أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-10-16

احنا معانا ربنا طب لو ربنا غضبان علينا معانا ايه

زمان سمعت شيخ بيقول احنا بندعي علي الغرب وهما الي اخترعو لينا كل حاجه بنستعملها من الابره
للصاروخ
وبردو الاستاذ ابراهيم عيسي كان لمح للموضوع ده وقال هوه احنا اخترعنا ايه نفيد بيها البشريه زي ما هما اخترعو لينا كل حاجه بتنفعنا دا حتي الدواء من عندهم و سمعت العالم الكبير د.احمد زويل بيقول وبيحزر ان ممكن في وقت من الاوقات ان الدول المتقدمه بدل ما الحروب بتكون ع الارض الدول المتقدمه دي ممكن تضربنا من فوق القمر او المريخ واحنا تحت علي الارض منقدرش نصد ولا نرد ,,
طب احنا عمالين بنشري سلاح ليه والسعوديه تشتري ومصر تشتري وده وده يشتري ونتدرب ونعملة مناورات عسكريه
ومش عارف ايه وده كله ملوش أي لزمه او قيمه
يعني مثلا لو حبينا نضرب امريكا في امريكا بالصواريخ عندهم مش
هنقدر نعمل دي والعكس هما يقدرو يعملو كده عندهم صواريخ عابرة القارات
طب هما عندهم الملخص والمفيد وحبو ينهو الحوار وزهقو من لعب العيال ده يضربونا بالنووي زي ما عملوهامع اليابان الي كانت صامده حتي انفجار هيروشيما ونجازاكي النووي وطبعا بكل بردو هتلاقي الطيار الي ضرب وقتها بالنووي بيقول انا مش ندمان علي الي عملته دي كانت اوامر وبنفذها
خلاصة الحوار ايه لزمة يكون معايا فأس او سيف بحمي بيه نفسي مدام العدو معاه بندقيه
زي واحد بيتخانق مع واحد شايل مطوه قرن غزال والتاني بيتخانق بسيف
انا مش بحاول اعمل حالة احباط ويأس انا بتكلم بلغة المستقبل انا عايز اقول
احنا في ايدنا اييييييييييييييييييييه نحمي بيه نفسنا
امريكا هيه الدوله الوحيده الي ضربت بالنووي
روسيا والصين ولا غيرهم ولا العرب قدرو يمنعو الحرب ع العراق
دول اوربا وامريكا مقدروش يحمو جوروجيا من روسيا
يعني العالم ده كله ملوش كبير في الارض
والقوي لو حب ياخد حاجه هياخدها غصب عن نن عيونك يا عسل يا مقلوظ
وارجع واقول احنا في ادينا اييييييييييــمـفيـشــيييييييييه
طبعا احنا معاناربنا الي ميرضهوش المسلمين يتهزمو
بس يرضيه انهم يتكاسلو ويخافو في الله لومة لائم ويهتمو بالكل والشرب والسرقه والنهب والرشوه والتحرش
والفساد وهيفا والمش هيفا
بقي ربنا مش هيرضيه نتهزم واحنا بنعمل ده كله
انا بتكلم علي اساس اننا معانا ربنا
طب لو ربنا غضبان علينا هنعمل ايه

5 comments:

mahasen saber said...

ربنا ما يحوجنا للسلاح ولا غيره
ويرخى السلام على كل ارجاء الوطن العربى ونبنى نفسنا من جديد بقه...
بس تعالا هنا مالك بتقولى بتمر بظروف ايه خير طمنى ..قلقتنى عليك
طمنى عليك يا احمد ربنا يصلح حالك وييسرلك كل امورك...

Ahmed Mohamed said...

يسمع منك ربنا
دا حتي شوفتي بندعي اننا ندخل حرب هههه
حاجه تكسف
تكسف اننا في وضع زي كده
اتفرجي علي روسيا في عز الازمه الاقتصاديه في العالم وامريكا
بتستعرض عضلتها
ليه منبقاش زي روسيا

انا الحمد لله بس هيه الدنيا كده يوم ليك ويوم عليك بس الحمد لله

بشكرك جدا علي سؤالك وعلي اهتمامك ونورتيني طبعا

mohamed ghalia said...

ربنا يغفر لنا ويسامحنا
لان كل الى بيحصل ده من ذنوبنا والله
بعد ان كنا سادة العالم الأن صرنا أهون الناس
تقبلى تحياتى
دمتى بود

mohamed ghalia said...

إني تذكـرت والذكرى مؤرقـة * مجـداً تلـيدا بأيـدينا أضعـناه

أنَّى اتجهتَ للإسـلام في بـلـدٍ * تجْده كالطيرِ مقصـوصًا جناحـاه

كـم صرفتنا يـدٌ كنـا نـصرفها * وبات يـملكنا شعب مـلكناه

بالله سل خلف بحر الروم عن عرب * بالأمس كانوا هنا واليوم قد تاهوا

وانزل دمشق وسائل صخر مسجدها * عمن بناه لعل الـصخر ينعـاه

هذى معـالم خرس كـل واحـدة * منهن قامت خطيبـا فاغرا فـاه

الله يعلم ما قلبت سـيرتهم يومـا * وأخطـأ دمـع الـعين مـجراه

يا من يرى عمـرا تكسوه بردته * الزيت أدمٌ لـه والكـوخ مـأواه

يهتز كسـرى على كرسيه فرقـا * من خوفه ، وملوك الروم تخشـاه

يا رب فابعث لنا من مثلهم نفـرا * يشـيدون لـنا مـجدا أضعنـاه

Ahmed Mohamed said...

mohamed ghalia

حضرتك انا مش مع ان المشاكل الي احنا فيها بسسب بعدنا عن الدين
طب ماهوه الغرب ممكن نقول عليه كافر
او بمعني تاني مطبق العلمانيه الي هيه فصل الدين عن الدوله

نورتني واسعدني مرورك الكريم