أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-12-31







محدش يفهمني غلط



Message to the international community

Message to the international community
Dear Dear
For the fourth straight day Israeli bombardment of Gaza, and the defenseless people, and the high number of martyrs to (384) and more than (1750 injured) central support of the United States of America, and the silence of Arab and international condemnation and reprehensible only about the massacre committed by Israeli against the Palestinian people, and which do not spare children, or elderly sheikh, or even women, had left the Arab peoples, and the Islamic and European to the streets to condemn the brutal Israeli bombardment, and its support for the people of Gaza, and its right to resistance in defense of their legitimate rights , against what is a siege, and starvation, and the violations, aggression, and the bulldozing of land, and threatened his life, and is subjected to aggression, and now not only on the movement "Hamas" and the facility, but have included mosques, Islamic University , and School of International Organization (UNRWA) and the headquarters of the Palestinian government in Gaza, which is located in a densely populated area, which increased the casualties of civilians, and which do not spare an old sheikh, or even a woman or a child, and had to close on the Zionist entity Gaza Strip, and considered a closed military zone with the mobilization of tanks, and call up reserves of the Israeli army, in preparation for a major land offensive in Gaza, as Israeli gunboats dignity today to prevent a boat from the port of Cyprus in an attempt to break the siege imposed on Gaza, and the destruction of introduction.
Appeal to you to support the people of Gaza, and immediate action to stop the Israeli brutal aggression against the unarmed Palestinian people, and ending the siege on Gaza, and the opening of the Rafah crossing, the Egyptian authorities refused to open in the absence of the Palestinian Authority, and the presence of international observers, and for fear of Israeli strikes on the border strip in Rafah , so as to alleviate the suffering of the Palestinian people, and transporting the wounded to hospitals, the Egyptian who is not only them (40 people), in the light of the inability of hospital and nursing home is the largest hospital in Gaza, to absorb injuries, and lack of medicines, and the accumulation of humanitarian and food assistance , and medicine to the Egyptian Rafah crossing.
Address you and the right of conscience of the international human rights instruments and treaties that protect the various rights and prompt immediate action to save the people of Gaza and the threat of genocide at the hands of the Israeli army


ومازلت ارددها وبقوه ومنذ زمن
ko* om elmogtm3 eldawly

2008-12-30

نحتاج الي بلطجيه وعيال بتشرب كوله


هوه أحنا ليه مش بنبلطج
او أحنا ليه مش بلطجيه
طب مجربناش البلطجه ليه من اصله
هوه احنا مش قد البلطجه
ولا مش قد الي هنتبلطج عليه
ولا البلطجه دي مسمهاش بلطجه
طب البلطجه دي هتجيب نتيجه
...........................................
أحنا فعلا محتاجين بلطجيه وعيال بترمي مية نار عشان
هوه الي بينفع مع العالم الزباله دي
.................................................
وانا بتفرج علي المظاهرات النهارده لاقيت الناس بتقول
كلنا حماس كلنا حماس كلنا حماس
بس انا الوحيد الي بقيت اقول
كللكو حماس
انا لاء
انا مش ضد المقاومه بس لما يكون في مقاومه اساسا
العمليه مش مسألة بالروح بالدم نفديكي يا غزه
بس انا عندي عيال ولازم اروح دلوقتي
العمليه كلها مش نصوت علي غزه ساعه وننفض
هرجع اقول نفس السؤال من تاني
.........
أحنا ليه مش بنحارب
ولا خايفين من التجارب
عن نفسي
نفسي اموت
بس مسمعش صوت
بيقول
اتذليتي يا بلادي
لما خوفنا من الحروب
لما فضلنا الهروب
لما تهنا في دروب
وكل درب رايح في وادي
وأتذليتي يا بلادي
عن نفسي
نفسي أموت
بس مسمعش صوت
بيقول
أحنا تهنا ولا ضعنا ولا متنا ولا ايه
أحنا كنا ليه بقينا والكلاب هاجت علينا
لاء وشفتو الكرب علينا
ومعرفش سكتو ليه
لاء كفايه حرام عليكم
دم ولادنا في رقابيكم
صوت الدره بينادي عليكم
ياعرب جرالكم ايه
انها أحدي الحسنيين
النصر او الشهاده
وانا بضيف عليهم كمان
نخلص من حكمان ونشوفهم في جهنم
اصل لو دخلنا الجنه مش هنلاقي حد نعرفه
(عادل ادهم)

2008-12-28

بتقول مصري........يبقي أنت الي قتلت بابايا

تحديث
سعات بحط نفسي في أماكن بجد اقل ما توصفه به أنها غبيه
انا زعلان علي نفسي قوي
حقيقي انا ضعيف ادام الي بيشتمني من وري كيبورد معفن زيه
وبمناسبة فلسطين في ناس فاكره نفسها هيه الوحيده الي بتدافع عنها
وميعرفوش ان لو قامت حرب انا والي زيي والي في سني
هما الي هيكونو علي الجبهه هما الي هيدافعو ويستشهدو
مش علي كيبورد معفن زيهم
عشان اقدر انام لازم اقول اتفوو بجد عليهم
وعلي غبائهم وعلي احتكار الوطنيه
وعلي احتكار الفكر
مش هنسلم راسنا ليهم
الخيار الأستراتيجي خلص أجبلك قرع استراتيجي
فلتسقط مصر ولتحي لبنان وسوريا والسعوديه وقطر والامرات والبحرين والعراق والجزائر وباقي ال22دوله عربيه
اصل أحنا الي غلطانين احنا الي عرفنا العرب يعني ايه كلمة عروبه الله يرحمك يا ناصر كان لازم يعني تعلمهم ازاي العرب يبقو عرب
الكلمات دي لكل حكام العرب انا لا اقول ان مصر غير مسؤله أنما كل الانظمه العربيه مسؤله عما حدث ويحدث وسيحدث
أنتهي زمن البطوله
راحو منا كل الرجال
يجي من خوفنا الخطوره
ع النسا وع العيال
ليه بنعشق صمت صوتنا
ليه نخاف من كسر عودنا
دا احنا لوايدينا واحده
نجتمع نهد الجبال
ليه تهون روحنا علينا
والدموع تبقي في عنينا
قومو يلا انقذوهم
ارفعو راسكم من الرمال
ولا أنتهي زمن الرجوله
وأنتهي زمن الرجال

Damn the international community



damn Israel


Damn the international community


k** om el mogtm3 el dawoly




2008-12-23

ملاك وشيطان

ولاكن تبقي الرساله
امسك هاتفه المحمول بعد ان قرر ان يبعث برساله لحبيبته فقد غمره الاشتياق وجد الرساله قرائها وعجبته ولاكنه وجد ان رقم حبيبته السابقه مازال موجودا ........مسحه ووضعه بدله رقم حبيبته الجديده ....كذلك هي فعلت
نعم نحن مجرد ارقام نبتدل ونتغير ولاكن تبقي الرساله
............................................................
Image Hosting by Picoodle.com
......................................................
ملاك وشيطان
أحتار في وصف نفسه شيطان ام ملاك فلم يستطيع
قرر ان يكون ملاكا فغلبته شهوته يوما وتركته يوما وعاد لمعاصيه ثانيا فقال انا ....شيطان لا اخشي الله طوال الوقت
قرر ان يكون شيطانا فلم يقدر وأنبته نفسه وعاتبه ضميره فلم يعد يستطيع النوم من كثرة أخطائه...ظن أنه ملاكا لهذا
وأخيرا هدته نفسه ان يكون يوما ملاكا ويوما ا شيطانا وفي يوما من الايام وجد نفسه يمسك بكتاب الله وهوه ...يدخن
نعم نحن لسنا ملائكة ولا شياطين أنما نحن أنس خلق الله لنا التوبه دليلا وجود المعصيه
فلا تيأس من رحمة الله الذي هوه أحن عليك من أمك التي تسيطر عليها عاطفة الامومه فتجعلها رحيمة بك
فمابالك بالذي وضع بداخلها الرحمه
ولا تحير نفسك ءأنت ملاكا أم شيطان فأنت أنسان
ملاك وشيطان*
هذه قصه من كتاباتي من الوارد ان اكلمها فيما بعد
أحمد علام

2008-12-06

كل سنه وانتم طييبين

تحديث
أجـــــــــــــــــــــــــــــــازززززه في اللزازه

كل سنه وأنتم طيبين

متاكلوش لحمه كتير عشان بتوع الجزاره يفلسو ويسبوهم من الجشع الي هما فيه

هههههههه

يارب السنه الجايه اروح اصلي في الاقصي

يارب السنه الجايه اشوف شيخ ازهر غير الطنطاوي ابو ضحكه صفره

يارب السنه الجايه اشوفك يا عراق بتلعبي في كاس العالم لكرة القدم

يارب السنه الجايه اشوف السودان اجمد دوله عربيه

يارب السنه الجايه لبنان وسوريا يعملو اتفقية دفاع مشترك

يارب السنه الجايه السعوديه تبطل جلد المصرريين وترجع لوضعها الصحيح كأفضل بلاد الارض واطهرها

يارب السنه الجايه اشوف كل المسلمين واقفين ايد واحده وبتقول اتفووووو علي اسرائيل

يارب اشوف مصر احلي بلاد الدنيا

يارب السنه الجايه حجات كتيره نفسنا فيها حققها لينا كلها كلها فانت يا مولاي القادر علي ذالك

فانت الغني ونحن الفقراء عزنا ولا تزلنا واهدنا يارب العالمين

2008-12-02

مشاهد 3النهايه


وضع يده علي وجهه يجفف العرق الذي اصابه من تلك الاحداث التي اثرت عليه نفسيا وجسمانيا حتي انه شعر بالوهن الشديد واثناء ذالك اتته تلك الاصوات مرة اخري فأقشعر جسده خوفا ورفع يده عن عينه والتفت بنظرة مرعوبه ناحية مصدر الاصوات فلم يجد شئ فقام بصعوبة من علي السجاده يحاول التخلص من هذه الاصوات ولاكن دون جدوي خوفه سيطر عليه عندما شعر بها في كل مكان ولا يري شئ
ذهب الي حجرته ولاكن الاصوات تلاحقه خرج الي الصاله ولاكن الصوات تلازمه شعر بها تقترب منه كلما حاول ان يبتعد نظر الي الحجرة القديمه التي اغلقت من سنين قرر الدخول بها املا في ايجاد مهربا من تلك الاصوات جري مسرعا ناحيتها لم يكن معه المفتاح فقرر ان يكسر الباب من خوفه ظل يحاول ويحاول ولاكن جسمه الضئيل حال دون ذالك قرر العوده والبحث عن المفتاح بحثه عنه في كل مكان فلم يجده في الادراج والدولاب وكل شئ ولم يجده ولاكنه وجد كتابا مجلد ليس مكتوبا عليه اي شئ لم يراه او بالاحري لم يكن يستخدمه بل تركه كما ترك اشياء واتبع اشياء اخري حاول ان يتناسي هذه الاصوات وفتح هذا الكتب فوجد به المفتاح لم يكن مفتاح باب ولا غرفة ولاكنه وجد مفتاح الخلاص شعر بطمئنينه وهوه يمسكه حتي انه نظر اليه والي ما به بنظرة حنين ولاول مرة يشعر بطمــعا ورجاء أخذ الكتاب وذهب الي حجرته وهوه ناظرا اليه ولم ينظر الي خطواته الي اين ذاهب وجد نفسه يجلس علي السرير فأنكسرت السيجاره التي تركها عيونه كانت اثيره لهذا الكتاب كانت خاشعه ناظره الي شئ ما وجده جعله ينسي الاصوات وينسي ان الكهرباااااء مقطوعه ولاكنه كان يري بالرغم من ذالك ظل علي هذا الحال حتي بدي صوته يرتفع قليلا فقليل الي ان ضم الكتاب الي صدره وقال
ولا تيأسوا من روح الله إنه لا ييأس من روح الله إلا القوم الكافرون
قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعًا
ابدت الطمئنية تتخذ من قلبه مرقدا وانتهت الاصوات عندما اغفل عينيه ناعسا وهوه يضم الي صدرة كتاب الحق القران الكريم
ويتلفظ بأياته البينات حتي استسلم للنوم وقتها سقطت دمعة من عينه المغلقه
أظنها دمعة غفر الله بها ومحت ذنوبه جميعا
لم يزعجه المنبه في هذا اليوم واستيقظ علي صوت القران الكريم عندما سمعه في ميكرفون الجامع المجاور
قول الله عز وجل
إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ وَهُوَ أَعْلَمُ بِالْمُهْتَدِينَ
أنتهت

2008-12-01

مشاهد 2


رغم انه تركه من سنين ولاكنه قرر ان يفعل ذلك ..ليس خوفا او طمعا ولا لاي شئ غير انه اراد ذالك فهوه يفعل ما يريد وقتما يريد بحث عن سجادة الصلاه ووضعها محاولا تفادي زجاجة الخمر واستعد للصلاه شعر بشئ يثلج صدره شئ غريب يداعب دموع عينه التي كادات ان تنهمر لولا ان تماسك من شدة اندهاشه لهذا الموقف الذي هوه به فمنذ ساعات كان مع أمرة يمارس معها ما يمارس ومنذ ساعات كان يدخن المخدرات ويشرب الخمور التي رائحتها لا تنفك عن فمه ومنذ سااعات لم يتوقف عن الرقص في صالات الملاهي وهوه الان يقف ويحاول الخشوع لا يدري من أجبره علي فعل ذالك لماذا يفعل هذا وهوه ليس طامعا في توبة فأن ذنوبه ومعاصيه وأخطائه كفيله بنسيانه ان الله غفور رحيم وايضا ان الله لن يرحمه بل انه نسي سخط الله وغضبه بل نسي ان للكون اله وتمادي في المعاصي والذنوب

وبين كل هذه المعاصي وبين ذنوبه وبين اخطائه وبين زجاجات الخمر الفارغه وبقايا المواد المخدره وعلب السجائر الفارغه بين شهوات يراها في كل جانب من جوانب البيت .. كانت هنا والاخري هنا وهنا وهنا بين كل هذه الذنوب التي تكاد تملي ارض البيت ولم يتبقي منها سوي مكان طاهر وحيد وهوه ما يقف عليه الان بل ان هذه السجاده تقف علي ذنوب ومعاصي بين كل هذا يسجد ويركع وكأنه انسان ألي لا يفعل سوي حركات يتذكرها بصعوبه

اثناء السجود الاخير لم يستطيع رفع رأسه من علي الارض حاول مرارا فلم يفلح وكأن الارض تلتصق بجبهته احمر وجهه وذاد انزعاجا واضطرابا وخوفا واحاسيس مختلفه وهواجس ووساوس وتخيلات وكلمات تمر بين اذنيه لا يعرف مصدرها بل اصبح همه الاكبر ان يعرف من صاحب هذه الاصوات من صاحب هذه الاصوات التي تقول له

اني ارك ساجدا! ..فلمن؟ أني اراك عابدا ! ..فلمن بين هذه الذنوب تريد رحمة ربك ! فمن ربك اذن؟ انت عبدا للذي لم تركع له يوما انت عبدا للتي لم تسجد لها يوما .اركع كام تشاء اسجد كما تشاء فلن مهما ركعة ولن تسجد له مهما سجدة

اصبح غاضبا حاقنا شعر بالكره الشديد لصاحب هذا الصوت يريد ان ينقض عليه ويقتله الاف المرات ولاكنه لا يستطيع انتهت الاصوات عندما وجد نفسه يقول السلام عليكم ورحمة الله في نهاية الصلاه ولاكنه وجهه كان محمرا كثيف العرق وكان السماء امطرت عليه وحده

يتبع

مشاهد


استيقظ علي صوت المنبه الذي طالما ازعجه ودائما ما اراد ان يستبدله ولاكن كعادته مع بقية الاشياء ينسي ويتكاسل

كعادته كل يوم عندما يستيقظ يذهب مباشرة ناحية جهاز الكومبيوتر ويجلس امامه يتصفح المواقع والتشاتات ..اشعل سيجاره بعد قليل قرر ان يحضر لنفسه وجبة الافطار ثم عاد مره ثانيا وفي فمه السجاره التي لا تكاد وان تفارق شفتاه جلس ثانيا اما الكومبيوتر يتحدث عبر الماسنجر مع فتاة يرميها بالكلام المعسول واخيرا اتفقا ان يتقابلا في شقته لكي يراها وتراه لم يعرف عنها سوي اسمها ولم تعرف عنه سوي اسمه واخيرا عنوان منزله اتت الفتاه وانطفئت الانوار وبعدها تخرج هذه الفتاه وهي تهندم ثايبها

استيقظ الشاب في الصباح الباكر لا يدري لماذا فليس من عاداته الاستيقاظ مبكرا وحتي لم يزعجه صوت المنبه فلن يحن موعد رنه حاول النوم ثانيا فلم يستطيع قام وذهب الي الكومبيوتر ولاكنه وجد الكهرباء وقد انفصلت عن المنزل ضرب يده في الحائظ مش شدة غضبه قر الذهاب ليأكل شياء وهنا نظر الي نفسه فوجد انه بحالة مزرية قرر الاغتسال ولاكن الكهخرباء منفصله ولن يستطيع اشعال السخان

ولاكن ما كان يدفعه الي االاغتسال اقوي من تفكيره حتي في ان الماء بارد فأشعل البوتجاز واوضع عليه اناء كبير ليسخن الماء به ثم عاد يبحث عن سيجاره فوجد العلبة فارغة الاسيجاره واحده قرر الا يشربها الان ووضعها علي السرير عاد واغتسل وجد انه قادر علي فعل شئ صحيح من زمن بعيد

نستكمل القصه ليلا

2008-11-29

مكلوش حرامي غسيل

وأحنا هنزعل نفسنا ليه ينعل ابو السعوديين
احنا هانقعد نهبب في البرامج وخلاص مدام مفيش حد بيتحرك والكل منفض
يبقي ينعل ابو السعوديين مية مره واي بلد تحتقر مصر والمصررين
والي مش عاجبه يشوف اقرب حيطه ويخبط راسه فيها
..........................................................................

لكل جريمه عقاب هذا هوه القانون ولاكن هل من الصحيح ان يتم معاقبة الجاني او المجرم قبل العقوبه بمعني مثلا حرامي اتمسك فوق
سطوح بيت حد هل يجوز للناس الموجوده ضربه والتنكيل به وأهانتة علي الرغم ان عقوبة الجريمه لن تسقط بهذا التنكيل يعني هيطبق
عليه عقوبتين عقوبة القانون بالحبس وعقوبة الناس
دا حتي في أمثالنا بنقول ايه
داكل ضرب مأكلوش حرامي غسل
يعني حرامي الغسيل لو اتمسك بيكل ضرب وده غلط ولا يجوز من وجهة نظري
دا حتي لو كان قاتل او عتيق الاجرام فلا يجوز اهانته مهما حدث ومهما فعل
لان العقوبه هيه وحدها التي تطبق عليه
لو بصيت لاي دوله متحضره المجرم بيدخلوه سيارة الشرطه بكل احترام
بل ويضع يده علي راس المجرم حتي لا تنخبط في باب السياره
ويقول له من حقك متتكلمش الا في وجود المحامي بتاعك
تعال عندنا لو قلت لظابط وريني اذن النيابه هضربك بالنار
ومش الشرطه لوحدها الي بتعمل كده دا الناس لو اتمسك حرامي
او اي مجرم بتلاقي الناس كلها اتلمت عليه ونزلت فيه ضرب لما يموت
بغض النظر عن ان ده مجرم او مش مجرم فلا يحق لاحد ضربه مهمـــــــــا
حدث لان الله تعالي قال ان ولي الامر هوه الي ياخد القصاص من الجاني للمجني عليه
لاني اهل المجني عليه هيعذبو الجاني قبل توقيع العقوبه عليه
وهيغالو في العقوبه علي كيفهم وبالتالي لا يحق لاي بني ادم في توقيع عقوبه
علي اي بني ادم زيه بس مجرم شويه عنه ولابد من العقوبه التي حددها القانون او الشرع
هيه التي تقع عليه
ضيف علي كده عقوبة الشنق التي من اقبح العقوبات التي اخترعها الانسان
وده من باب احترام الانسان مهما كان والمحروسه الي اسمها انسانيه
.................................................................................................

خدنا ايه من حبنا غير اهات خدنا ايه غير عمرنا بقي ذكريات
ذكريات كرهناها لو في يوم سمعناها نندم علي الي فات
كنامعاهم وعيشنا ليهم وفي الامهم بنداويهم ضاعو منا وضيعونا
اخلاصنا ليهم وهو خنونا كنا فاكرينهم حبونا اتاريهم ذكريات
ذكريات كرهناها
لوفي يوم سمعناهاه
بنندم علي الي فات

ahmed love only

2008-11-26

الي بيخاف يطلع بره


عايزتعرف ايه الحريه عايز تحس بمنتتهي الديموقراطيه نفسك بجد تكون في بلد الامن والامان
اتكلم مع حد في السياسه وشوفه هايقولك ايه
ياعم اسكت متودناش في داهيه
بتكلم في الموابيل والكلام جاب بعضه وجت سيرة السياسه والبلد
ولما توغلنا في الكلام
قال
بس الصراحه وان جيت للحق البلد دي مفيش احسن منها ومش هيجي لا قدر الله لا قدر الله حد يمسكها احسن من الي ماسكينها دلوقتي
وضحكنا كثيرا لاننا ادركان انه من الجائز ان تكون الموبيلات متراقبه او بالبلدي الحيطان ليها ودان
او حد يسمع حاجه كده ولا كده ونبقي خالد واحمد بن لادن
ونروح في خبر كان
يا اصحاب العزبه لو كنتم مش عايزينا نتكلم عنكم ونجيب في سيرة سياستكم الحكيمه
سيبوها
والي بيخااااااااف يطلع بره
الي بيخااااااااااااااااف يطلع بره
************
بالمناسبه
هوه الواحد ليه قبل ما يمسك منصب
او قبل ما يصبح صاحب سلطه ومسؤل مهم
بيزعل قوي لو حد جاب في سيرته
ولما يمسك المنصب مية واحد بيشككو في ذمته ولا حياة لمن تنادي
****************
بالمناسبه تاني
هوه انت ليه تديني حق التحدث وتعاقبني علي الكلام

2008-11-24

انا والخوف والعفريت


بتخاف من العفاريت؟
ايوه
شوفت عفريت قبل كده؟
لاء
أكيد حد حكي ليك قصص الاشباح
يوووه كتير
انت مصدق القصص دي؟
ايوه طبعا ومتأكد من الي حكي ليه ومصدقه
يعني انت مؤمن بأنك ممكن تصدق بحاجه مشوفتهاش ؟
أكيد مدام متأكد من الي قال
في خيالك كده ايه شكل العفريت ؟
مش عارف اصلي ماشفتوش بقولك
طيب انت خايف يعملك ايه لو جالك عفريت؟
خايف يعمل حركات مرعبه زي مثلا يجي من ورايا
او يحرك حاجات او اسمع صوت خبط ورزع في ماكن في الشقه او يظهرلي علي شكل اي حاجه قطه سوده كلب اسود ثعبان

الحجات دي كلها سمعت عنها في القصص الي اتحكت ليك او شفتها في الافلام؟
كل ده انا سمعت بيه ومنه الي شوفته في الافلام
قصه اتحكت ليك مرعبه؟
حكاية انتي رايحه فين يا تهاني
ودي بقي كان في واحده ست ماشيه في طريق مقطوع الصبح بدري قوي
وسمعت خطوات سريعه وراها تبص متلاقيش في حد تبص متلاقيش في حد
وفجائه سمعت صوت في ودنها
انتي رايحه فين يا تهااااني
صرخة قوي وبصت وراها بسرعه من كتر الرعب الي هيه فيه
ملاقتش حد وبصت في البحر لاقت واحده شكلها عجوز بتغوص في الميه بلا عوده
ومن يومها والست دي اتجننت

بتخاف من الضلمه ؟
اه طبعا وانا صغير كنت بنام ونور اللمبه شغال
بس لما كبرت بقي في نور سهاري

بتخاف من الضلمه ليه؟
عشان مش بشوف فيها حاجه وخايف حد يكون جمبي وانا مش شايفه
الحد ده ممكن يكون عفريت تقصد؟
ايوه واتسرع من الخطه

طب ليه العفاريت بتظهر بلليل بس ؟
مش عارف بس يمكن عشان بيكون مفيش ناس كتيره
يعني لو في ناس مش بتطلع او لا بتكون لوحدك بيستفردو بيك؟
ايوه بالظبط كده
هما مين الي بيستفردو بيك ؟
العفاريت طبعا
ومتقولش ليه ان دي وساوس وبتعملك تخيلات !
أحتمال تكون وساوس بس ممكن تكون حقيقيه
***************************
انا كنت بحاول اكلم نفسي عن موضوع الخوف في حياتي
انا بخاف من العفاريت دي حقيقه رغم اني ساكن لوحدي في شقه كامله طول الوقت
انا بخاف حتي احكي قصص العفاريت والاشباح
قلت اكتب وانا خايف وكمان اطفي النور ومبيقاش الا نور شاشة الكومبيوتر
واما نشوف رغم كل الرعب الي انا فيه دلوقتي مستني عفريت يطلعلي
عارف انه مش هيطلعلي دلوقتي بس هيتنس لما افتح النور
والاقيه واقف في وشي واصرخ ويغمي عليه
بيني وبينكم انا خايف اقوم افتح النور

2008-11-21

أكتأب


كرهت نفسي كرهت اسمي حتي رسمي كرهته كمان دموع عنيه دارت عليه فرحة عنيه حلم الامان مبقتش شايف غير ظلام حتي في منامي مبقتش اناممن خوفي احلم بالخداع من خوفي احلم بالضياع من خوفي بكره لما يجي احبابي يقولو الوداع كرهت ناسي ودنيتي كرهت حتي بسمتي لاني عارف ضروري تيجي شايله معاها دمعتي تملي فاكر احزاني ودموعي تمسح احلامي وانسي فرحة ايامي ولاقي جراح السنين ليه يا دنيا معنداني والكل اصبح اناني احبابي صبحم عزالي قولولي اشكي ليمن

*****************************

2008-11-15

ENRICO MACIAS


J'ai quitté mon paysJ'ai quitté ma maisonMa vie ma triste vieSe traîne sans raisonJ'ai quitté mon soleilJ'ai quitté ma mer bleueLeurs souvenirs se réveillentBien après mon adieuSoleil! soleil de mon pays perduDes villes blanches que j'aimaisDes filles que j'ai jadis connuesJ'ai quitté une amieJe vois encore ses yeuxSes yeux mouillés de pluieDe la pluie de l'adieuJe revois son sourireSi près de mon visageIl faisait resplendirLes soirs de mon villageMais, du bord du bateauQui m'éloignais du quaiUne chaîne dans l'eauA claqué comme un fouetJ'ai longtemps regardéSes yeux bleus qui fuyaientLa mer les a noyésDans le flot du regret
***************

لقد تركت بلدي لقد تركت بيتي تركت شمس بلدي وبحرها الازرق ولايوجد سبب لذالك وهذا يحزن حياتي
اغنيه للمطرب العالمي

ENRICO MACIAS

ملحوظه مقدمة الاغنيه كانت في برنامج همسة عتاب لو حد كان بيسمعه في الراديو


للاسف الشديد انا في حياتي ما حبيت اللغه الفرنسيه في دراستي ليها وعشان كده طلعت ابيض منها

للاسف الشديد انا في حياتي ما حبيت اللغه العربيه وعشان كده طلعت وعندي لغه عربيه فصحي ركيكه

الاستغراب الشديد اني بعشق اللغه الانجليزيه وعندي لغه انجليزيه علي قدي مهما كان بردو

هحاول اتعلم التلاته في اقرب وقت ان شاء الله



2008-11-13

أعتراف لم أعترف به


عندما يعطيك شخص ما قلم وورقة بيضاء لكي تكتب فلا تجد شئ تكتبه
يصيبك وقتها الحيره ماذا تكتب والتوتر متي سأكتب والخجل ان الشخص ينتظر كتابتي
لا جديد بداخلك تكتبه عنه ولا شئ يشغل عقلك تدونه علي تلك الورقة البيضاء ال خرساء
الا تنطق هذه الورقة وتقول ماذا اكتب بها الا هذا القلم يحدثي ماذا اكتبه به
انهما اصماء لا يعرفون شياء وهذا الشخص ايضا لم يقل لي ماذا اكتب
هل هذا امتحان ام مجرد استفهام ام انه يريد معرفة شئ مني
لم افعل شئ ولا اعلم ماهذا الشئ الذي ينتظر معرفته مني
ايريد ان يعرف حقيقي سرقتي لصاحبي ولاكن هذا مر وقت طويل عليه
ولا اظن انه تذكر صاحبي الان انه قد انسرق.... لانه مات
انه يريد ان يعرف عن سبب مشاجرتي مع البواب الذي قتل الاسبوع الماضي
ولم يكتشفو القاتل الذي اتي ليلا وضربه بسكين حاد افرغ احشائه ولقي مصرعه
ونقل الي المشرحه ووجدو بداخله من تحليل الطبيب الشرعي بقايا مواد مخدره
لانه كان يتعاطي المخدرات بأستمرار وكان دائما ما يستدين مني النقود لكي يشتري بها هذه المواد
ولاكنه لم يعطيني ما استلفه ولن يعطيني ... لانه مات
انها الخادمه ذهبت لكي تدلي باقوالها فيما شاهدته عندي في شقتي عندما سرقت مصغوات زوجتيز..... المرحومه
وذكرت في التحقيق اني سئ المذاج دائما لاني احتاج الي المال لكي اتعاطي به المخدرات
فذهب لصديقي لكي اساله عن سلف ولم اجده في منزله ولاكني وجدت الباب مفتوح
فدخلت ولم اجده ايضا ورايت نقودا كثيره فذهبت واخذتها مسرعا لكي لا يراني احد
وفجاء اذ بصديقي يدخل من الباب قائلا اهلا بك يا صديقي لقد كنت اركن السياره في الجراج ونسيت الباب مفتوح
ثم نظره بعينه الي مندهشا ماذا كنت تفعل انك لص تسرق صديق عمرك انك خائن
حاولت الهرب ولم اجد وسيله ولاكني وجدته امامي فدفعته بقوه ناحية التربيزه وجريت مسرعا فوقع علي راسه
واذ بواب العماره يلاقيني لماذا تجري هكذا
لا شئ ابتعد عني فحسب واتجهت مسرعا الي الشارع ونظرت الي عمارتنا التي يقطن بها البواب وصديقي وانا
واذ بسياره تصدمني وانا انظر للعماره واصيبت بكسور ونقلت الي المستشفي
علي سرير في المستشفي اخذت افكر فيما حدث
عاجلا ام اجلا ستاتي المباحث ليقبضو علي البواب رأني وسيشهد ضدي
واذ بالباب ينفتح ويدخل البواب ويدور بيننا حديث ينتهي انه يكتم ما يعرفه عن حقيقة قتل صديقي
مقابل اموال كثيره ورضيت لهذا رغم اني لم اكن املك هذه الاموال ولاكني قررت ان اتصرف واخلص رقبتي من حبل المشنقه
وعندما خرجت من المستشفي وعوفيت ذهبت الي زوجتي وطلبت منها مصوغاتها الزهبيه ولم ترضي فأخذتها عنوه
فوقت امامي لكي لا اخذها واخرج من البيت فدفعتها بقوه ناحية السلم فوقت وانكسرت رقبتها فعدت الي البيت وقررت ان اجعلها مجرد حاثه وليست جريمة قتل
وابلغت الشرطه وبعد التحقيق لم يعرفو شئ واعتبروها حادثه الان عليه ان اذهب الي البواب لكي اعطيه المال الذي طلبه لكي يكتم ما يعرفه
ذهبت اليه ليلا ومعي المصوغات واذ به يدخن المخدرات ويطلب مني ان اجلس بجواره ثم نظري لي قائلا
اني اعلم كيف قتلت زوجتك واريد مضاعفة الاموال
جن جنوني وقتها ولم افق الا عندما توقف الحركه
......................
اتي هذا الشخص الذي اعطاني القلم والورقه وسحب مني الاثنين قائلا
هذا اعتراف منك علي جرائمك

2008-11-09

انا واكل خروف

ليوناردو دي كابريو
توم هانكس
اميتاب باتشان
نيكولاس كيدج
في يوم واحد
=
كأني واكل خرووف لوحدي
بحس لما اشوف افلام الناس دي انا واكل اكله دسمه
مش عارف ليه؟؟؟؟

2008-11-08

الواد ابن حسين مسك الحكم


واخير تحقق الخيال الي كانا بنشوفه في افلام الخيال العلمي الامريكيه ان الرئس الامريكي يكون اسود زنجي من اصل افريقي
هذا العبد الذي اتي اجداده كعبيد للمهاجرين الايرلنديين والانجليز والفرنسيين وغيرهم ومن كل فيلم اغنيه وعملو شعب وبقي ليهم وطن واسمه امريكا
وكانو يحتقرون الزنوج والاكثر من كده ولوقت قريب كان في القانون الامريكي

ان لو واحد ابيض طلع الاتوبيس وملاقاش كرسي يقعدعليه
وفي واحد اسود قاعد علي كرسي

فيجب ان يقوم الاسود للابيض

ليجلس مكانه وكانو بيفرقو بيهم في المدارس وكان عندهم تمييز عنصري بدرجه شنيعه
انا في خيالي سابقا كنت بقول بيني وبين نفسي لو كان الزنوج دول معاهم القوه والمال والسلطه وقارة افريقيا اقوي قاره في العالم
وكان البيض دول افقر خلق الله وعندهم مجاعات وشكلهم تعبانين موله لدرجة ان دول زي جنوب افريقا او الكاميرون او حتي نامبيبا
بترسل معونات لدول مثل المانيا وفرسنا وبلجيا وامريكا وكل شويه يحصل حروب اهليه في الدول الاوربيه وافريقا ترسل قوت سلام
واحنا بردو لينا دول في الفيلم الهندي ده ودورنا هوه نستني المعونه من الدول الافريقيه ونتمني رضاهم علينا وكل شويه نعمل علي توطيد العلاقه بين
ابناء القاره الواحده الي هما تقريبا هيستعرو مننا لاننا احنا لونا قمحي
هل كنا هنشوف التميز العنصري بردو وهل كنا هنشوف ان الابيض يعامل كعبد عند لانه ابيض.....لاء طبعا
عشان السود معاهم المال والسلطه والقوه وكل حاجه
يبقي اللون مكنش عامل اساسي في التمييز الي كان حاصل
يبقي معاك فلوس تدوس علي ابيض علي اسود

معاك قرش تساوي قرش

بس انا حاسس ان اوباما هيكون فاسوخا بالنسبه للشؤون الخارجيه

صحيح الراجل معملش حاجه بس الامريكان انتخبوه من اجل التغيير الداخلي

يعني مش عشان سواد عيون القضايا المعقده في المنطقه

الراجل هيهتم اكتر بدولته ومننساش ان امريكا دولة مؤسسات

وبعدين عامل اللون وانه اول رئيس اسود لامريكا

هيوكن سبب رئيسي في اعوجاج تصرفاته وتصريحاته عشان محدش يقول عليه

دا عشان كان مسلم او عشان افريقي واننا سلمنا القط مفتاح الكرار

انا شايف ان الوضع هيبقي كما هوه عليه

2008-11-07

كرامه اخت الواد سمعه

Image Hosting by Picoodle.com
كرامه انتي فين يا كرامه يابنتي دوختيني عليكي
زي ما اتكلمت في البوست الي قبل الي فات عن سمعة مصر وانها بالصلي ع النبي (اللهم صلي وسلم عليه)عامله زي فتاة الليل المحجبه وانهم عايزينا من بره هاله هالله ومن جوه يعلم الله
واتاري ان من بره يعلم الله زي ما جوه يعلم الله بردو يادي السكوف دا احنا مرقعين قوي
والله انا ظلمت فتاة الليل المحجبه دي
احنا بقينا شبه
فتاة الليل الي عامله لنفسها بطاقه مكتوب فيها
اعمال حره *** ***ره
هتكلم عن الكرامه الي هيه اخت سمعة (مش اسماعيل ياسن)
فين بقي السمعه اذا كان معندناش كرامه
معروف ان المصريين بيروحو يشتغلو في دول الخليج والشغل مش عيب
ومش عيب اننا نشتغل عند ناس حفاة عراة كانو يرعون الغنم ويقولو هش هش هش يا نجعه
والمشكله بردو مش انهم تطاولو في البنيان المشكله الحقيقيه انهم تطاولو علينا
ادي يا سيدي لينك تحميل اغنيه لفريق وكر العصفور ابن الجزمه وهوه بيتكلم عن مصر
http://www.4shared.com/get/36919153/3e7e4896/____.html;jsessionid=A057465CAFB6B4F9B9A69A8E90FFB33E.dc49
((الاغنيه فيها مفردات بذيئه لو كنت محافظ متحملهاش))
دا غير انهم في جميع التشات بيلعون مصر والي جابو مصر والي في مصر والي ماسك ال ..في مصر !
في برنامج تسعين دقيقه واحد مصري بيتكلم عن السعوديه وبيقول
بيعذبونا وبيضربونا وبيعاملونا كأننا حيوانات
وبيشتمو الريس والله بيشتمو الرئيس حسني مبارك
طبعا الراجل لما شاف ان كرامته مش مهمه قال لما نشوف كرامة الرئيس
يمكن يتنحررو واخيرا وليس اخرا الي بيحصل لدكتور مصري وحكاية الجلد دي
الي عمري ما سمعت عنها ولا حتي في طبق اليوم
يا سعوديين يا ولاد العبيطه في حد بيوصل ل1500 جلده
احنا هنصيع ولا ايه مين المفتي ولا مين الشيخ ولا مين القاضي
الفكيك ده الي قال كده
وبعدين لو واحد نط وقال يمكن مجموع التهم الي عليه بتساوي الف وخمسائة جلده
يعني هما بيطبو الشريعه ومغلطوش !
هاقولك مثلا لو كانت مجموع التهم الي عليه كا اقصحي عقوبه وهيه ال100 جلده
بالتالي يبقي علي15تهمه في ال100 جلده بتساوي 1500
مين العاقل الي يصدق ان الدكتور ده عمل 15تهمه وايه كمان
كل تهمه عقوبتها بجانب الحبس 100جلده
الي بيحصل للدكتور المصري اهانه لكل المصريين ولمصر
ولكرامة المصريين وكرمة اسم النبي حارسها مصر
ده تعذيب مش عقوبه
وفي فرق بين التعذيب والعقوبه وعقوبة التعذيب
معروف ان القران اتكلم عن عقوبة التعذيب والحد كان مش اكثر من 100جلده
وانت نااااااااااااازل
طيب فين بقي المسؤل عن كرامة المصري في الخارج الي هوه مش متصانه كرامته في الداخل
طيب فين اساسا المسؤؤؤوم عن كرامة المصري في الداخل الي هيه مش متصانه في الخارج
يعني لا جوه متصانين وكمان بره متهانين وتيجي تقولي كرامة المصريين وتيجي تقولي سمعة مصر
اقولك علي كلمه بس مش بتتكتب هيه تعتبر صوت وبيجي وراه لفظ اعتراض شهير
بص ياعم وانا بتفرج علي التلفزيون المصري في حوار مع مواطن امريكي المذيعه بتسأله بكل برائه
س1:تعرف ايه عن مصر؟
ج1:مصر...! بيجو امريكا بيشتغلو عندنا
المذيعه ارتبكت وقالت يعني عن الحضاره والتاريخ والجغرافيا تعرف ايه يابن العبيطه بدل ما تفضحنا كده ادام الناس
مصر بلد عظيمه كلها حضاره
فين بقي السمعه فين بقي الكرامه يعني لاز نتكلم عن اجدادنا عشان نبقي احسن ناس
ولما نتكلم عن احوالنا دلوقتي بنبقي اوطي ناس
وليه ولاد الذين امنو ولم يعملو الصالحات موفروش لينا شغل في بلدنا بدل ما نروح للغريب او حتي القريب بتا هش هش يا نجعه
تعال ياعم لما تسافر وتروح اي مكان اول حاجه لازم تعملها تغير اسمك لو كنت محمد خليك مايكل لو كنت عربي خليك تيواني
بدل ما تتبهدل في المطار ويطلع عين اهلك ولو معاك شوية ملوخيه يفتكروها جمره خبيثه او مفتجرات بس انت عاملها علي شكل ملوخيه
ولا تروح ولا تيجي خليك في بلدك واسمع عشان تدخل اماكن ساحيليه او سياحيه او لازم يكون معاك تصريح
والغريب يدخل ويتمخطر كمان
مطلوب مننا نعرف بلدنا بس منعرفهاش قبل الغريب لازم الغريب يدوس كل شبر فيها الاول وبعد كده تبقي تشرف وتدفع او تطلع تصرح
فين بقي الكرامه الي هيه هتخلي عندنا سمعه
واد يا سمعه فين اختك كرامه
واحد ضحك علها واخدها في الدره يا اما

2008-10-31

جوايا حاجه بتمنعك

جوايا حاجه بتمنعك
منعاني حتي اسمعك
حبيتي فيه الدموع
ورضيتي ليه الخضوع
تشوفيه عليه وانا بقولك بعشـقـك
نفس الكلام هتقوليه
واجهي مصيرك روحي ليه
انتي الي اخترتي الوداع
من كل قلبي بودعك
جوايا حاجه بتمنعك
منعاني حتي اسمعك

2008-10-25

ياريت

وداعا حبيبي
ياريت القلب ما حسك
ولا هوايا في يوم مسك
ياريت احساسي كان كدبه
دا حب مخلوق من الصدفه
ملوش اساس ولا دار ولا بيت
ياريت ياريت
ياريت العين ما شافت
لحظة حنين وخافت
من يوم يجي وعني وتروح
وتسيب هوايا انا المجروح
وحيد بقول ياريت ياريت

دائما وابدا ما اقول تلك الكمات
فهي قريبه من قلبي مثل ذكرياتي القريبه من عقلي دائما

2008-10-23

قرار رئيس الجمهوريه

فرعون مصر احمد علام
اليس لي ملك مصر وهذه الانهار تجري من تحتي


قرار رئيس الجمهوري
الغاء الدعم المباشر والغير مباشر لجميع السلع الاساسيه
وذلك منعا للقيل والقال وتحري الشفافيه ولان الدعم لا يصل لمستحقيه فسوف نغليه من اصله

قرار رئيس الجمهوريه
الغاء الصحافه بجميع اشكالها وانواعها ولانها غير محترمه وبتتكلم عن صحتي والمصايب الي انا بعملها في ام البلد دي وكمان بتتكلم عن رجال الاعمال وعن الحرميه وتفضحهم فكان لازم اقطع عرق واسيح دم
والغي الصحافه من اصله هيه الناس لاقيه تاكل لما هتشتري كل يوم جورنال بجنيه والعدد الاسبوعي بيوصل لاتنين جنيه

قرار رئيس الجمهوريه
القبض علي اي حد صاحب فكر او رأي او اختراع
واي حد هيتمسك بيفكر هيكون مصيره اما الحبس تسعمية سنه
او نفيه الي جزيرةابو زعبل او جزيرة لومان طره

قرار رئيس الجمهوريه
اي قطر يولع اي سفينه تغرق او طياره تقع اي مصيبه سوده تحصل
ملناش دعوه محدش قالكم ارمو نفسكم في التهلك
(ولا تلقوا بأنفسكم الى التهلكة)
صدق الله العظيم

قرار رئيس الجمهوريه
وطبعا انتو شوفتو انا اد ايه مؤمن وحافظ كتاب ربنا في القرار الي فات


ربنا يبارك فيك يا ريس

عظمه علي عظمه يا ريس

فداك ابي وامي يا ريس

وحياة دي النعمه بنحبك يا ريس

تصفيفق حااااااااار من كتر الشطه



قرار رئيس الجمهوريه
منع الشطه في الاسواق عشان محدش يصفق تاني اصل انتو جبتولي صداع الله يخبريتكم

قرار رئيس الجمهوريه
يصرح لاي بنت ماشيه في الشارع بحمل المطوه سواء كانت قرن غزال او مطوه بسوسته عشان احتمال متعرفش تستعمل القرن غزال وتغز بيها اي حد يعاكسها ومتخافوش يا بنات القانون في صفكن

قرار رئيس الجمهوريه
تعميم لبس النقاب الافغاني لكل الرجال عشان لو في حد حب يعاكس ولا يتحرش يلاقي نفسه بيتحرش في راجل
ويبقي نهار ابوه اسود

دي كانت اولي قراراتي لما همسك الرئاسه بس فس سنه 2029
واعملو حسابكم لا اتزحزح عن موقفي
ولن اقياض علي ولدي
ويانا يا انتم في البلد دي

2008-10-22

وأنتهت القصه

دي كانت اغرب قصة حب عشتها


الو
الو مين
احمد
احمد مين
أحمد عادي بكره هتاخدي علي
ضحكه وقفلت السكه

تاني يوم
الو
ايوه مين
علي فكره انا بتصل عشان اسمع الكول تون
واللهي طيب اتفضله يا سيدي
لا شكرا عندي واحد زيه

والمصادفه الغريبه ان الكول تون بتاعي يكون نفس الكول تون بتاعها


يوم تالت
طيب انتي اسمك ايه
هيه:انا ممكن اقولك اي اسم واكدب عليك
أحمد: عادي بس اي اسم هتقوليه هحبك بيه
يعني مثلا لوقلتي ان اسمك هبه
هحبك باسمك ده

المصافه الاغرب في حياتي ان اسمها فعلا يكون هبه
لدرجة اني لما قابلتها بعد كده شوفت البطاقه بتاعتها
ههه

عدت الايام وحسينا بارتياح من كلامنا مع بعض في الموبايل وقربنا كمان من بعضنا
مشوفناش بعض ولا حاجه غير كلام في الموبايل

الغريب انها حبيتني من قبل ما تشوفني
بس انا كنت عارف اني مبحبهاش وانها مجرد تسليه

عدت الايام وكان لازم نتقابل اصل مينفعش اقولها بحبك وانا مشوفتهاش
وهيه كمان تقولي بحبك وهيه مشافتنيش

قررت خلاص اقابلها واروح ليها وطبعا ده بعد ما حسيت اني ابتديت احبها فعلا
مش عارف حبيتها ليه بس حبيتها من كلامنا في الموبايل

روحت ليها بلادها سافرت يعني وقفت وقلتلها انا لابس كذا كذا
اوكي وانا راكبه تاكسي وجاي علي طول خليك مكانك او تتحرك

انا عمال ابص في كل تاكسي معدي لحد ما عنيه جت في عيون بنت ماشيه علي رجليها
وجايه ناحيتي
قلت مين دي


احمد
انتي
ايووووه
انا هيه

كانت جميله فعلا
وكنت متوقع انها تكون سوده زي ما بيحصل في الافلام

قعدنا مع بعض واتكلمنا كتير وهزرنا كتير وكنت طاير من الفرح بيها
ويه كمان كانت مش مصدقه ان الي كانت بتحبه في التليفون بس واقف جميها

ما انكرش اني كنت عايز احضنها
ولو كنت عملت كده مكنتش قالت حاجه عشان كنت شايف الحب في عنيها


وعدت الايام وحصلت مواقف وذكريات بنا كتيره قوي
لدرجة اني نسيت اي ذكري لبنت غيرها

وفي يوم اتغيرت ومبقتش تحبني زي الاول وحسيت ده فعلا
رغم انها عمرها ما جرحتني بكلمه
بس انا حسيت منها انها اتغيرت
وفضلنا ع الحال ده شهور مش عارف انا ايه بالنسبه ليها
حبيب ولا اخ ولا صديق
وهيه كمان مكنتش عارفه انا ايه بالنسبه ليها

والنهارده بس قررت اوضع حد لكل ده
انا ايه بالنسبه ليكي
احمد انت عارف انت ايه بالنسبه ليه
بصي انا مش عارف اي حاجه
طيب ابعد عنك ولا اقرب منك ولا استني طب في امل لو استنيت طب هستني لامتي
انا تعبت بجد يا جبيبتي ايوه حبيتي بقولها ليكي رغم انه ضعف مني
احمد مش عارفه اقولك ايه
لاء متقوليش
بس بحبك قوي
.......................
وانتهت القصه
اليوم
بعد منتصف الليل
وداعا يا حبيبي

2008-10-21

اتـتــتــته

Image Hosting by Picoodle.com
حبيبي الواد عمروابن اخويه الي بحبه وبموت فيه لما بيجي يدني واحده عسل
بيعمل كده اتتتتتتتتتتتتتتته
بقول يا ابني دي اسهل من كده بكتييير
اممممممممموه
ههههههه

الرقابه مســـــطوله...انا جدع

مش عارف ايه السر من وجود الحشيش والبانجو في الاغاني الشعبيه
يمكن هنشيل النسر الي في العلم المصري ونحط بداله قرش حشيش
او جوان بانجو

نماذج مختصره من احدث واشهر الاغاني في مصر



انا عامل دماغ تمام مش بانجو ولا برشام
..........
كوكا كوكا كوكا كوكوكوكوكوكو
انا شارب سيجاره بني (حشيش يعني )حاسس ان دماغي بتاكلني
قاعد في الحاره بسقط والغسيل عمال بينقط
....................
يالي انت غاوي الحشيش اشرب حشيش يا بلاش
البانجو متشربوش حتي لو كان ببلاش
حموكشه في اللموكشه عامله برطمان شارب خابور لوحده بيشده في بطرمان
............................
اكل العسل حلو بس النحل بيقرص
شرب الحشيش مذاجه عالي والراجل الي يجي ويقرص
....................
وشربت البيره في ازازه كبيره
وشربت الخمره في ازازه حمره
.....................

جوجوجو جوجوجو
في الاول جرجرتك من خيبتك خدرتك
وبقيت تعرف تكدب وتلعب علي جارتك
بقيت تلعب بوكر وبتشرب جونوكر
......................
مابحبش الكوسكوسي ابدا بقالي سنين
تقيل علي معدتي وكله كله عجين
بحب الرز ابو لبن والكشري بالدقه
والفول كمان بعشقه وبكولي كام شقه
يااااااليلللللللل
....................
ويلا نرش البيره يلا نرش البيره
.........................................
.........................................
الظاهر ان الرقابه علي المصنفات الفنيه اتسطلت
من كلام الاغاني
ربنا يسترها النهارده الكلام عن المخدرات
بكره يبقي الكلام عن الجنس في الاغاني
واهو كله في الكيليتش

دا بس من تأثير حشيش

الكلمات دي بحبها جدا كتبتها من فتره كبيره قوي
بس اصلي كتبتها في انسانه حبيتها
يكفي اقول اني حبيتها
واحمد بك علام لما يقول حبيبتها يبقي حبيتها


واحد بيتكلم مع حبيبته علي البحر
وفجائه وقف وبص ليها في عنيها وقال

تعرفي ان ممكن اقتلك لو في يوم اشتقتلك ومشفتكيش

لا ياعمري متاخافيش هوه قلبي من غيرك يقدر يعيش

دا بس من شوقي وجنوني

ان تشوفك عيوني

ان وعدتيني في يوم اني اشوفك ومجتيش

لا دا ممكن انسي اسمي لو في يوم نسيتي رسمي

ان في يوم عديتي جمبي ومعرفتنيش

سيبك انتي من كلامي

يالي انت عشقي وهيامي

دا انا بشوفك حتي في منامي ولحظه عني مبتغبيش

دا انتي ساكنه في خيالي

وانتي حلمي وامالي

فيكي بشوف كل غالي يا حبيبتي متغابيش


صمت رهيب بعد سماعها الكلمات ثم في قوة الزلزال قالت
بقي تقتلني عشان كان عندي درس ومعرفتش اتصل بيك واقولك
انت مجنووووون

وفي سرعة البرق قلت لها تبريرا لما قلته
دا بس من تاثير حشــــــيـــــش
........
هههه

2008-10-16

احنا معانا ربنا طب لو ربنا غضبان علينا معانا ايه

زمان سمعت شيخ بيقول احنا بندعي علي الغرب وهما الي اخترعو لينا كل حاجه بنستعملها من الابره
للصاروخ
وبردو الاستاذ ابراهيم عيسي كان لمح للموضوع ده وقال هوه احنا اخترعنا ايه نفيد بيها البشريه زي ما هما اخترعو لينا كل حاجه بتنفعنا دا حتي الدواء من عندهم و سمعت العالم الكبير د.احمد زويل بيقول وبيحزر ان ممكن في وقت من الاوقات ان الدول المتقدمه بدل ما الحروب بتكون ع الارض الدول المتقدمه دي ممكن تضربنا من فوق القمر او المريخ واحنا تحت علي الارض منقدرش نصد ولا نرد ,,
طب احنا عمالين بنشري سلاح ليه والسعوديه تشتري ومصر تشتري وده وده يشتري ونتدرب ونعملة مناورات عسكريه
ومش عارف ايه وده كله ملوش أي لزمه او قيمه
يعني مثلا لو حبينا نضرب امريكا في امريكا بالصواريخ عندهم مش
هنقدر نعمل دي والعكس هما يقدرو يعملو كده عندهم صواريخ عابرة القارات
طب هما عندهم الملخص والمفيد وحبو ينهو الحوار وزهقو من لعب العيال ده يضربونا بالنووي زي ما عملوهامع اليابان الي كانت صامده حتي انفجار هيروشيما ونجازاكي النووي وطبعا بكل بردو هتلاقي الطيار الي ضرب وقتها بالنووي بيقول انا مش ندمان علي الي عملته دي كانت اوامر وبنفذها
خلاصة الحوار ايه لزمة يكون معايا فأس او سيف بحمي بيه نفسي مدام العدو معاه بندقيه
زي واحد بيتخانق مع واحد شايل مطوه قرن غزال والتاني بيتخانق بسيف
انا مش بحاول اعمل حالة احباط ويأس انا بتكلم بلغة المستقبل انا عايز اقول
احنا في ايدنا اييييييييييييييييييييه نحمي بيه نفسنا
امريكا هيه الدوله الوحيده الي ضربت بالنووي
روسيا والصين ولا غيرهم ولا العرب قدرو يمنعو الحرب ع العراق
دول اوربا وامريكا مقدروش يحمو جوروجيا من روسيا
يعني العالم ده كله ملوش كبير في الارض
والقوي لو حب ياخد حاجه هياخدها غصب عن نن عيونك يا عسل يا مقلوظ
وارجع واقول احنا في ادينا اييييييييييــمـفيـشــيييييييييه
طبعا احنا معاناربنا الي ميرضهوش المسلمين يتهزمو
بس يرضيه انهم يتكاسلو ويخافو في الله لومة لائم ويهتمو بالكل والشرب والسرقه والنهب والرشوه والتحرش
والفساد وهيفا والمش هيفا
بقي ربنا مش هيرضيه نتهزم واحنا بنعمل ده كله
انا بتكلم علي اساس اننا معانا ربنا
طب لو ربنا غضبان علينا هنعمل ايه

2008-10-15

ايه سيفين ايه تبقي ايه

تلاحظ لما بتتفرج علي فيلم امريكاني ان اكتر كلمه بتتقال في الحوار
(فاك,بيتش,شيت)
مفيش فيلم امريكي خالي من ال3 كلمات دول
دا غير اشارة الاعتراض المعروف جدا وشبيها جدا لاشارة الاعتراض المصريه
بدل صوباع تحت بتخليه فوق
ومش عارف ايه قلة الادب الي فيها الشعب الامريكي ده
طب متحرر شويه وقلنا ماشي
البنت لو فضلت عزراء لبعد ال18 سنه تبقي فضيحه عندهم بردو ماشي
الشواذ يعملو مظاهره عشان يكون ليه حق في القانون المسهوك الامريكي ماشي
يعيشو مع بعض عشرين سنه وبعد كده ممكن يفكرو يتجوزو مااااشي

انما بقي يقرفونا في عيشتنا ويخلونا نتفرج علي افلام دمويه تجيب سد النفس عن الاكل والشرب من كتر الدم الي فيها
ولازم الفيلم يكون محتوي علي حاجتين اساسيتن واحد بنات مش لابسه وبتمارس الشقاوه مع واحد صاحبها ويدخل العفريت يطير دماغ صاحبها وهيه تموت بالمنظر ده بالسكته الدماغيه
رقم اتنين المشاهد الدمويه الاكثر هيه الي تكسب يعني عادي تلاقي منشار شغال في وش واحد وبيشيل الجلد من اللحم زي فيلم ساااو وغيرو من الافلام الدممويه ةعادي بردو تلاقي رجلين متقطعه وصوابع بتنزل دم وعروق بتسيح ولا مشرحة زينهم
دا كمان اتفرجت علي مهرجان افلام والفيلم الي يقرف اكتر هوه الي يفوز بالجائزه
وجميع الافلام دي بتحتوي علي العنصريين الي اتكلمت عنهم
انا مش عارف ايه الهوس الي عند الامريكان ده
دول مجانين بجد

.............................................................
مدام الرقابه مفهاش حد روش ولا مقطع الدردشه وديلها ولا ليه في النت اساسا
يبقي لما ميعرفوش معني كلمة ايه سيفين ايه يجو يتعلمو اللغه
يبقي من اول السطر نكتب مع بعض يا ولاد
ب والف وب والف تبقي ايه بابا
a .7. a tb2a aeh a7a

2008-10-13

يا مصبر الوحش ع السيكو سيكو


احكمنا ياريس أحكمنا

جوعنا وقلعنا هدومنا

ان شالله نموت فيها فطيس

او حتي نعيش فيها بلابيص

وناخد بالجزمه في قسم بوليس

مش هتفرق ما انت الي حكمنا

احكمنا ياريس احكمنا

ماهي تركه وسابها المرحوم

ولا لينا نعارض ولا لينا نلوم

ودا مين دا ابن المجنون

الي يعاض حد حاكمنا

احكمنا ياعم وربينا

غرقنا واحرق اهلينا

خصخصها وبيعها وأجرها

من يوم ما بيعنا واخترنا

والهم بقي فينا وملينا

محدش يكمل المثل ويقول يا مصبر الوحش ع ال ؟؟


2008-10-11

شيخ الازهر كافر=حرية صحافه

دي لا صحافه ولا دي حريه
صورة مواطن مصري اسمه محمد الطنطاوي
ومركبين عليه ما يرتديه القس
فين بقي الاحترام

ودي كمان لا صحافه ولا دي حريه
كل الكلام في المجله دي كذب في كذب


2008-10-08

الصحافه مش مهنة الملايكه

ابراهيم عيسي من ساعة ما خلقه ربنا وهوه نازل معارضه في النظام وبيعارض وبيقول انا بكره النظام زي ما بيقول شعبان عبد الرحيم انا بكره اسرائيل ويقولك كمان ان النظام ده فاشل وكلام كتير اصلي متابع يوميا جريدة الدستور وخصوصا مقال ابراهيم عيسي والاستاذه العظيمه نجلاء بدير والله الجورنال ده علي بعضه كله كده مفهوش غير طارق امام ونجلاء بدير وشادي ظلط
المهم بقي يا معلمين ان ابراهيم عيسي مبطلش معارضه ولا اختلاف مع النظام وياسيدي مقلناش حاجه عارض دا حتي لما ميكونش في معارضه تبقي نيله خالص والاكتر من كده ان عيسي قال كلام اكبر وكان ممكن يوديه السجن فعلا كلام اكبر من الكلام في صحة الرئيس الي هيه مش مقدسه طبعا ومش منطقي ان صحة الرئس او الرئيس نفسه يبقي مقدس ,يعني لو في حد في النظام بيتلكك كان اتلكك قبل كده
المشكله في الصحافه المصريه عمتا انها مقسمه لاتنين
صحافة التهليل والتطبيل الاهرام والاخبار والجمهوريه
صحافة المعارضه الدستور والمصري والوفد وغيرهم
متلاقيش صحافه مستقله بذات نفسها وفي نفس الوقت بتقول الايحابي والسلبي في نفس الصفحه
يعين الدستور متلاقيش صحفي واحد بيتكلم عن الانجازات الي حصلت في عصر مبارك
علي اساس انهم مش بيعينوه الا اذا كان ضد النظام لو حب يقول حاجه تانيه في مصلحة النظام يبقي يروح يشتغل في الصحف الوطنيه
ونفس القصه متلاقيش صاحفي معارض بحجم ابراهيم عيسي في جورنال الاخبار او الجمهوريه
من هنا بقي وصلنا للحريه واستقلال الصحافه
ممكن دلوقتي نتكلم عن استقلال الصحافه الوطنيه
ووصلنا كمان للحرية الصحافه المعارضه
بس الحريه دي ليها حدود يعني مثلا منلاقيش واحد طالع في الجورنال بيقولك اشعات وكلام كذب وكله علي عينك يا تاجر
وكل واحد بقي نفسه في حاجه يقولها صح غلط مش مهم اصل في حريه ومفيش قانون
رادع لتمهة ترويج الاشعات والكذب والنشر الاخبار غير الصحيحه
قريت كل اراء الصحفيين ((المعارضيين للنظام))بخصوص العفو الرئاسي فيهم الي قال انها بارقة امل وفيهم الي قال انه تهديد
بس كلهم اتفقو علي ان ميكونش فيه عقوبة السجن لاي صحفي
ومش عارف ليه اتفقو علي دي بالذات
هل هما خايفين علي حريتهم في الكتابه
هل هما شايفين ان الصحفي مبيغلطتش
هل هما شافين ان العقوبه الي هتتخذها نقابة الصحفيين
افضل من التوجه الي المحاكم
نكمل في بوست جديد عشان انا مش بحب البوستات الطويله

الملائكه مش شغالين في الصحافه

والله انا مش شغال في الحزب الوطني ولا في اي حزب معارض او مش معارض
انا واحد مصري بعيد جدا عن اي سلطه او مركز ولا اقرب لرئيس الجمهوريه ولا اقرب لابراهيم عيسي
ولا حتي اقرب لاي حد من المعارضه او المش معارضه
انا واحد شايف ان الكلمه الي بتتنشر في اي صحيفه لازم تكون صحيحه ميه في الميه
وشايف ان مسؤلية الكلمه الي هتتنشر دي اهم من نشرها
ياجماعه بجد بحس اننا بنقول لا وخلاص
فيها ايه لما مواطن مصري اسمه ابراهيم عيسي يتسجن عشان
نشر في الجورنال بتاعه اخبار غير صحيحه
فيها ايه لما شيخ الازهر يدافع عن حقه
ونقول فين سماحة الاسلام
ما الي بيغلط يتحبس
هوه القانون بيقولك متكتبش
لاء بيقولك اكتب وعبر وقول اي حاجه
بس تكون صح
متكونش مجرد تخمينات
يعني ابراهيم عيسي لما قال كده مكنش يملك اي دليل اثبات علي كلامه
يعني هل دكتور الرئيس الخاص خرج وقال الرئيس عنده كذا وكذا وكذا
محصلش
اي حد يقرء كلامي ده يعرف في الاول اني بدافع عن المسؤليه
مش بدافع عن الرئيس وان الرئيس حاجه مقدسه ممنوع الاقتراب منها
يعني كل واحد يكون مسؤل عن تصرفاته وافعال واقوالها
ومدام مسؤل يبقي يتحمل نتيجة خطائه
وعشان المسؤليه دي تكون موجوده
يبقي لازم من قوانين
نيجي بقي نقول بلاش قوانين
لاء بقي انا عايز قانون للصحافه ان شالله يكون الاعدام
ومدام شايف انك مش بتقول كلام كدب او كلام فارغ او كلام تخمينات من دماغك
يبقي أكتب ومتخافش
هوه احنا ليه مضايقين الموضوع علي ابراهيم او غيرو زي وائل الابراشي والرئيس
ما الموضوع ده ممكن يحصل مع اي حد غير الرئيس
دا وائل الابراشي ذات نفسه قال ان غلط وغلطه ده اتسبب في قتل واحد بدون قصد
لما نشر اسماء اتنين متجوزين عرفي
يعني الصحافه ليها اخطاء
يعني الصحافه مش مهنة الملائكه

2008-10-06

الشعب المصري الترحمي

هوه احنا ليه كل واحد يموت او يخلع نقول ((الله يرحم ايامه))دا كان وكان نقعد بقي نقول اهو احسن من الموجود دلوقتي رغم اخطائه
يعني لما جمال عبد الناصر كان موجود كان في ناس بتكرهه بكل معاني الكلمه وناس من الشعب نفسه يعني مثلا والدي حكي لي ان لنا قريب كان يكره جمال عبد الناصر لدرجة انه كان بيحط الجزمه بتاعته علي صورته ,ايوه علي صورة جمال
ولما جمال مات وجه السادات بقي يترحم علي ايام جمال وحلاوة ودلع ليالي جمال
وايام السادات بردو كان فيه الي بيكرهه وعايز يقتله كمان رغم انه حارب وانتصر ومسلمش من انتقدات الشعب لدرجة انهم طلعو عليه نكت
ولما مات وجه حسني مبارك الكل بيترحم علي ايام السادات ويقولو دا لو كان عايش كنا وكنا وكنا وبقينا احسن من دلوقتي
طيب ولما يجي الي بعد حسني مبارك هنترحم علي ايامه هوه كمان رغم كل الي احنا فيه ولا يمكن احنا شايفين اننا في وضع وحش بينما احنا مية فل وستاشر ولما يجي الي بعده هنكرهه لما الوضع يزداد قرفا وهما ونكدا وبلاوي ومصايب
لما كمال الشاذلي كان موجود في مجلس الشعب قالو عنه وعنه وعنه ولما جه احمد عز قالو الله يرحم ايام كمال كان احسن منه
الخلاصه بس عشان انا اساسا زهقان
يعني احنا بنشوف كل يوم اوحش من اليوم الي قبله
ونقول علي اليوم الي قبله كان احسن من دلوقتي
رغم ان دلوقتي ممكن يكون احسن من بكره
طب بكره هيجي حلو ليه يعني كان دلوقتي جه احسن من الي قبله
طب هوه بكره هيجي حلو ليه يعني هو احنا الي كوييسن
من انفسكم سلط عليكم
العباره في الدوباره بتقول ايه
خليك حلو عشان بكره يبقي حلو
هتبقي وحش بكره هيكون اوحش

2008-09-30

كل عام واحنا مش زي ما احنا

**************************
كل عام وكل المسلمين وكل العرب وكل المصريين بخير
كل عام ومفيناش واحد علماني
كل عام ومفيناش واحد شيعي
كل عام ومفيناش أمثال خالد يوسف او ايناس الدغيدي
كل عام ومفيناش اي حد عايز يغير عادتنا وتقالدنا
كل عام ومفيناش حد عايز يولع فينا
كا عام ومفيناش واحدعايز يغرقنا ويحطم مراسينا
كل عام وشيوخنا عاقله ورزينه
شيوخ بتاعت ربنا مش شيخ مارينا
كل عام وثغرات قانونا متغير لينا
مش علينا
كل عام واحنا مش زي ما احنا
كل عام وأنت بخير

صعب تلاقي حد بضمير

أعزريني دا الي زيك مش كتير
أعزريني قلبي بطل يكون له ضمير
دالي شوفته قبل منك ميتنسيش
شوفت أسوه ونار جراح مبتتنهيش
ايوه أسي طلعت ندل وكنت ظالم
ولسه في حجات كتيره مداريه وربي عالم
بالي فيه من دموع خلتني اجرح
خلتني اظلم حد بيخاف عليه
بس قلبي من الخيانه مكنش سالم
زي قلبك أنجرحت من قلب جارح
قلب عشت ليه ليالي كنت سارح
في نور عيونو وزاي اخونو وانا كنت فاتح
درعاتي للدنيا ومافيها
وعايز احضن كل حاجه لمست اديها
ولما تزعل مقدرش اشوف دموع عيونها
ولا عمري فكرت في يوم اخونها
او اخيب ظنونها
وهيه خانت ومشــاعرها مالت لحد تاني
بس مش ذنبك تكوني انتي الضحيه
ومقدرش انكر ان حبك كان حلم ليه
بس حلم بطريقه وفكر تاني
فكر واحد عايز ينتقم واحد اناني
وارجع واقول مش هسيبك تبكي مني
او حتي عليه
انا لازم ارجع دا الي زيك مش كتير في الدنيا ديه
دا الي زيك مش كتير
صعب قوي تلاقي حد بضمير

2008-09-27

أختار من دلوقتي

يعني لا طالين سما ولا ارض ولا جنه ولا نار طيب هنروح فين مارينا
لما تلاقي الواحد علاقته مع ربنا ميه ميه والحمد لله وتلاقيه في نفس الوقت علاقته بالشيطان مية فل واربعتاشر
طب تيجي ازاي دي
مسلسل شرف فتح الباب ملخص لكلام كتير وواقع بنعيش فيه
يعني تلاقي الواحد بيحب ربنا اوي وبيحاول يتقرب منه ويجاهد نفسه في التدين
ومن ناحيه تانيه تلاقيه بيسرق او يرتشي او يخون او يشرب خمره او يشرب سجاير ربنا يتوب عليا منها
عامل زي الحرامي الي رايح يسرق وبيقول يارب استرها معانا
اصل في ناس بتدعي ربنا وتقول
اللهم اغفر لنا ذنوبنا
((الي هيه متأكده انها كانت ذنوب ورغم كده عملتها)))
وناس تدعي ربنا وهيه بتعمل الذنوب
اللهم انك عفو كريم تحب الحب فأعفو عنا
الواحد بقي مش قادر يمنع نفسه من المعصيه بس حابب التوبه بيتمناها
طيب الكافر اهو هيعيش له يومين في الدنيا ويتمتع بيها ...ويخسر الاخره
والمؤمن هيحرم نفسه من ملذات الدنيا وشهوتها ....ويكسب الاخره
والي بين البنين ده لا هوه كسب دنيا ولا كسب اخره
يعني في الدنيا حارم نفسه اقل من الكافر
وفي الاخر ه هيتعذب الاول وبعد كده ممكن ربنا يدخله الجنه
*******************
يعني الواحد يشوف نفسه ويقرر يكون ايه
دنيا ولا اخره
ولا بين البنين