أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2009-07-18

حرام عليكي يا حكومه


ازاي نبقي في سنة 02009الناس بتركب وسائل نقل متهالكه لا تصلح حتي لنقل
الانعام ازاي نرضي بكده واحنا من حقنا اكثر من كده احنا مش مواطنين درجه تالته
ولا حتي في حد احسن منا علي الاقل مصدر رزقنا معروف وعلي عينك يا تاجر
وبعرق الجبين والله بنتعب اوي وفي الاخر كبيرك 300 جنيه مرتب شهري
من الاخر ومحدش يحاول يقنعني
اي شغله شريفه دلوقتي مش هتخليك تروح مارينا
وعلي رأي احمد حلمي في فيلم صايع بحر
الي بيسرق بيروح فين ؟
اختار
مارينا _السجن _النار
سؤال صعب مش كده
وصلة بينا الدرجه ااننا نوافق نركب قطار لا يوجد به شباك ولا باب
او اتوبيس نقل عام صوت الموتور فيه اعلي من صوت الكراكات
دا غير سخونة الجو وسخونة الاتوبيس الي جايه من المحركات
*
في القطارات درجه تالته
لايوجد باب فانت معرض للترنح والوقوع خارج القطار اثناء سيره اذا اردت التحرك هنا او هناك
لا يوجد شباك فأنت معرض للقذف بالحجاره
اثناء سير القطار اذ بمجموعة من المراهقين والمرهقين فكريا وعقليا يلقون بالحجاره ناحية القطار المعدوم باب او شباك
رأيت هذا بعيني والاكثر من ذالك ان كمسري القطار حكي لي عن هذا الموقف سابقا
لا شرطه في هذا القطار لتمنع المتشردين والمشردين والمجرمين والمجاااااانين من ركوب القطار
فوالله رأيت احد المجاذيب يحاول التخلص من ملابسه امام ركاب القطار لولا تدخلنا لمنعه
في وسائل النقل الحكوميه
الاتوبيسات متهالكه وازاي نوافق علي اننا نركب اتوبيس الواقفين بداخله اكثر من الجالسين باضعاف مضاعفه
وان اردت النزول فعليك الاعداد والاستعداد قبلها بمحتطين وعليك مراعاة مذاج سائق الاتوبيس
يعني مثلا الاتوبيس بتاع العتبه القناطر الخيريه الاجره بنص جنيه بس هتروح تاخد علاج
صداع والزغلله والارهاق الجسدي والمعنوي والحاله النفسيه الي هيوصلك اليها بطئ هذا الاتوبيس
مش حرام عليكي يا حكومه تبهدلينا كده ارحمي اهلنا بقي وولعي في جميع وسائل النقل الخاصه بكي
ممكن نخلي جميع الموصلات خاصه بس اجره محدده
ممكن يكون الموضوع معروف وقديم ومش اول حد اتكلم فيه
بس حقيقي لو عايز تحس بمعاناة اي حد خوض تجربته
يعني وزير النقل والموصلات يجي يركب موصلات عامه زينا كده وهيحس بينا
يعني الميه الي في الحنفيات
يعني الاكل من غيرتسمم
يعني تلاقي شقه وشغل وتتجوز وانت عندك 23 سنه
يعني تتخرج تشتغل بشهادتك
يعني يعني يعني يعني يعني

6 comments:

mohamed ghalia said...

يابلدنا وامتى حالك راح يتصلح
خير إن شاء الله
نورت البلوجر من تانى ياصاحبى

الازهرى said...

الموضوع اصبح كبير فعلا
لان الصعوبة بقت فى ان الموضوع اصبح متشعب ما بين اخطاء الشعب والحكومة وخلافه كتيييييييييييييييير

العصفورة said...

السلام عليكم
اللى بيسرق يروح النار والسجن
خالص تقديرى

AhmeD 3llaM said...

محمد غاليه
نورك يا حبيب قلبي

الازهر
معاك حق يا صديقي الموضوع متشعب ما بين اخطاء
الحكومه واخطاء النظام
الشعب ما هوه الا مفعول به

العصفوره
الحرامي الكبير بيروح مارينا لما بيسرق
والحرامي الصغير بيدخل السجن لما بيسرق
والاتنين بيروحو النار


نورتم جميعا

maro said...

والله الراجل ده بيقول كلام زى الفل

moro said...
This comment has been removed by a blog administrator.