أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-12-28

بتقول مصري........يبقي أنت الي قتلت بابايا

تحديث
سعات بحط نفسي في أماكن بجد اقل ما توصفه به أنها غبيه
انا زعلان علي نفسي قوي
حقيقي انا ضعيف ادام الي بيشتمني من وري كيبورد معفن زيه
وبمناسبة فلسطين في ناس فاكره نفسها هيه الوحيده الي بتدافع عنها
وميعرفوش ان لو قامت حرب انا والي زيي والي في سني
هما الي هيكونو علي الجبهه هما الي هيدافعو ويستشهدو
مش علي كيبورد معفن زيهم
عشان اقدر انام لازم اقول اتفوو بجد عليهم
وعلي غبائهم وعلي احتكار الوطنيه
وعلي احتكار الفكر
مش هنسلم راسنا ليهم
الخيار الأستراتيجي خلص أجبلك قرع استراتيجي
فلتسقط مصر ولتحي لبنان وسوريا والسعوديه وقطر والامرات والبحرين والعراق والجزائر وباقي ال22دوله عربيه
اصل أحنا الي غلطانين احنا الي عرفنا العرب يعني ايه كلمة عروبه الله يرحمك يا ناصر كان لازم يعني تعلمهم ازاي العرب يبقو عرب
الكلمات دي لكل حكام العرب انا لا اقول ان مصر غير مسؤله أنما كل الانظمه العربيه مسؤله عما حدث ويحدث وسيحدث
أنتهي زمن البطوله
راحو منا كل الرجال
يجي من خوفنا الخطوره
ع النسا وع العيال
ليه بنعشق صمت صوتنا
ليه نخاف من كسر عودنا
دا احنا لوايدينا واحده
نجتمع نهد الجبال
ليه تهون روحنا علينا
والدموع تبقي في عنينا
قومو يلا انقذوهم
ارفعو راسكم من الرمال
ولا أنتهي زمن الرجوله
وأنتهي زمن الرجال

10 comments:

أبو مسلم السفاح said...

جميل يا أحمد

سندريلا said...

البوست كتير حلو ياريت تقبل مرورى عندك تحياتى ليك
حياه بلا عنوان

حياه بلا عنوان said...

التوبيك جميل واكيد اى انسان لازم يفتخر انو مصرى ويتكلم عن مصر والبوست كتير حلو وياريت تقبل مرورى عندك الاول
تحياتى حياه بلا عنوان

حـــلـــم كـــان said...

انا معاك يااحمد ان لو حد طلب من اى مصرى انه يحارب اكيد هيروح وهيكون نفسه يخلص على اسرائيل ويمحها من الوجود لكن برضه فى مصر ناس فاسده وللاسف الناس دى هى اللى بتتحكم فى بلدنا احنا المفروض نكون كاعرب احسن من كده لازام نكون كمسلمين احسن من كده نكون ايد واحده

Ahmed Mohamed said...

مسلم
انت اجمل

Ahmed Mohamed said...

سندريلا

نورتيني

Ahmed Mohamed said...

حياه بلا عنوان

اي كائن حي لازم يفتخر انه مصر
نورتيني

Ahmed Mohamed said...

طالبه مقهوره
محدش يقول للمصري اعمل ايه ولا متعملش
ايه
هما يعملو واحنا وراهم
احنا ماعهم بعدهم مش قبلهم
يحربو واحنا هنروحلهم
مش هنكون في وش المدفع
نورتيني يا مي

حـــلـــم كـــان said...

انت فهمت قصدى غلط يااحمد انا قصدى ان الحماس اللى عند المصرين اكبر من اى بلد تانيه وان المصرى عمره مكان جبان عشان يهرب او يخون وان الحاله اللى احنا فيها الوقتى دى اسرائيل عايزها عايزه تولعها بين العرب وتخليهم يكرهوا بعض ويتفرقوا

Ahmed Mohamed said...

كلامك مظبوط والله يا مي وانا متفهم رئيك
بس ساعة زعل علي مصريتنا وسمعتنا مش معقول يعني يتهمونا بالخيانه واحنا اسياد العرب ونجي نقول تحي فلسطين
تحياتي ياقمر