أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-10-22

وأنتهت القصه

دي كانت اغرب قصة حب عشتها


الو
الو مين
احمد
احمد مين
أحمد عادي بكره هتاخدي علي
ضحكه وقفلت السكه

تاني يوم
الو
ايوه مين
علي فكره انا بتصل عشان اسمع الكول تون
واللهي طيب اتفضله يا سيدي
لا شكرا عندي واحد زيه

والمصادفه الغريبه ان الكول تون بتاعي يكون نفس الكول تون بتاعها


يوم تالت
طيب انتي اسمك ايه
هيه:انا ممكن اقولك اي اسم واكدب عليك
أحمد: عادي بس اي اسم هتقوليه هحبك بيه
يعني مثلا لوقلتي ان اسمك هبه
هحبك باسمك ده

المصافه الاغرب في حياتي ان اسمها فعلا يكون هبه
لدرجة اني لما قابلتها بعد كده شوفت البطاقه بتاعتها
ههه

عدت الايام وحسينا بارتياح من كلامنا مع بعض في الموبايل وقربنا كمان من بعضنا
مشوفناش بعض ولا حاجه غير كلام في الموبايل

الغريب انها حبيتني من قبل ما تشوفني
بس انا كنت عارف اني مبحبهاش وانها مجرد تسليه

عدت الايام وكان لازم نتقابل اصل مينفعش اقولها بحبك وانا مشوفتهاش
وهيه كمان تقولي بحبك وهيه مشافتنيش

قررت خلاص اقابلها واروح ليها وطبعا ده بعد ما حسيت اني ابتديت احبها فعلا
مش عارف حبيتها ليه بس حبيتها من كلامنا في الموبايل

روحت ليها بلادها سافرت يعني وقفت وقلتلها انا لابس كذا كذا
اوكي وانا راكبه تاكسي وجاي علي طول خليك مكانك او تتحرك

انا عمال ابص في كل تاكسي معدي لحد ما عنيه جت في عيون بنت ماشيه علي رجليها
وجايه ناحيتي
قلت مين دي


احمد
انتي
ايووووه
انا هيه

كانت جميله فعلا
وكنت متوقع انها تكون سوده زي ما بيحصل في الافلام

قعدنا مع بعض واتكلمنا كتير وهزرنا كتير وكنت طاير من الفرح بيها
ويه كمان كانت مش مصدقه ان الي كانت بتحبه في التليفون بس واقف جميها

ما انكرش اني كنت عايز احضنها
ولو كنت عملت كده مكنتش قالت حاجه عشان كنت شايف الحب في عنيها


وعدت الايام وحصلت مواقف وذكريات بنا كتيره قوي
لدرجة اني نسيت اي ذكري لبنت غيرها

وفي يوم اتغيرت ومبقتش تحبني زي الاول وحسيت ده فعلا
رغم انها عمرها ما جرحتني بكلمه
بس انا حسيت منها انها اتغيرت
وفضلنا ع الحال ده شهور مش عارف انا ايه بالنسبه ليها
حبيب ولا اخ ولا صديق
وهيه كمان مكنتش عارفه انا ايه بالنسبه ليها

والنهارده بس قررت اوضع حد لكل ده
انا ايه بالنسبه ليكي
احمد انت عارف انت ايه بالنسبه ليه
بصي انا مش عارف اي حاجه
طيب ابعد عنك ولا اقرب منك ولا استني طب في امل لو استنيت طب هستني لامتي
انا تعبت بجد يا جبيبتي ايوه حبيتي بقولها ليكي رغم انه ضعف مني
احمد مش عارفه اقولك ايه
لاء متقوليش
بس بحبك قوي
.......................
وانتهت القصه
اليوم
بعد منتصف الليل
وداعا يا حبيبي

6 comments:

كـــيــــــــارا said...

بص بقي انا تهت
اه والله تهت وعاوزه افهم

انت قلت لازم اوضع حد وافهم


فين الحد اللي اتوضع

انت قلت ليها بحبك وكلام من ده طيب قلت بناء علي ايه ان القصه انتهت ووداعا ياحبيبتي

ايوه هي يعني قالتلك انها مش بتحبك ولا انها في مشكله ولا ايه الليله

اصل الغباء لما بيشتغل عندي ببوظ الدنيا ولازمن ولابد افهم

Ahmed Mohamed said...

اانا كمان تايه طب اقولك ايه

اقولك اني قلتلها بحبك عشان تكون اخر حاجه تسمعها مني وانا بودعها

اقولك اني قررت اني ابعد عنها خالص لاني سئمت من احساسي بيها
لما حسيت انه اصبح حب من طرف واحد

وهيه كمان مش مرسياني علي بر معاها
لا بتقول عايزاني ولا بتقولي ابعد

بس انا حاسس انها اخدت قرار وو القرار ده كان من زمان
اني بقيت حلم وانتهي واصبحت صديق مقرب ليها وبس
وانا مش هرضي بكده وعشان كده قررت ابعدددد حتي لو كنت هموت من التفكير فيها حتي وانا بكتب هذه السطور
......
غباء ايه بس دا حضرتك زي الفل وربنا يسعدك زي ما اسعدتيني بزيارتك
نورتيني يا كـــيـــارا

كـــيــــــــارا said...

مش عارفه اقولك ايه

ليه كده

ليه نعذب قلوب حبتنا

ربنا يكون في عونك بجد

ahmed_k said...

ازيك يا أبو حميد
كل ده يطلع منك هههههههههه
بصراحه أنا عن نفسي إتعلمت منك
ححاول اجرب طريقة الدخله بتاعتك هههههههه
بصراحه جديده علي
بص بقا يابوحميد شويه جد
لو حاسس فعلا إنك بتحبها ومتأكد أن دي شريكة الحياه المناسبه ليك
فاتح أهلك في الموضوع وروح أخطبها
وممكن تقعد معاك وتستناك لحد ما تجهز نفسك
بس تحبها وتكلمها كده من غير تحرك إيجابي يبقى حرام عليك خليها تشوف مستقبلها وحالها
وإنت ربنا يكرمك باللي من نصيبك
وخصوصا أن في فتره كبيره بتكلمها يعني عرفت أخلاقها وطبعها
فخد قرارك دلوقتي
وبلغها بيه لأنها حتكون سبيلك وعونك على تنفيذه
مع أطيب أمنياتي

Ahmed Mohamed said...

استاذ احمد منورني

شوفتي بقي حضرتك الدخله بقت خارجه
ههه

وبالنسبه للجد انا لو كنت اقدر اتجوزها كنت متاخرتش يوم واوفر علي نفسي وجع قلب
بس كله قسمه ونصيب

حـــلـــم كـــان said...

مش عارفه اعلق

بس ده مش سبب يخليك تسبها