اليس لي ملك مصر وهذه الانهار تجري من تحتي
قرار رئيس الجمهوري
الغاء الدعم المباشر والغير مباشر لجميع السلع الاساسيه
وذلك منعا للقيل والقال وتحري الشفافيه ولان الدعم لا يصل لمستحقيه فسوف نغليه من اصله
قرار رئيس الجمهوريه
الغاء الصحافه بجميع اشكالها وانواعها ولانها غير محترمه وبتتكلم عن صحتي والمصايب الي انا بعملها في ام البلد دي وكمان بتتكلم عن رجال الاعمال وعن الحرميه وتفضحهم فكان لازم اقطع عرق واسيح دم
والغي الصحافه من اصله هيه الناس لاقيه تاكل لما هتشتري كل يوم جورنال بجنيه والعدد الاسبوعي بيوصل لاتنين جنيه
قرار رئيس الجمهوريه
القبض علي اي حد صاحب فكر او رأي او اختراع
واي حد هيتمسك بيفكر هيكون مصيره اما الحبس تسعمية سنه
او نفيه الي جزيرةابو زعبل او جزيرة لومان طره
قرار رئيس الجمهوريه
اي قطر يولع اي سفينه تغرق او طياره تقع اي مصيبه سوده تحصل
ملناش دعوه محدش قالكم ارمو نفسكم في التهلك
(ولا تلقوا بأنفسكم الى التهلكة)
صدق الله العظيم
قرار رئيس الجمهوريه
وطبعا انتو شوفتو انا اد ايه مؤمن وحافظ كتاب ربنا في القرار الي فات
ربنا يبارك فيك يا ريس
عظمه علي عظمه يا ريس
فداك ابي وامي يا ريس
وحياة دي النعمه بنحبك يا ريس
تصفيفق حااااااااار من كتر الشطه
قرار رئيس الجمهوريه
منع الشطه في الاسواق عشان محدش يصفق تاني اصل انتو جبتولي صداع الله يخبريتكم
قرار رئيس الجمهوريه
يصرح لاي بنت ماشيه في الشارع بحمل المطوه سواء كانت قرن غزال او مطوه بسوسته عشان احتمال متعرفش تستعمل القرن غزال وتغز بيها اي حد يعاكسها ومتخافوش يا بنات القانون في صفكن
قرار رئيس الجمهوريه
تعميم لبس النقاب الافغاني لكل الرجال عشان لو في حد حب يعاكس ولا يتحرش يلاقي نفسه بيتحرش في راجل
ويبقي نهار ابوه اسود
دي كانت اولي قراراتي لما همسك الرئاسه بس فس سنه 2029
واعملو حسابكم لا اتزحزح عن موقفي
ولن اقياض علي ولدي
ويانا يا انتم في البلد دي
9 comments:
ههههههههههههه
معاك يا ريس تصفير فى ودنك للصبح
هوه اناهاغلب يعني
قرار رئيس جمهوريه
أمر شيخ الازهر بأصدار فتوي بأن
التصفير رجزا من عمل الشيطان
هههههههه
معاك ياريس
بنحبك ياريس
قول الى تقوله برده بنحبك
تقبل تحياتى
اسلوب رائع
دمت بود
قرار رئيس جمهوريه
تكريم الاستاذ محمد واعطائه جائزة احسن رشوه في مصر
ههههههه
بهزر يا استاذ محمد نورتني بجد والله يخليك
دمت بسعاده
فداك عيل من عيالي ياريس
فداك حماتي والمدام
دة نت رئيس والنعمة كويس
قلبك مليان طيبة وحنان
......................
دي تحية متواضعة مني ليك يا ريس
على فكرة انا عايز الإعلام والثقافة والسينما والمسرح والتلفزيون
هههههههههههههههه
تحياتي لك ودمت بخير
مصطفي ريان
لالا دا كله مش من مقامك
انا قررت اخليك نائب الرئيس
عشان يا حلو تقعد جمبي وانا بنطخ بالنار
ههههههههه
........
علي فكره انا عديت مره علي مدونة حضرتك من زمان وعجبتني جدا
نورتني واسعدني مرورك الكريم
طب قولى هتمسك رئيس جمهوريه امتى عشان الحق ااقدم على طلب هجره
........
طب امسك فيا ااقعد فى البلدى طيب اخس عليك يا احمد اخس ..قال يلغى الدعم هيا ناقصه
.......
ههههههه
محاسن هانم لو حضرتك مشيتي من البلد دي انا هولع فيها قبل مااسافر
ابقي خربتها وقعدت علي تلها
منوراني دايما
Post a Comment