أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2009-02-23

سامع صوتك جوه مني

منذ زمن

سامع صوتك جوه مني

بيقول حبيبي تعال عندي

وفي عنيك خليني اشوفني

واحس بيك وانا بين ايديك وانت في حضني


خوفي عليك خلاني ما اعرف ايه الي بيه

غير اني عايز احضنك ما بين اديه

واداري عليك من اي نظره غير عنيه

من حبي ليك انا ليل نهار بفضل اغني

واقول بأسمك احلي كلمه يقولها قلبي

انت حبيبي ااه حبيبي واااااااااه ياقلبي

اه من الشوق الي ماليني

بعادك عني مبكيني .ارجعلي حلي سنيني

واشوف في عنيك دوايا

بعلو صوتي اسمعني

انا ليه مين قلي يعني

يكون عشقي وهوايا


8 comments:

mohamed ghalia said...

الله عليك
تصفيق حاد
إيه ياعم الكلام الجامد ده
دا انت حبيبى
احساسك عالى قوى يا أحمد
دمت بكل الود أخى

Ahmed Mohamed said...

وش احمر
_____
ربنا يخليك يا استاذ محمد
يا رافع من معنوياتي
وجودك بيديني السعاده
يا زعيم السعاده
دمت في رعاية الله

د.مادو said...

لا بجد فنان يا أحمد باشا
الله يحميك لشبابك يا أحمد

Ahmed Mohamed said...

د.مادو ربنا يكرمك يارب
بقولك
عايز اشوفك ع الميل
سلام يا جميل

mahasen saber said...

علام الرومانسى يكتب اليكم من مدونته الشماء ومتسألنيش ايه الشماء هيا كلمه حلوه قوى عامتا

ويعبر عن مشاعره الجياشه وطبعا عارف يعنى ايه جياشه
ازيك يا علام

وحشتنى كتاباتك ووحشنى التسكع فى بوستات مدونتك يا علام افندى وباشا كمان

Ahmed Mohamed said...

يا ست الكل
اي بوست بكتبه
ميبقاش حلو
من غير امضاء
محاسن هانم
ملكة جمهورية الشرقيه للدخان
وبعيدا عن شيماءاو ياسمين
نورتيني جدا

mahasen saber said...

ههههههههههههههه مين شيماء وياسمين دول

وبعدين امحى من عنى اللقب ده لانى كل ما بقراه بحس انى بكح وصحتى فى النازل

بس سكر يا علام باشا وافندى كمان

تاخدش انتا اللقب ده وعاه هديه شهادة تامين صحى

Ahmed Mohamed said...

خلاص نخليها
ملكة جمهورية الشرقيه للمعسل

او ملكة جمهورية من سد البحر بالتبن وعزمو القطر علي الغدي
عهههههههههههه
اوعي تزعلي مني يا ست الكل انت عارفه ان ليكي معزه خاصه والله
ربنا يبارك فيكي