أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-10-06

الشعب المصري الترحمي

هوه احنا ليه كل واحد يموت او يخلع نقول ((الله يرحم ايامه))دا كان وكان نقعد بقي نقول اهو احسن من الموجود دلوقتي رغم اخطائه
يعني لما جمال عبد الناصر كان موجود كان في ناس بتكرهه بكل معاني الكلمه وناس من الشعب نفسه يعني مثلا والدي حكي لي ان لنا قريب كان يكره جمال عبد الناصر لدرجة انه كان بيحط الجزمه بتاعته علي صورته ,ايوه علي صورة جمال
ولما جمال مات وجه السادات بقي يترحم علي ايام جمال وحلاوة ودلع ليالي جمال
وايام السادات بردو كان فيه الي بيكرهه وعايز يقتله كمان رغم انه حارب وانتصر ومسلمش من انتقدات الشعب لدرجة انهم طلعو عليه نكت
ولما مات وجه حسني مبارك الكل بيترحم علي ايام السادات ويقولو دا لو كان عايش كنا وكنا وكنا وبقينا احسن من دلوقتي
طيب ولما يجي الي بعد حسني مبارك هنترحم علي ايامه هوه كمان رغم كل الي احنا فيه ولا يمكن احنا شايفين اننا في وضع وحش بينما احنا مية فل وستاشر ولما يجي الي بعده هنكرهه لما الوضع يزداد قرفا وهما ونكدا وبلاوي ومصايب
لما كمال الشاذلي كان موجود في مجلس الشعب قالو عنه وعنه وعنه ولما جه احمد عز قالو الله يرحم ايام كمال كان احسن منه
الخلاصه بس عشان انا اساسا زهقان
يعني احنا بنشوف كل يوم اوحش من اليوم الي قبله
ونقول علي اليوم الي قبله كان احسن من دلوقتي
رغم ان دلوقتي ممكن يكون احسن من بكره
طب بكره هيجي حلو ليه يعني كان دلوقتي جه احسن من الي قبله
طب هوه بكره هيجي حلو ليه يعني هو احنا الي كوييسن
من انفسكم سلط عليكم
العباره في الدوباره بتقول ايه
خليك حلو عشان بكره يبقي حلو
هتبقي وحش بكره هيكون اوحش

7 comments:

dr.lecter said...

شعب يقدس الاموات جتنا البله

بس مااظنش ان حد هيترحم علي حسني علشان حسني اللي حصل في عهده ماحصلش في مصر المحروسه قبل كده

ده يااخي مافيش طاغيه زي حسني انا شفت الا واحد اسمه ابو جعفر المنصور من 700 سنه

كلام على بلاطة said...

كل عام وانت بخير
تحياتى

طالبه مقهوره said...

على فكره الموضوع جامد انا بقا اقولك ليه عشان كل واحد فينا له وجه نظر مختلفه عن التانى يعنى فى ناس بتحب عبدالناصر وفى ناس بتحب السادات وبتكره عبدالناصر وفى ناس بتحب حسنى فكل الحكايه هو اختلاف الاراء يعن احنا فينا الوقتى ناس مش بطيق حاجه اسمه عبدالناصر او السادات رغم انهم ماتو

ياريت يكون قصدى وصل

ღღAhMedღ3LaMღღ said...

dr.lecter

من ناحية يترحم فا فيه ناس كتيره قوي هتترحم عليه

نورتني

ღღAhMedღ3LaMღღ said...

كلام علي بلاطه

وحضرتك بخير

منور

ღღAhMedღ3LaMღღ said...

طالبه مقهوره

كلامك مظبوط وصح ميه في الميه
بس بردو فينا الي بيتمني ان عصر جمال والسادات يرجع وبيترحمو علي ايامهم

سؤالي هنا هوه العيب في مين
فينا والا الي بيحكمنا
والي بيحكمنا ده ماهوه من فينا يعني مننا

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘