــــه ده
هوه ربنا خلق الكون عشان كده هوه ربنا سخرلنا كل شئ عشان كده
هوه ربنا خلقنا عشان نعمل كده هوه ربنا خلقنا عشان نكون كده
حتي لو في حجات كتيره جميله في الكون
حتي لو في حياة كما خلقنا لها موجوده في الدنيا
حتي لو كان في ناس بتعيش الانسانيه الي خلقنا ربنا عليها
بس هما مش كتير
بس هما مش ظاهرين
بس هما مش متشافين
علي طول شايف الشر
علي طول شايفين الحرام
علي طول علي عرض علي ورب
طريق الضلال هوه الاقرب
حتي لو كان الحرام بين والحلال بين وبينها امور متشابهات
حتي لو كان الدنيا فيها وفيها
ومدام الخير موجود يبقي الشر موجود
طب موافقين علي وجود الشر
بس مش يكون اكتر من الخير
يكفيني جمله واحد بتتقال
((محدش عارف الخير فين))
فعلا مش شايفن الخير ولا عارفينله مكان
ليه كل حاجه حلوه بقت تتشوه ليه الشر والاجرام اكتر
ليه السوااااااااااااد اكتر من البياض
ليه

سـامع صوتك




(حاجه كده بقالها فتره)

سامع صوتك جوه مني

بيقول حبيبي تعال عندي

وفي عنيك خليني اشوفني

واحس بيك وانا بين ايديك وانت في حضني

خوفي عليك خلاني ما اعرف ايه الي بيه

غير اني عايز احضنك ما بين اديه

واداري عليك من اي نظره غير عنيه

من حبي ليك انا ليل نهار بفضل اغني

واقول بأسمك احلي كلمه يقولها قلبي

انت حبيبي ااه حبيبي واااااااااه ياقلبي

اه من الشوق الي ماليني

بعادك عني مبكيني .ارجعلي حلي سنيني

واشوف في عنيك دوايا

بعلو صوتي اسمعني

انا ليه مين يعني

يكون عشقي وهوايا

الرحـــيــل



واسترجعت الماضي لاقيتني اني كتبت حجات تنفع بردو زي دي ((الرحيل قراري الاخير)) كنت في سنه تالته اعدادي


يا دنيا الضياع

ساقول الوداع

فيكي الحب ضاع

وكل شئ خداع

سالقي خطبت وداعي بين اوجاعي وضياعي

فقد قررت ان ارحل من الدنيا وما فيها

فاني لو بقيت بها سأبكي ما دمت فيها

سارحل واني اعلم ان بعد رحيلي لن يتغير حالها

ولاكني ايقنت انني لن اقوي علي احكامها

سارحل واعلم اني هنا بخير عن هناك
فنار شمس الدنيا خيرا من جمرة هناك

ولاكن هناك معلوم مصيري
وفي دنيايا قد تاااااااه دليلي

لا اري امل يبقيني فيها

مادمت لن استمر فيها

سارحل لاني لا اجد من يجفف دموعي

سارحل لاني اري كل يوم من يطفئ شموعي

سارحل لاني اصبحت كعصفور مربوط جناحه
لايقوي علي شئ واصبح ليله كصباحه

الرحيــــــــــــــــــــــــــــــــــــــــــــــــــــــــــــل

هذا هوه قراري الأخير

فأني بدنيا بلا متاااااااااااااااااااااااااااااااااااااااااااع

دنيا الوهم والخداااااااااااااااااااااااااااااااااااااااااااااع

2008-09-16

بمذاجي اه غصب غني لع


اضطرتني الظروف اركب عربيه ربع نقل

كنت في مكان مفهوش وسيلة موصلات غير دي

دا مضايقنيش ولا حاجه مدام مفيش غير كده

يبقي هوه كده

المهم اني كنت لابس كاب عشان الحر وكمان انا شعري طويل

وركبت العربيه ومدخلتش جوه لاء انا وقفت بره ومسكت فيها

وسرحت شويه لاقيت الكاب طار من فوق دماغي

والهوي كان شديد وطبعا شعري بقي شبه الكنافه من الهوي

وشكلي بقي معفن قوي كنت حاسس ان كل الناس بتبص عليه


هوه عامل في نفسه كده ليه

مين المتشرد ده

الواد ده شعره منكوش كده ليه

وانا كان نفسي الارض تنشق وتبلعني

واحد يقولي فكك ياعم عادي محدش ليه حاجه عندك

والتاني يصبرني ويقولي مش وحش قوي يعني

طبعا انامؤمن بالجمله دي

((منعكش مش مهم مكرمش مش مهم المهم تكون الجزمه متلمعه))

واضحك بعديها علي فكره دا اعلان كنت بشوفه في( الفيزيون) علي راي الواد ابن اخويه

المهم اول ما نزلت منن العربيه اشتريت كاب جديد وداريت العار


تشاء الظروف ارجع في نفس المكان في يوم تاني

واضطر بردو لركب نفس وسيلة النقل ((عربيه ربع نقل))

ولا كن المره دي خدت بالي قوي من الكاب عشان ميطرش تاني

بس شويه كده عجبني نسيم الهوي الي جاي عليه

قلعت الكاب بمذاجي وسيبت نفسي للهوي

كبرت دماغي يتنعكش يتكرمش مش مهم

المهم ان هعمل الي انا عايزه وفضلت طول الطرق وانا سايب نفسي للهوي

يبهدل في شكلي وفي شعري ولا في دماغي

المهم بقي ان القصه ليها معني مش اي كلام

ان لما تعمل الحاجه بمذاجك احسن ما تعملها غصب عنك

زيها زي الحريه تمارسها بدوون ضغط

والحريه الي بتتفرض عليك

زيها زي الديموقراطيه الي انت بتطبقها علي نفسك

والديموقراطيه الي بتتطبق عليك غصب عن اهلك

معرفش ليه قدرت انساك

معرفش ليه قدرت انساك
يمكن هوايا مبقاش هواك
عودت قلبي علي بعادك
نسيتني طعم الشوق في لؤاك
معرفش ليه مش في دماغي
ارجع لحبك بدون داعي
وهاقولك كلمه خليك واعي
انا الي ناوي انسي هواك
معرفش ليه مش فارقه معايا
ولا حاجه ليك باقيه جوايا
بطلت اقول اسمك في غوناااايااااااا
وكأني عمري ما كنت معاك
............................
طز فيكي من الاخر
يمكن مكتنش حب
الله يسهلك
___________
تحديث
انا مقدرتش انساه بجد

هتوحشيني

ازاي هعيش وانت مش معايا
صعبان عليه تبقي هبه دي النهايه
سنين حياتنا وذكريتنا وحبنا
ضاعو بأيدينا مفضلش لينا
غير دمعنا ((حماده هلال .اغنية الايام))
................................
انسان حب بنت وبنت حبته عشقها وعشقته
خلو الدنيا عشانهم وبس
حلمو بكل حاجه وحبو عشان بعض كل حاجه
عملو كل حاجه ونسيو نفسهم وحضنو بعض
سرح بخياله لبعيد وغمض عنيه واتاري ايديه سرحت معاه
وراحت علي شعرها وقالها بحبك ايوه بحبك
قلبي اتخلق عشان يحبك

حاسس بشوق ليكي
حاسس بخوف عليكي
حاسس انك مني
حاسس انك ليه
بتاعتي انا وبس
انا وبس دا انا قلبي عمره ما حس
غير لما قلبك دق جوه مني
لما صوتك سمعته غصب عني
لما اسمك رن يا حته مني
ايدها كانت بتبعده
شفايفها كانت مستعده تقول كلام
بص لعينها قالت من غير كلام
مبقاش ينع احبك
مبقتش ليه

حرام اظلم نفسي معاك
حرام اكون لغيرك وانتي جمبي

.........................................
من الاخر كده الي بحبها هتتخطب
ومش لاقي اي كلام اقوله
ولا عراف اعمل اي حاجه
وانا بعشقها ولو في اكتر من العشق يبقي حبي ليها
هوه ده
كل حاجه محبوسه جوايا كل كلمه مش راضيه تطلع
مش عارف حتي اركز وانا بكتب الكلام ده والي فات
اعمل ايه
ازاي اسيب حبيبتي الي اتمنيتها من قلبي
عارف يعني ايه تتمني حد من قلبك
بتمنااااااااااااااااااك يا حبيبي
يعني ادعليه في صلاتي وادعي ربي يجمعني بيه
مفيش في ايدي حاجه
هيه بتبحني وانا عارف ورفضت كتير وقليل
بس خلاص
انتهت كل الاسباب
فاض بيها الكيل فيه وفي نفسها
رضيت وخلاص
الي مني هيروح مني
وهتوحشيني
ومش عارف هعيش ازاي بعدك
ينفع اسمع صوتك من تاني
هينفع اسمع ضحكتك تاني
هينفع احس خوفك عليك تاني
هينفع ابوس ايدك من تاني
هينفع تبوسيني من خدي تاني

هتوحشيني قوي

احترمي نفسك با موووزه

بدل ما نقول احترم نفسك ..بس
نقول كمان احترمي نفسك وراعي انك في بلد عربي مسلم

مش قاعد في نيويوك ولا منهاتن
وهنقول بردو لسه فيكي رجاله يامصر بشنب او بين البنين

مش سايبه بناتها تعمل الي هيه عايزاه
وبالنسبه للنخوه والشهامه فا سبناها لابهات واخوات
واولياء امور البنات الي بنشوفها في الشارع
شارع ايه دا بقي كباريه
بالنسبه للمحجبات وانها بردو بتتعاكس
المعاكسه وارده جدا في اي بلد واي مكان وامر عادي
واكيد مليون في الميه ان معاكستها مش هتكون زي الي
نازله من بيتها اساسا عشان تتعاكس
بالعقل كده اشوف بنت لابسه او مش لابسه وماشيه تتمرقع في الشارع
لاء دا انا لازم اعبرلها عن اعجابي بالي هيه عايزاني اشوفه
المشكله كلها تنحصر في اخلاااااااااق المصريين
ولاد وبنات رجاله وستات اصل احنا في زمن
الانفشاخ والعولمه الي هيه بنت خالة العالمه

مطلب شعبي جمهوري


السجاير طبعا طبعا مليون طبعا مضره جدا بالصحه وتودي في
ديشليون داهيه
الدشيلون ده واحد و جمبه 60 صفر
المهم الشركه الي بتصنع الدخان منزله عليه صورة واحد عيان
ال ايه عشان الناس بتبعد عن السجاير
بالبلدي اكتر يعني لو مسمعتش كلام ماما وبابا وشربت سجاير
هتبقي زي عمو الي ميت مره قبل كده ده
بس هل الصوره دي هتمنع المدخنين من السجاير
عن نفسي من مدمني السجاير وبحبها وبكرها في نفس الوقت
في الاول اترسمت صورة الرئه لمبصابه بالسرطان علي السجاير المحلي
يعني يقرفو الناس الغلابه الي بتشرب علي قد فلوسها ومتعرفش ان السجاير دي
بتنفس عنهم وبطلعة فيها همهم النس اضايقت فعلا بس مبطلتش سجاير
شويه بقي وده المهم انها اترسمت علي السجاير الي انا بشربها
دا ايييييييييييه القرف ده هيه ناقصه مش كفايه ان المحلي الي عامل زي الخشب

وبنضطر نشرب اجنبي ((الله يعكر مذاجهم))
في الاول بقيت ادور علي اي علبه معلهاش الرسمه بس الظاهر ان مفيش مفر من اني اشرب
منها بقي خلاص
جبت العلبله وانا بحاول مبصش ليها وقمت جايب استيكر ولازقها علي الراحل الميت مره ده
وكانها مش موجوده
انا بس عايز اقول حاجه
الصوره دي ملهاش اي لزمه وانها نوع من الجليطه وقلة الزوق
محدش بيضرب حد علي ايده انه يشرب
مفيش دوله غير مصر (مش عارف صابرين عليها ليها) مرسوم علي علبتها صوره
مقززه تجيب المرض دي السجاير سعات بتحسس الواحد انه عنده ثقه بنفسه
حتي لو كان ده وهم او مرض نفسي بس علي الاقل مش بتجيب المرض الفكري الي بيخلي
الواحد يقرف من نفسه وهوه بيشربها ورغم كده هيشربها يعني هيشربها
انا اراهن ملوين في الميه
اراهن اني اقلع هدومي وامشي عريان
لو كمان رئيس الشركه او اي حد مهم وزير مثلا بيشرب سجاير عليها الرسمه
يا حكومة بلدنا يا ولاد الكلب سيبونا نشرب ونطنش علي الي بتعملوه
وبلاش تقرفونا بقي وتخلونا نطلع زهقنا عليكم بدل ما بنطلعه في السجاره
احنا هنلاقيها منكم ولا من الراجل الي ميت مره ده
ال صحيح هوه مين الراجل ده
اكيد واحد مش بيشرب سجاير

الدنيا عندي خربانه


الهم والغم والنكد ليه مره واحده وبدون اي سبب ابقي مهموم
وقرفان من الدنيا ,بيخليني اخسر كل الناس حتي الناس الي
بحبهم بياخدو جمب مني انا مش شايف اي سبب اني ابقي مهموم
ايه يعني معنديش وقت اكون زي ما ان عايز
عادي يعني احس كل يوم اني محبوس في قفص
ولوحدك كمان رغم اني في وسط الناس
بس فيها ايه اكون اقل من عصفور مقفول عليه قفص
محروم من الطيران من كل حاجه ربنا كتبها ليه
محروم من الطيران وربنا خلق ليه جنحات
محروم من انه يطير في سرب مع الطيور الي زيه
محروم من امه هيه الي تاكله
حتي محروم انه يشوفها
اخواته مبقاش يشوفهم ولا يطير وياهم
عادي خالص
مفيش اساسا اي داعي للزعل ولا الهم
لما الي ابات فيه اصبح فيه
عادي اكره نفسي عادي وربنا دا مفيش مشكله خالص لما
اولع في نفسي
عادي لما من كتر غضبي اخبط نفسي اشد في شعري
عادي يكون عليه ضغط مستمر عادي عادي عادي عادي
عادي لما احب اصلي ومعرفش اصلي
عادي لما ابح اروح الجامع ومقدرش اروح
عادي لما انسجن بين العيون ايووووووووه انسجن بين العيون
فعلا دا الوصف الصحيح للحاله الي انا فيه
مسجوووووووووون بين العيون
محروم من الجنون
الجنون في نظر الناس حاله عقليه
انما ان شايف الجنون انك تعمل الي نفسك فيه
لان الجنون ي حد ذاته انا مش قادر اعمله
اهو كلام وخلاص
وامتي هيجي اليوم واخرج من القفص ده
دا حتي زمان انا كنت بقدر اخرج من اي قفص حتي لو كان السجان
عشماوي دلوقتي انكسرت انكسررررررررت ارادتي
مش قادر اقول لااااااااااااااااء ولا حتي لما اقول لاااااء اقدر انفذ الي انا عايزه
يعني بلاش اقول لاء اصلها مش هتجيب اي نتيجه
اصل عادي اقول لاء مدام مفيش حاجه هتتغير
يعني اقول اه اقول لاء مش هتفرق يا معلم
ولا هتغير الحال وال ايييييييييه دوام الحال من المحال
ولا حال ولا نعت ولا فعل مضارع بقي ينفع
اشرب سجاره وانفخ واعيش ارضي بالي انا فيه بقي
انا زهقققققققققققققت زهقت زهقتتتتتتتتتتت

انا والشرطه وهواك


في يوم في شهر في سنه
تهدي الجراح وتنام وعمر جرحي انا..اناااااااااااااااااااااا
انا سرحت هههههههههه
في يوم كنت مسافر وركبت ميكروباص وقعد في الكرسي الاخير
شويه ودخل امين شرطه وقعد في الكرسي الي قبل الاخير
كان باين عليه غضب ربنا مش عارف ليه
ولا قال سلام ولا كلام وكانه اخرس او داخل علي يهود
شويه قررت اشعل سيجاره وطبعا لازم انزل من العربيه
عشان ((اقتل نفسي بعيدا عنهم))
المهم نزلت واتمشيت شويه وشربت سجارتي المحبوبه
ورجعت كانت العربيه كومبليت وطبعا مستنين الباشا
الي هوه انا
ركبت وقلت السلام عليكم معلش ياجماعه
وعادي خالص لاقيت امين الشرطه بيقولي
يعني بر***مك لازم تعدل دماغك
انا:انت بتكلمني انا
الامين:ايوه انت
انا:روح ام مين يابن بنت بنت بنت بنت بنت بنت
هوه :يابن وابن وبنت ووووووووووووووي
قامت خناقه ومسكنا في بعض وكنا نتصارع علي طريقة الثيران
بالنطح عشان كنا في العربيه والعربيه ماشيه ومش مالكين نقف معتدلين علي رجلينا
المهم بين شد وجذب وخناق الناس الي في العربيه خلاص وهدو الموضوع وسكت
هوه بقي مسكتش
الامين:وحياة امي لاحبسك
انا :تحبس مين ياعم انت .انت مجنون
الامين اخرس ياد يا ابن ال***
انا:وحياة ك***مك لهعرفك مين ابن ال*** ده
وطول الطريق الناس ال ايه تهدي فيه وتقوله معلش اخوك الصغير بردو
وهوه ماسك علي اسطوانة والله لاحبسك
مغظنيش ومخلنيش اتشال واتنكت وهفرقع من الغيظ ازاي ابن المره الي مش نضيفه ده
يشتمني عشان ايه ومين هوه
من هنا قررت انتقم مليش دعوه هنتقم يعني هنتقم
وصلنا ونزل من العربيه ونزلت وراه وخلعت حزام البنطلون ولفيته علي ايدي
:بشتشم مين بقي يا ابن ال****ــه
وطرااااخ علي دماغه حط ايده علي دماغه من اثر الخبطه لم يعرني اي اهتمام
للدم الي نزل من حديدة الحزام من رأسه
انا :عشان متبقاش تغلط فيه من غير سبب
الناس اتلمت ومش عارف ايه قمة برود الاعصاب الي كانت فيه دي
لا خوفت وال جريت ولا اتخطيت ولا حتي خوفت من رد فعله
الدم كان كتير الخبطه كانت مليانه غل وغيظ وقسوه بلا رحمه
طراااااااااخ وهوه قال ااااااااااااااااااااااااااااه
ولبست الحزام وانا اتمتم بهذه الكلمات
عشان مبتبقاش تغلط فيه من غير سبب
وطبعا الفيلم مخلصش علي كده لاء روحنا الاول الي مكان عمله
لكي يثبت حاله عشان اتاخر علي شغله وانا السبب
وطبعا (((عندما اتذكر هذه الايام اسب واشتم وببفي هعيط))
اكمل ..وطبعا زمايله في الشغل قامو بالواجب معايا
الا ظابط ابن حلال قال مفيش حد يلمسه وبالرغم من انه خف عني
الا انهم سبوني وبهدلو بكرامتي الارض

الحمد لله ومش بزعل لما اقول اني اضربت من عالم يكفي سؤ سمعتهم في مصر ((الشرطه))
ومقلتش اشهر كلمه في مصر ((انت متعرفش انت بتكلم مين)) لاء فضلت ساكت
اصبرووووووووووووووووووووووووووو دي
(((الحكايه هتحلو قوي والدنيا هتبقي حمرا وخضره وشفتشي
(((انا بقول الكلام ده وانا بتقطع علي كرامتي الي اتهانت وبقت اقل من براز الحيوان
روحنا قسم الشرطه لكي يعمل محضر فيه وطبعا عشان الشرطه كلها اسره في بعضيها
قامو زمايل ليه بالواجب معايا تاني وتالت ورابع
ولاقيت ظابط صغير في السن ملازم تقريبا بس وسيم وشكله ابن ناس
ووقف جمبي وقال
محدش يضربه سيبوه سيبوه
طرااااااااااااااااااااااااااااااااااااااااااااااااااااااااخ
دا كان كف علي وشي
اين ستين جزمه اين لالحيوان ابن الكلب ابن اي حاحه وسخه
ضربني بالكف علي وشي الظابط الصغير ده
من صدمتي لم ابكي ولا اظرف دمعه واحده ولاكني بصيت ليه
في عنيه قوي
عشان انا بحب قوي الظباط الصغيره واي حد بيلعب رياضه اي شاب اكبر مني
بحس انه اخويه الكبير
بقي انا سعيد اني واقف جمبك وانت تضربني دا انا جوايا ليك شبه احساس بالاعجاب
والاحترام تيجي الضربه منك يا ابن الم**********************
الظابط بعد الضربه:بتضرب امين شرطه بتضرب امين شرطه
انا::سكتم بكتم ولا شايف ادامي ولا حتي ورايا
الظابط :رد ياد يابن ال...
وقبل ما يكلم قلتله انا مغلطتش فيه ولا فيك ولا حتي في العساكر ولا زمايله عشان تعملو كده فيه
حرام عليكي والله حرام عليك وهنا نزلت الدموع من عيني بغزاره وصوت بكاء سمعه كل من كان في القسم
سابني ومشي وروحنا عشان المحضر هوه طبعا عمل محضر ليه بس اعتبروها هنا مشاجره ولازم يتعمل كشف طبي علي الطرفين
المهم روحنا المستشفي ومعايا الامين الشرطه وانا متكلبش في الكلبشاااااااااااااااااات ومعايا عسكري عشان طبعا مهربش
اصل مكنش معايا ولا بطاقه ولا اي حاجه نسيتها في ام اليوم ده

طبعا بفكر اجرامي قلت لازم اعور نفسي عشان يتعمل ليه تقرير طبي زيه بردو
عورت نفسي وروحنا للدكتور كشف علينا
هوه خد 5 غورز في دماغه هههه
وانا شوية كدمات علي خدوش ((انا الي عملتها لنفسي ))
واحن الاتنين اخدنا علاج اكتر من واحد وعشريين يوم
يعني تعادل ومفيش حد احسن من حد
رجعنا بقي القسم تاني وطبعا ((الحجز ))دخلت الحجز مع الحرميه والمجرمين والنصابين
وهوه فضل قاعد بره الحجز يشرب شاي مع ان المفروض ان دي مشاجره والطرفين بيدخلو الحجز
دخلت الحجز وشفت الويل وسواد الليل
العسكري بيسلمني للمجرم الي هوه كبير الحجز
وطبعا لازم اخد التشريفه
(((((اعصابي تعبت ))))
يتبع ان شاء الله

(((سيبوه سيبوه محدش يضربه)))

انا والشرطه وهواك

نكمل بقي

دخلنا الحجز وشوفت اشكال وعالم مكنش اعرفه قبل كده كل معلوماتي

عنه كانت من الافلام وفعلا معظم الافلام بترصد الواقع في حاجه اسمها تشريفه

المهم بقي لما العسكري سلمني لكبير الحجز مع انه شاب بس ليه شنه ورنه

وبيتعامل مع الظباط حتي عادي خالص وكانه صاحبهم

لدرجة انه لما كان بيستلمني والظابط واقف قاله تهمته ايه دي ياباشا

الظابط قاله:بيضربنا ياعم بيضرب الحكومه ..

المجرم قال ينهار ابوك اسود(((ابويا انا)) طب تعال تعال

الظابط:معاكك فلوس تحطها في الامنات ((ياض))

انا اااااااا معايا معايا

الظابط طب هات

كان معايا 750 جنيه امانه هوصلها لواحد بالمره في طريقي

غير فلوسي اديتهمله كلهم ماعادا ((جنيه واحد ))

المجرم مكانش شاف الجنيه ده بس قالي لاء خليهم معاك ياض تحتاج تجيب اكل ولا حاجه

قلتله هاجيب اكل ب750 جنيه ليه داخل فرج الله

ههههههههههههههههه

حتي وانا ميت من الضرب والاهانه بردو كنت بهرج

تي الظابط ابتسم وفهم الي فيها اصل انا لو دخلت ب750 جنيه الحجز

هخرج بالصفر الي جمب ال75 المهم المجرم قالي طب خلي معاك عشرين جنيه حتي

قلت لاء

ودخلت التخشيبه وايد المجرم علي قفايا مسبتهوش

بضرب الحكومه ياد طرااااخ

بتضرب الحكومه ياض طرررررريخ

اانا:ايه ياعم في ايه ينعن *** الحكومه في اييييييييه

هوه هتغلط تاني ياض يابن ال **طرخ

اقعد ياض ومسمعش صوت امك ((((ابن بنت بنت بنت بنت بنت ال******************************))

قعد علي البلاض والحجز بقي عباره عن ايه :اوضه وفيها حمام منغير باب مفتوح للي عايز يبص

والشله بتاعت كبير الحجز قاعد علي كوفرته في اوسع مكان بالحجز وبقيت المتهمين العاديين قاعدين علي البلاط وانا من ضمن

المهم شويه ولاقيت واحد دخل الحمام وعمل الي عمله بقي وقلع الاندر وير وبيغسله

شويه وبعد ما غسله وعصره وحطه علي الحيطه عشان ينشف علي ضؤ اللمبه الكهربا

لبسه وخرج جه جمبي وقالي معكش فانله داخليه

اه معايا بس علي فكره انا عندي ((تنيا))::دا مرض معدي زي الجرب كده:::

:::انا قلتله كده عشان يبعد عني:::

قال عارفه عارفه خلص خليك لابسها

بس رجع في كلامه وقالي :ولا اقولك تنيا تنيا هغسلها بردو اقلع

واديته الفانله الداخليه وانا كمان كنت غلطان دخلت الحجز وانا معايا

هدوم جديده كنت شاريها خدوها مني كان قميص وبانطلون جينز

الغريب في الحجز ده ان فيه كل انواع الناس شباب رجاله عوجيز

وكان في شاب داخل في مشاجره بردو مع ابوه كان في تربيه رياضيه

شويه وجالي المجرم كبير الحجز وقالي معكش فلوس ياض

قلتله لاء ما انت شوفت قالي هنجيب شاي قلت والله مش معايا

قالي طب خلاص شويه ونداني وقالي تعال كل

كانو كبرات الحجز بياكلو ونداني وقالي تعال كل قلت لاء شكرا ((ربنا يخليك))

قال والله لا انت جاي تاكل وقام وشدني من ايدي

(((دا ايه التطور المفاجئ ده)))

ورحت كلت مع الحراميه والمجرمين عيش وجبنه انا فاكر لسه

وشربت كمان شاي وعزمو عليه بسجاره وشربت معاهم وبقت العيشه فل

هههههههههههههههههههه

والاكتر من كده اني كنت بقوم بدور صبي المعلم

لما يجي اي حد جديد وياخد التشريفه انا بقوم بدور الدراع اليمين ليه

يعني اقلب الراجل واشوف معاه فلوس ولا لاء واشتمه واضرب برجلي لو لزم الامر

_انا كنت مبسوط بصراحه منكرش ان طعم ان ليك ضهر في السجن تتسند عليه احساس جامد_

واتضحلي بعد كده انه بعمل معايا كده عشان انا مخوفتش من ان الي ضربته ده امين شرطه

يعني في نظره انا واد رجوله وك****م الطخين الي يغلط فيه مهما كان

__________

نسيت اقول اني وانا في طرقي للمستشفي الي بتعمل فيها التقرير الطبي

اني شوفت واحد يعرفني قلتله وانا راكب العربيه ::اتصل باخويه واقوله احمد اتخانق وفي القسم

كمان مسيت اقول ان المستشفي دي كانت والدتي بتمر عليها وعلي جميع المستشفيات للتفتيش

وبالرغم اني كنت بروح معاها وانا صغير شغلها والكبير والصغير يعرفني

بس في اليوم ده ملاقيتش واحد يعرفني

_________

في حجات كتيره قوي حصلت ومواقف منها الي بيضحكني ومنها الي يقهرني علي نفسي

خرجت من الحجز وده كلهمكنش حد جالي ولا جابو اي حد محامي يعني

وكنت كبعا هترحل الي النيابه

بس اول ما خرجت من الحجز وخرجت بره القسم وانا متكليش في الكلبشات لاقيت

اهلي واصلو والدي ووالدتي واخويه الكبير واتنين محاميين ابن عمي وخالي

بس مكنش في ايديهم حاجه عشان كان لازم اترحل علي النيابه والمحضر اتعمل خلاص

وركبت عربية الترحيلات ونظرة امي ليه مقدرش انساها لحد دلوقتي

بقي احمد ابني يكون في الموقف ده احمد اخر العنقود احمد حماده دكتور العياده

كل حاجه كانت بتأكد لها ان احمد مبقاش احمد الي تعرفه

شكلي المتبهدل وكل حاجه فيه وحشه وتغم وتسد النفس

ركبت انا والامين ومعانا ناس راحه بردو النيابه

بس الخبره الي اكتسبتها في الحجز قوتني لدرجة اني كنت هتخانق مع الامين ده تاني

وعامله كارت ارهاب علي اساس انها خلاص مبقتش فارقه

وتوسلاتي ليه باننا نتصالح وبلاش نعمل محضر خلاص مش في دماغي

روحنا النيابه ودخلت للوكيل وسالني مالك شكلك وحش كده ليه

قلتله حضرتك من الي شوفته من الساعه 8 الصبح لدلوقتي يا فندم

انت معاك ايه

انا طالب في 3 ثانوي ازهر وعندي يوم السبت الي بعد بكره امتحان اخر السنه

ضربت الراجل ده ليه

مضربتوش هوه الي عور نفسه

:::خولاصة الكلام انه عرف يوقعني في الكلام واعترف اني ضربته

دخل المحامي الاكبر سننا هوه كان خالي واتكلم شويه

المهم في الاخر وكيل النيابه قال اخرجو بره واتصالحو احسن

عشان مستقبل الواد ده

وفعلا ده الي حصل وكمان امين لشرطه شاف العمليه كبيرت وقرر يتصالح واخد خمسين جنيه

كتعويض علي الخمس غرز الي في دماغه وروحت البيت وانا مش متصور ان اليوم ده خلص

ايييييييييييييييييييييييييييه هروح البيت ةوانام علي سريري هقعد اشغل الكاسيت واسمع

عبد الحليم ونجاة وعمرو دياب وشرين (((وعبد الباسط حموده وطارق الشيخ))

مش مصدق نفسي انا كنت في كابوس ولا ايه روحت البيت دخلت الحمام قعدت ساعه ونص

عشان القرف الي انا فيه ده بس الحمد لله عدي اليوم ده ومنستوش ومش هنساه

_______________

زي ما قلت في مواقف كتيره قوي مكسل اذكرها ومكسوف كمان اني اقولها

في اليوم ده

انا كنت وقتها في 3 ثانوي

انا كنت ومازلت بشرب سجاير رغم الي شوفته بسبببها

اني بصلي وبحب ربنا قووووووووووي وسعات كتيره بتكلم معاه

وفضفض معاه عشان هوه الي خلقني وهوه الي يقدر يغيرني ويهديني

كمان انا مش بزعل لما اقول اني اضربت واتهانت

انا كان في امكاني اخد حقي تالت ومتلت بس بردو مش مهم عندي غير اني

اخدت حقي لما شتمني في العربيه منغير سبب

انا في اليوم ده وبعده بفتره كنت بكره مصر جدا وبتمني انها تحارب وتخسر

بعد كده موضوع اني اكره مصر مبقاش وبقيت ابحبها اكتر بلدي ووطني

وارضي فيها اصحابي واهلي وذكرياتي((واضربت فيها كمان )))ههههه

اخير

الي يضربك او يشتمك اوعي تسكتله او تسيبه مهما كان

حتي لو كان رئيس الجمهوريه خد حقك وبعد كده يجرالك الي يجرالك

بس خد حقك وقتي فورا وبيع القضيه وجرب كل حاجه ومتخافش من الي جاي

كل ده اتعلمته من يوم واحد

الله لا يعوده يووووووووووم