أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2009-09-02

لا تفكر ولا تحتار

الناس بتقول ان نفسها تروح مكان زي ده عشان تفكر فيه وانا العكس عايز اروح بجد هنا ومش افكر طب والله مش هفكر في ان المكان جميل هفكر ازاي مفكرش اني لو نزلت هبلبط في الميه الذيذه دي

جميل انك مش تلاقي حاجه تكتبها بس هوه مش جميل اوي يعني اصل دا ممكن يكون سبب افلاس فكري وتكون مصيبه انك بطلت تفكر والتفكير ده هيوصلك لايه للصح ولا للغلط ولا هوه لمجرد التفكير, انك توصل لمرحله مفيش حاجه تفرق معاك مرحله صعبه اوي بمعني ان مفيش حاجه ليها قيمه بالنسبه لك عشان تجتهد وتفكر فيها وايه الي هتفكر فيه اصلا حياتك مستقبلك افعالك واعمالك طريقة معاملتك للناس ومعملتهم ليك طريقة تفكيرك حتي هل هي محتاجه لتفكير انك تفكر بأسلوب تاني ,انا طول عمري بفكر بأسلوب واحد هوه ايه مش عارفه ما هوه انا لو عرفته هغيرو أكيد عشان انا مش راضي عن نفسي في الوقت الحالي ,ومدام انا مش راضي عن نفسي في الوقت الحالي اكيد الوقت الي مش حالي كنت راضي عن حااالي_حلوه الجمله_طيب ارجع بقي لطريقة تفكيري في الوقت الي هوه مش حالي وافكني من طريقة تفكيري في الوقت الحالي بس انا مش فاكر التفكير الي مش حالي ولا عارف اسم الحالي بس هوه تاعب حالي _وانا هغلب حالي ليه _مش هفكر بس مدام قررت اني مش هفكر يبقي لازم ارضي عن حياتي وانا بطلت تفكير ,المهم الاول هوه ايه الي اقصده بمعني التفكير بالنسبه ليه ع الاقل اني اسيب كل حاجه لوقتها هوه دا صح ولا غلط؟

هوه ليه انا حابب اكون حاجه وبعمل العكس اول مثل ممكن اضربه ليه انا عايز ربنا يحبني وبعصاه حد يقولي ان كل بني ادم خطاء وخير الخطائين التوابون,جميل جدا جدا معني كده ان الخطئ مولدين بيه طب والي حب الخطئ هنا وزين له الشيطان اعماله _والله انا نفسي اشوف الشيطان اوي وافهمه ان الي بيعمله معايا دا غلط هوه مش هيستفيد بحاجه هوه بس هيخليني اروح في داهيه وهوه معايا طيب ليه هوه مدام عارف اكتر مني ومن الناس ومن البشر كلهم مدام هوه عنده يقين ان الي بيعملو دا غلط ليه مش بيتوب ولا ربنا نزع من جواه معني التوبه والكبرياء الي ربنا بردو خلقه فيه مسيطر عليه _انا مالي هوه حر بس يحل عني شويه بقي كفايه الله يخربيته ارجع واقول ان لو الانسان الي هوه كدا كدا مخطئ حب الخطئ الي وقع فيه واستمر عليه يعمل ايه يبقي المطلوب منه يحب حاجه احسن منه مهما كان شايف انها متعه

بس خلاص ابقي اكمل لما احس اني مش لاقي كلام اكتبه

15 comments:

Anonymous said...

خد ريست واستجم
وبعد اما ترتاح
فكر من الاول
ماينفعش تفكر وانت تعبان
عشان توصل لحل لازم مش ترهق نفسك وتستجم

mahasen saber said...

مهما فضل الانسان يخطأ ويعصى المولى عز وجل بيرجع لنقطة التوبه وده فى الغالب
ده حتى لو روحه بتطلهع هيبقا تواق برضه للتوبه

....
ااقلك ايه بئا ولاا ايه ااقلك انك ليك وحشه جامده جدا جدا جدا وكنت قلقانه عليك وكان نفسى اتطمن عليك وجربت ميلك اليى كان موجود فى المدونه ومبعتش معايا ولاا نص ميل حتى

حمدالله على سلامتك ونورت التدوين تانى وتالت ومليون
وابقا طمنى عليك انا فى مقام اختك الكبيره ده لو مكنتش فى سن مامتك يعنى
ولاا ايه يا علام افندى

الازهرى said...

الله الله الله
هو فى ايه يا جدعان

مال يا ابنى
انت ازهرى برضه وعارف ان الخيئه موجوده ولحد يوم الدين

ولو لم نعص ونتب لاتى الله باقوام غيرنا يخطئون فيتوبون فيتوب عليهم

انت نسيت والا ايه
وكمان ابليس اخد العهد على نفسه بالغوايه
يعنى هو مضطر يبقى كده وليوم الدين

المهم اننا كل ما نعمل ذنب أو خطيئه نرجع تانى ونتوب

Ahmed Mohamed said...

بنوته مصريه
كلامك مظبوط
وعموما داالي بفكر فيه
منوره يا اجدع بنوته

Ahmed Mohamed said...

mahasen saber

محاسن هانم دا ايه النور ده
طب تصدقي بالله انا كنت عندك في المدونه امبارح بس لاقيتك شايله التعليقات وراجعه بعد رمضان قلت استني بقي اعمل
الله يسلمك يا ست الكل واكيد زي اختي الجميله
علام بك لو سمحت هاااا

والله في ناس وهي بتطلع في الروح
بدل ما تنطق الشهاده تنطق حاجه تانيه الفلوس العيال الشركه
ربنا يرزقنا حسن الخاتمه

Ahmed Mohamed said...

الازهري
يا حبيب قلبي انا فاهم دا كله

وبالنسبه للتوبه دا يحببك في التوبه ويعرفك مدي اهميتها عند ربنا

بس انا مستغرب اصلا من ابليس
هوه فيه حد عاقل ياخد عهد علي نفسه
انه يدخل النار مع الذين اغواهم
وبعدين دا كان المفروض يكون اكثر المخلوقات ايمانا

المهم ان كلامك مظبوط يا صاحبي

عمرو جويلى said...

السلام عليكم
موضوع رائع
وجهد مشكور
جعله الله فى ميزان حسناتك
خالص تقديرى

mahasen saber said...

يا ربى انتا اخ عزيز عليا جدا وربنا عالم ليك غلاوه خاصه عندى ازاى

ابقا طمنى عليك وعلى اخبارك اتفقنا

------ said...

السلام عليكم

كل سنة وانت طيب

سعيدة جدا بزيارتى

الموضوع جميل جدا

واتمنى انك تنورنى فى مدونتى المتواضعة

تحياتى لك

Ahmed Mohamed said...

اللؤلؤة

جزاك الله خيرا
بارك الله فيك
شرفت بزيارتك المدونه


****
mahasen saber

دعاء بحب اقوله للناس القريبين من قلبي وزي اخواتي
ربنا يخليكي زي ما تحبي
يا ست الكل محاسن هانم

*****
دموع القمر
وعليكم السلام
نورتيني حضرتك
كل عام وانتم بخير

mahasen saber said...

عيد سعيد عليك يا احمد وعلى كل من تحب

يا رب كل ايامك مباركه وسعيده يا اخويا الصغير

الازهرى said...

كل سنة وانت طيب وبالف خير

كل سنة وانت اجمل والى الله اقرب

عيد سعيد على كل المسلمين يارب

Ahmed Mohamed said...

mahasen saber * الازهرى

عيد سعيد علينا وعليكم يا احلي اصدقاء واخوات في الدنيا
ربنا يكمل عليكم العيد بالفرح والسرور
ويثبت ايمانكم يارب العالمين

حياه بلا عنوان said...

السلام عليكم ورحمه الله وبركاته
البوست عنوان جميل لاتفكر ولا تحتار
سعات الانسان تفكيرو بيقف عن مواقف معينه فعلا مبنعرفش نفكر كويس بس فى الاخر لازم نفكر ونوصل للتفكير اللى هيكون صح ويوصلنا للصح
البوست جميل
ياريت تقبل مرورى
تحياتى

Ahmed Mohamed said...

حياه بلا عنوان
اسعدني مرورك الكريم
تحياتي