أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-10-25

ياريت

وداعا حبيبي
ياريت القلب ما حسك
ولا هوايا في يوم مسك
ياريت احساسي كان كدبه
دا حب مخلوق من الصدفه
ملوش اساس ولا دار ولا بيت
ياريت ياريت
ياريت العين ما شافت
لحظة حنين وخافت
من يوم يجي وعني وتروح
وتسيب هوايا انا المجروح
وحيد بقول ياريت ياريت

دائما وابدا ما اقول تلك الكمات
فهي قريبه من قلبي مثل ذكرياتي القريبه من عقلي دائما

22 comments:

mohamed ghalia said...

ياريت القلب محسك ولا هوايا فى يوم مسك
بجد إنتا إحساسك عالى قوى
بس حاسس بنبرة حزن
ربنا يسعدك دايما
دمت بود

__—¤¤AhMeD.3LaM¤¤—__ said...

استاذ محمد
هنعمل ايه بس الحزن ورانا ورانا
مهما نحاول نبعد في مكان ما هانستخبي هناك بيستنانا

نورتني واسعدني مرورك الكريم
ودمت بسعاده

mostafa rayan said...

حلوة قوي الكلمات دي بجد
تحياتي لك ودمت بخير

__—¤¤AhMeD.3LaM¤¤—__ said...

منورني بجد يا مووصطفي
ومبسوط ان الكامت عجبتك
دمت بسعاده

ضد التيار said...

ياريت احساسي كان كدبه
دا حب مخلوق من الصدفه
ملوش اساس ولا دار ولا بيت

مدام كده يبقى ماينفعش كلمه ياريت

mahasen saber said...

ليه كده بس يا احمد...؟
ده احلى شئ تحب وتنجرح يبقى ليه يا ريت دى اسكت ده حتى الصدمات تصنع الرجال ..انتا مش شايفنىبقيت ارجل من فريدشوقى والاطرش كماناهه
.........
روق كده واستعد لدخول حب اخر يعنى يا ابو تمنتاشر سنه هتقفل الدنياعلى يا ريتبتاعتك دى
........
سلام يا علام

نيجار said...

كلماتك بحق رائعه
ولكنها آلمتني كثيرا
وما ساعد على ذلك
الأغنيه المصاحبة
أحييك على إبداعك
تحياتي لك

كـــيــــــــارا said...

ياريت العين ما شافت
لحظة حنين وخافت
من يوم يجي وعني وتروح
وتسيب هوايا انا المجروح

----


يااااااااه

ربنا يصبرك يارب :)

~*§¦§ Appy §¦§*~ said...

اممممممممم
لونك نكد ليه يا كابتن
شاطر بس تنفش ريشك عليا ماشى ماشى هعذرك بس
علشان كلماتك الرقيقه دى

__—¤¤AhMeD.3LaM¤¤—__ said...

ضد التيار

ياريت كل حاجه كانت تكون كدب حتي احساسي بيها وتنتهي بسهوله زي ما جت بسهوله وصدفه

نورتيني

__—¤¤AhMeD.3LaM¤¤—__ said...

ست الكل محاسن
يسلام بقي احسن حاجه اني احب وانجرح
.المشكله في الذكري الي بتفضل تفتكرها مش في جرح الحب ذات نفسه
وانتي لا فريد شوقي ولا انا تمناتشر سنه هههه
سلا يا ست الكل

__—¤¤AhMeD.3LaM¤¤—__ said...

نيجارا

اولا اشكرك علي تواجدك بالمدونه
ثانيا اشكرك علي الاطراء الرقيق
تحياتي ودمتي بود

__—¤¤AhMeD.3LaM¤¤—__ said...

كـــيــــــــارا

لاء حضرتك انا بقول اننا سيبنا بعض
مش بقول انها ماتت

دمتي بود

__—¤¤AhMeD.3LaM¤¤—__ said...

~*§¦§ Appy §¦§*~

ههه فكرتيني بفيلم العار
والتخزين من اختصاص الدفاس
وبعدين فين ريشي ده
ما كل شويه بيتقصقص

منوراني دائما

كـــيــــــــارا said...

ايوه مهو ربنا يصبرك انكم سيبتوا بعض

هو السيبان سهل ولا ايه

عاااااااااااااااااااااا

ايه الناس اللي بتشخط دي

__—¤¤AhMeD.3LaM¤¤—__ said...

كـــيــــــــارا
أحنا فينا من عااااااا
بس صحيح
مش لو كانت ماتت كنت عرفت ان ملهاش اخبار جديده وابقي هتجنن اسأل عنها
بس هيه ما متتش
ونفسي اعرف ايه اخباره طب مبسوطه طب زعلانه
طب وحشتها
ولا مش فارقه
الاحسن اغير الموضوع
..........
هوه الاسماعيلي عمل ايه النهارده
دا بيقولو الاهلي كسب

كـــيــــــــارا said...

هههههههههههههه

ده اخد الدوري

معقول ماخدتش خبر

ده جابوها في التلفاز:)

__—¤¤AhMeD.3LaM¤¤—__ said...

ههههه
والله هما جابوها في التلفزيون
معلش اصلي كنت مسافر

نورتيني كيارا

mahasen saber said...

ماشى يا علام احسنت القول انا فعلا مش فريد شوقى انا وللا ملكة من ملكات جمال الكون فى العهد الغابر هههههههههه ..مش عارفه ليه بظلم نفسى دايما بس انتا برضه تمنتاشر سنه انكريا سيدى لو مش عجبيبنك تيجى نبدل .........
عامل ايه فى المذاكره

عايش علي الهامش said...

لا وام كلثوم كمان ياراجل ايه الجمال ده
حلوه الذكريات دي بس تعرف وليه ياريته الانسان يتعلم الصمود من الاسي ويتعلم الصبر من الجزع ويتعلم الوقوف من السقوط

شكرا ليك

__—¤¤AhMeD.3LaM¤¤—__ said...

محاسن هأنم وست الكل وملكة جمهورية الشرقيه للدخان
هههههه
انا الحمد لله تــــمام
و
سألت عليكي العافيه

__—¤¤AhMeD.3LaM¤¤—__ said...

عايش ع الهامش
ادينا بنحاول وان بعد العسر يسر
انا الي بشكرك علي وجودك في مدونتي
تحياتي ليك ولكلام الجميل