أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2009-02-03

الي تحب مابتكدبش

دورت كتير في ماضيه
ولاقيت أسوه وحنيه
علي واحده عزيزه عليه
والتانيه ماتستهلش
*
كدبت خوفها عليا
ومسكت النار بأديه
ورحت لحضن التانيه
وأحساسي مبيكدبش
*
أحساسي بيها خاني
أحساس بالغدر ألمني
وحاجات كتيره تانيه
وجروح متتوصفش
*
يارتني فضلت معاها
وفهمت معني هواها
كانت هتحطني في عنيها
دا الي تحب ما بتكدبش

11 comments:

mohamed ghalia said...

الله عليك يا عمى أحمد لما تتنفس
حلوه قوى بجد الكلمات
ربنا يسعدك دايما يا حبيب قلبى
دمت بكل الود

عمرو جويلى said...

السلام عليكم
عزيزىأحمد قصيدة رومانسية متميزة فى أسلوبها رقيقة فى كلماتها
فبارك الله فيك
ويسعدنى التواصل معك

mahasen saber said...

الي تحب مبتكدبش
عشان تعرف يا سى علام ان الستات ملايكه

بجد حلوه قوى قوى
بس بدايتها قسوه وجراح افتكرتك هتختمها غلط فى حق الستات بس حلوه بجد يا علام باشا

Kiara said...

جميله اوي يااحمد

وفعلا الي تحب مبتكدبش

Ahmed Mohamed said...

mohamed ghalia
ربنا يخليك يا أستاذ محمد
دمت بكل السعاده والخير

Ahmed Mohamed said...

اللؤلؤة
وعلليكم السلام
العزيزة اللؤلؤه
جزاكي الله خيرا
وشرفني وجود حضرتك بالمدونه

Ahmed Mohamed said...

mahasen saber
ست الكل محاسن
بصي حضرتك انا ممكن اؤمن بأن كل الستات ملائكه بس شرط ...يكونو زي حضرتك
نورتيني وانتي عارفه كده

Ahmed Mohamed said...

كيــــــــــــارا
ربنا يخليكي
اسعدني وجودك بالمدونه

عمرو جويلى said...

السلام عليكم
عزيزى أحمد:
شكرا على زيارتك لمدونتى
و تعليقك الجميل فيها
أما عن القصيدة التى كتبتها فهى راائعة
ورومانسية جدا
تحياتى
و يسعدنى التواصل معك

mahasen saber said...

قافل التعليق على بوست الوفاه ليه

ربنا يرحمنا جميعا برحمته الواسعه ويغفرلنا


الموت ده الشئ اليى مهما طال عمرنا او قصر هنشوفه هنشوفه
ربنا يحسن ختامنا يا علام

Ahmed Mohamed said...

آمين يا ست الكل