أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-09-17

تـنـفـيـسـات متنوعه

اللهم أجرنا في مصيبتنا
كنت بتصفح الفديوهات ع اليوتيوب لاقي فيدو مخصص لعمرو خالد والهجوم عليه ومن مين من الشيخ محمد حسان
ياشيخ ,,عمرو خالد انسان جميل ومحترم ومثقف وليه اسهامات عديده وكثيره جدا في الدعوه الي الله والي الدين الاسلامي ,
واذا كان الراجل غلط مع اني مش عارف اذا كان غلط ولا لاء او الي قاله غلطه ,فأنت اعلم وادري مني بالدين,فاينفعش نهاجمه
بالدرجه دي ونقول بطريقه غريبه استغربت قوي لما شوفتها عليك ,,بل هوه الفاشل وافشل اهل الارض ,,اذا كان غلط صحح ليه ,الخطاء الغير مقصود بطريقه غير منفره كلنا بنغلط ومحدش معصوم من الخطاء والتوجيه السليب ياتي بالثمار المرجوه ..قال تعالي في كتابه ,,,وادعو الي سبيل ربك بالحكمة والموعظة الحسنه.,,.فينفعش بجد نعمل كده في نفسينا كفايه الي بيحصل لينا من الغرب ,
_______________
يا سبحه يا سجاره
حاجه غريبه لاحظتها في راجل كل يوم اشوفه ماشي في الشارع((قبل رمضان)) ماسك السبحه في ايده وعلبة السجاير في الايد التانيه
طيب انا مش فاهم ايه علاقة السبحه بعلبة السجاير ولا هوه يولع سيجاره ويسبح ربنا في نفس ذات الوقت ولا يشرب السيجاره ويخلصها وبعد كده يسبح ربنا ولا لزومه المنظره ياعم يا دي يا دي مبقولكش ماتشربتش سجاير اشرب ياعم وانبسط دا انا بحبها موت للاسف
__________________
نستحمل بعضنا
سعات الواحد بيكون عنده اكتئاب وزهقان وطهقان من عيشته وبتصدر عنه افعال بتزعل الناس منه القريب والغريب في ناس هتقدر وفي ناس مش هيكون في دماغها انه يزعلها او ميزعلهاش عشان هوه مش مهم بالنسبه ليهم او مش ذنبهم انه قرفان في حياته ,بس بجد الانسان ده لما يفوق من الحاله دي بيحب يراضي كل الناس ويحس انه غلط في حقهم علي الرغم انهم بردو ميهمهوش بس في حاجه عظيمه قوي اسمها (((مبحبش حد يكون زعلان مني )) ياريت نكون كلنا كده
((منحبش حد يكون زعلان مننا او زعلنين منهم او معاهم ))
حتي لو كانو مش مهمين في حياتنا ..

3 comments:

طالبه مقهوره said...

انا جيت على انفسن معاك شويه
على فكره عمرو خالد انسان محترم جدآ
وانا عن نفسى بسمع له اكتر من اى حد تانى بفهمه بسرعه بحس انه بيقول الكلام الجوايا بس على راى اللى قالها الشجره العاليه دايمآ الناس بيحدفوها بالطوب
""""""""""""""""""""""""""""""
اما بقا السجاره والسبحه دى بقا حكايه تانيه انا اكتر حاجه بكره فى حياتى هى السجاير ومن السهل ان اى حد يستغنى عنها هتقولى لا صعب هقولكك بس مش مستحيل ووانك تبطلها فده اسهل من اضراره وبعدين مش اول فى كتير بطلوها معنى كده انها سهله ياريت السجاير دى تنقرض

"""""""""""""""""""""""""""""""
(((مبحبش حد يكون زعلان مني

فعلآ الكلمه لو بقت على لسان اى حد هنبقا كويسين والناس تعيش فى حب علطول

««((¯`·«AhMed•3LaM»·´¯))»» said...

وماله يا ستي نفسي زي ما تحبي وتنوري كمان

عارفه كنت قاعد مع واحد صاحبي بيقولي
احنا عايزين نبطل السجاير بقي
قلتله يااا عم داحنا بنقول هنبطل اكتر ما بنشرب
فككك
...
ربنا يعافينا منها

طالبه مقهوره said...

يارب الناس كلها تبطلها ويارب الجاير تنقرض