أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-09-27

أختار من دلوقتي

يعني لا طالين سما ولا ارض ولا جنه ولا نار طيب هنروح فين مارينا
لما تلاقي الواحد علاقته مع ربنا ميه ميه والحمد لله وتلاقيه في نفس الوقت علاقته بالشيطان مية فل واربعتاشر
طب تيجي ازاي دي
مسلسل شرف فتح الباب ملخص لكلام كتير وواقع بنعيش فيه
يعني تلاقي الواحد بيحب ربنا اوي وبيحاول يتقرب منه ويجاهد نفسه في التدين
ومن ناحيه تانيه تلاقيه بيسرق او يرتشي او يخون او يشرب خمره او يشرب سجاير ربنا يتوب عليا منها
عامل زي الحرامي الي رايح يسرق وبيقول يارب استرها معانا
اصل في ناس بتدعي ربنا وتقول
اللهم اغفر لنا ذنوبنا
((الي هيه متأكده انها كانت ذنوب ورغم كده عملتها)))
وناس تدعي ربنا وهيه بتعمل الذنوب
اللهم انك عفو كريم تحب الحب فأعفو عنا
الواحد بقي مش قادر يمنع نفسه من المعصيه بس حابب التوبه بيتمناها
طيب الكافر اهو هيعيش له يومين في الدنيا ويتمتع بيها ...ويخسر الاخره
والمؤمن هيحرم نفسه من ملذات الدنيا وشهوتها ....ويكسب الاخره
والي بين البنين ده لا هوه كسب دنيا ولا كسب اخره
يعني في الدنيا حارم نفسه اقل من الكافر
وفي الاخر ه هيتعذب الاول وبعد كده ممكن ربنا يدخله الجنه
*******************
يعني الواحد يشوف نفسه ويقرر يكون ايه
دنيا ولا اخره
ولا بين البنين

14 comments:

blue-wave said...

مممممممممممممممم
اولا الف مبروك على المدونه
ايوة يا عم من ساعة ما بقى ليك مدونه وانت مطنشنا خالص
ما اللى على على يا سيدى:))
عموما جينا نهنى ونبارك
ونسيب العتاب بعدين
وحلو البوست بجد
كلنا بنكون مذبذبين بين الحق والباطل
الا من رحم ربى
ورحمته واسعه
تقبل تحياتى

Ahmed Mohamed said...

وانا اقول المدونه منوره ليه النهارده
أتاري دكتور عمرو موجود
اسعدتني زيارتك جدا
والله يبارك فيك ولو اني كنت قافل بس التعليق وكانت موجوده
معاك حق والله يا دكتور نحن بين هذا وذاك
يقولون ساعه لربك وساعه لقلبك
وإنما الحياة كلها لله
قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ
صدق الله العظيم

الحكمة ضالة المؤمن said...

شرف فتح الباب
نموذج لكل العصور
من ايام قابيل
يرتكب الذنب ويستغفر
طبيعة بشرية
ابدع يحيى الفخراني مثل العادة في تصويرها واختيارها
من ايام سليم البدري
هل انت معه او ضده
هنا الابداع يا اخي
تصوير الكائن البشري
الذي فيه منر وح الله
ويوسوس له الشيطان
كائن عجيب
كل عام وانت بخير

Ahmed Mohamed said...

من طبيعة البشر الخطاء
كل الناس بتغلط وهتغلط
بس خير الناس الي بتوب

ان الله يحب التوابين ويحب المتطهرين
صدق الله العظيم

جزاك الله خيرا
واسعدني مرورك

Beram ElMasry said...

سيدى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

سندس وأمل said...

فعلا لازم نختار من دلوقتى ونركز على

حاجه واحدة يا التوبه يا المعصيه

مدونه تحفة وربنا يوفقك

عيد سعيد"امل"

Ahmed Mohamed said...

Beram ElMasry

جزاك الله خيرا
وكل عام وأنتم بخير
عيد سعيد

Ahmed Mohamed said...

سندس وأمل

كلام حضرتك مظبوط
لازم نختار دلوقتي
عشان هيجي يوم مش من حقنا نختار فيه

اسعدني مرورك الكريم
وكل عام وأنتم بخير
عيد سعيد

ريمان said...

السلام عليكم

والله بجد مش عارفه اقولك ايه

ده حالنا وحال كتير من الناس


وفعلا بستعجب من الناس اللى بيعملوا الذنب وبيدعوا ربنا فى نفس الوقت انه يسترهم


يبوست جميل والله وفى الصميم

مع تحياتى

Ahmed Mohamed said...

ريمان

انا سعيد ان البوست عجبك
وسعيد انك شرفتيني للمره التانيه
وربنا يهدينا كلنا يارب
والحمد لله ان ربنا هوه الله الغفار الرحيم
وكل عام وحضرتك بخير
عيد سعيد

Unknown said...

أقولك ايه بس
فعلا
فيه ناس كتير عندها فجوة بين مبادئها وأفعالها

Empress appy said...

انا متابعتش المسلسل ومش عجبنى خالص من اول وتانى حلقه مش عارفه ليه

كل سنه وانت طيب وبخير

Ahmed Mohamed said...

أنا إنسان

هوه ده الي بتكلم عليه
الفجوه الحاصله بين مبادئ الانسان وتصرفاته

نورت المدونه حضرتك
ويارب تشرفني علي طول
عيد سعيد

Ahmed Mohamed said...

¨¨¨°~*§¦§ Appy §¦§*~°¨¨¨

اساسا مش بتاع اي مسلسل في اوله
بس لما شوفت الي بيعمله ده
افتكرت الحرامي الي بيقول يارب استرها معانا

نورتي المدونه
وكل عام وحضرتك بخير
عيد سعيد