أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-11-24

انا والخوف والعفريت


بتخاف من العفاريت؟
ايوه
شوفت عفريت قبل كده؟
لاء
أكيد حد حكي ليك قصص الاشباح
يوووه كتير
انت مصدق القصص دي؟
ايوه طبعا ومتأكد من الي حكي ليه ومصدقه
يعني انت مؤمن بأنك ممكن تصدق بحاجه مشوفتهاش ؟
أكيد مدام متأكد من الي قال
في خيالك كده ايه شكل العفريت ؟
مش عارف اصلي ماشفتوش بقولك
طيب انت خايف يعملك ايه لو جالك عفريت؟
خايف يعمل حركات مرعبه زي مثلا يجي من ورايا
او يحرك حاجات او اسمع صوت خبط ورزع في ماكن في الشقه او يظهرلي علي شكل اي حاجه قطه سوده كلب اسود ثعبان

الحجات دي كلها سمعت عنها في القصص الي اتحكت ليك او شفتها في الافلام؟
كل ده انا سمعت بيه ومنه الي شوفته في الافلام
قصه اتحكت ليك مرعبه؟
حكاية انتي رايحه فين يا تهاني
ودي بقي كان في واحده ست ماشيه في طريق مقطوع الصبح بدري قوي
وسمعت خطوات سريعه وراها تبص متلاقيش في حد تبص متلاقيش في حد
وفجائه سمعت صوت في ودنها
انتي رايحه فين يا تهااااني
صرخة قوي وبصت وراها بسرعه من كتر الرعب الي هيه فيه
ملاقتش حد وبصت في البحر لاقت واحده شكلها عجوز بتغوص في الميه بلا عوده
ومن يومها والست دي اتجننت

بتخاف من الضلمه ؟
اه طبعا وانا صغير كنت بنام ونور اللمبه شغال
بس لما كبرت بقي في نور سهاري

بتخاف من الضلمه ليه؟
عشان مش بشوف فيها حاجه وخايف حد يكون جمبي وانا مش شايفه
الحد ده ممكن يكون عفريت تقصد؟
ايوه واتسرع من الخطه

طب ليه العفاريت بتظهر بلليل بس ؟
مش عارف بس يمكن عشان بيكون مفيش ناس كتيره
يعني لو في ناس مش بتطلع او لا بتكون لوحدك بيستفردو بيك؟
ايوه بالظبط كده
هما مين الي بيستفردو بيك ؟
العفاريت طبعا
ومتقولش ليه ان دي وساوس وبتعملك تخيلات !
أحتمال تكون وساوس بس ممكن تكون حقيقيه
***************************
انا كنت بحاول اكلم نفسي عن موضوع الخوف في حياتي
انا بخاف من العفاريت دي حقيقه رغم اني ساكن لوحدي في شقه كامله طول الوقت
انا بخاف حتي احكي قصص العفاريت والاشباح
قلت اكتب وانا خايف وكمان اطفي النور ومبيقاش الا نور شاشة الكومبيوتر
واما نشوف رغم كل الرعب الي انا فيه دلوقتي مستني عفريت يطلعلي
عارف انه مش هيطلعلي دلوقتي بس هيتنس لما افتح النور
والاقيه واقف في وشي واصرخ ويغمي عليه
بيني وبينكم انا خايف اقوم افتح النور

8 comments:

mohamed ghalia said...

ايه ياعم جو الرعب ده
خوفتنا ياعم الحج
بص تعالى اقرأ موضوعى عن السعادة
وهتنسى العفاريت
هههههههههه
تحياتى حبيب قلبى

¶¶ღِِAhMeD 3LaMღ¶¶ said...

استاذ محمد باشا
انسي ايه دا انا كل شويه ابص ورايا
هههه
حااااضر هكون عندك دلوكيت
دمت بسعاده

~*§¦§ Appy §¦§*~ said...

انا مش بخاف ونفسى اشوف ايه تى عارفه
او يطلع ليه دبدوب بيتكلم معندكش واحد تبعته
على فكره اكبر حاجه تكسر الخوف مواجهته

¶¶ღِِAhMeD 3LaMღ¶¶ said...

هوه ده الي بحاول اعمله
المواجهه
بس دي حاجه صعبه جدا
يعني مثلا واحد بيخاف من الاماكن العاليه
تطلعيه فوق برج اول مره اتفرجي عليه
بس انا مش بخاف الا لما افكر كتير في الموضوع ده

اقصوصه said...

loooooooooool

ذكرتني بقصص قديمه

كانوا البنات يحكونا فالمدرسه

ان الواحد يوم يشوف جني

يغمض عينه

واول ما يفتح عينه مره ثانيه

يلقى الجني فيس تو فيس

ويصرخ..وفجاه الجني يختفي بعدين!

بصراحه انا عن نفسي ما شفت شي

بس اؤمن بالمثل اللي يقول

اللي يخاف من الجن يطلع له:)

¶¶ღِِAhMeD 3LaMღ¶¶ said...

وانا صغير مكنتش ادخل الحجره بتاعتي كده علي طول
كنت امد ايدي علي مفتاح الكهرباء الاول واولع النور
وبعدين ادخل
هههه

عاقلة علي ارض الجنون said...

تعرف ؟
فكرتني بحواديت زمان مع العفاريت أنا كنت مؤمنه بيهم جدا و انا صغيره و كنت بتعامل مع وجودهم زي وجود البشر كده
:)

شغل أطفال بقي

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘