أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2008-11-07

كرامه اخت الواد سمعه

Image Hosting by Picoodle.com
كرامه انتي فين يا كرامه يابنتي دوختيني عليكي
زي ما اتكلمت في البوست الي قبل الي فات عن سمعة مصر وانها بالصلي ع النبي (اللهم صلي وسلم عليه)عامله زي فتاة الليل المحجبه وانهم عايزينا من بره هاله هالله ومن جوه يعلم الله
واتاري ان من بره يعلم الله زي ما جوه يعلم الله بردو يادي السكوف دا احنا مرقعين قوي
والله انا ظلمت فتاة الليل المحجبه دي
احنا بقينا شبه
فتاة الليل الي عامله لنفسها بطاقه مكتوب فيها
اعمال حره *** ***ره
هتكلم عن الكرامه الي هيه اخت سمعة (مش اسماعيل ياسن)
فين بقي السمعه اذا كان معندناش كرامه
معروف ان المصريين بيروحو يشتغلو في دول الخليج والشغل مش عيب
ومش عيب اننا نشتغل عند ناس حفاة عراة كانو يرعون الغنم ويقولو هش هش هش يا نجعه
والمشكله بردو مش انهم تطاولو في البنيان المشكله الحقيقيه انهم تطاولو علينا
ادي يا سيدي لينك تحميل اغنيه لفريق وكر العصفور ابن الجزمه وهوه بيتكلم عن مصر
http://www.4shared.com/get/36919153/3e7e4896/____.html;jsessionid=A057465CAFB6B4F9B9A69A8E90FFB33E.dc49
((الاغنيه فيها مفردات بذيئه لو كنت محافظ متحملهاش))
دا غير انهم في جميع التشات بيلعون مصر والي جابو مصر والي في مصر والي ماسك ال ..في مصر !
في برنامج تسعين دقيقه واحد مصري بيتكلم عن السعوديه وبيقول
بيعذبونا وبيضربونا وبيعاملونا كأننا حيوانات
وبيشتمو الريس والله بيشتمو الرئيس حسني مبارك
طبعا الراجل لما شاف ان كرامته مش مهمه قال لما نشوف كرامة الرئيس
يمكن يتنحررو واخيرا وليس اخرا الي بيحصل لدكتور مصري وحكاية الجلد دي
الي عمري ما سمعت عنها ولا حتي في طبق اليوم
يا سعوديين يا ولاد العبيطه في حد بيوصل ل1500 جلده
احنا هنصيع ولا ايه مين المفتي ولا مين الشيخ ولا مين القاضي
الفكيك ده الي قال كده
وبعدين لو واحد نط وقال يمكن مجموع التهم الي عليه بتساوي الف وخمسائة جلده
يعني هما بيطبو الشريعه ومغلطوش !
هاقولك مثلا لو كانت مجموع التهم الي عليه كا اقصحي عقوبه وهيه ال100 جلده
بالتالي يبقي علي15تهمه في ال100 جلده بتساوي 1500
مين العاقل الي يصدق ان الدكتور ده عمل 15تهمه وايه كمان
كل تهمه عقوبتها بجانب الحبس 100جلده
الي بيحصل للدكتور المصري اهانه لكل المصريين ولمصر
ولكرامة المصريين وكرمة اسم النبي حارسها مصر
ده تعذيب مش عقوبه
وفي فرق بين التعذيب والعقوبه وعقوبة التعذيب
معروف ان القران اتكلم عن عقوبة التعذيب والحد كان مش اكثر من 100جلده
وانت نااااااااااااازل
طيب فين بقي المسؤل عن كرامة المصري في الخارج الي هوه مش متصانه كرامته في الداخل
طيب فين اساسا المسؤؤؤوم عن كرامة المصري في الداخل الي هيه مش متصانه في الخارج
يعني لا جوه متصانين وكمان بره متهانين وتيجي تقولي كرامة المصريين وتيجي تقولي سمعة مصر
اقولك علي كلمه بس مش بتتكتب هيه تعتبر صوت وبيجي وراه لفظ اعتراض شهير
بص ياعم وانا بتفرج علي التلفزيون المصري في حوار مع مواطن امريكي المذيعه بتسأله بكل برائه
س1:تعرف ايه عن مصر؟
ج1:مصر...! بيجو امريكا بيشتغلو عندنا
المذيعه ارتبكت وقالت يعني عن الحضاره والتاريخ والجغرافيا تعرف ايه يابن العبيطه بدل ما تفضحنا كده ادام الناس
مصر بلد عظيمه كلها حضاره
فين بقي السمعه فين بقي الكرامه يعني لاز نتكلم عن اجدادنا عشان نبقي احسن ناس
ولما نتكلم عن احوالنا دلوقتي بنبقي اوطي ناس
وليه ولاد الذين امنو ولم يعملو الصالحات موفروش لينا شغل في بلدنا بدل ما نروح للغريب او حتي القريب بتا هش هش يا نجعه
تعال ياعم لما تسافر وتروح اي مكان اول حاجه لازم تعملها تغير اسمك لو كنت محمد خليك مايكل لو كنت عربي خليك تيواني
بدل ما تتبهدل في المطار ويطلع عين اهلك ولو معاك شوية ملوخيه يفتكروها جمره خبيثه او مفتجرات بس انت عاملها علي شكل ملوخيه
ولا تروح ولا تيجي خليك في بلدك واسمع عشان تدخل اماكن ساحيليه او سياحيه او لازم يكون معاك تصريح
والغريب يدخل ويتمخطر كمان
مطلوب مننا نعرف بلدنا بس منعرفهاش قبل الغريب لازم الغريب يدوس كل شبر فيها الاول وبعد كده تبقي تشرف وتدفع او تطلع تصرح
فين بقي الكرامه الي هيه هتخلي عندنا سمعه
واد يا سمعه فين اختك كرامه
واحد ضحك علها واخدها في الدره يا اما

8 comments:

mahasen saber said...

اليى وصلهم للحكم الجاحد ده والحكم الحيوانى ده وال 1500 جلده على مسلمين زيهم لا حول لهم ولا قوه
هو احنا يا احمد الفلبين خدامه فلبينيه اتهانت اصدرت خارجية الفلبين قرار بعدم دخول اى سعودى لاراضيها لحد ما تسترد كرامة الخدامه الفلبينيه
احنا بلد السبع تلاف يوم معرفناش نعملها فالحين بس نعملها على روحنا
ربنا يسترها على الدكتور المصرى ده ويخفف كربه اللهم امين
ده لو اتحبس فى دوله اوربيه كلن ارحم

mohamed ghalia said...

فعلا راحت فين السمعه والكرامة
بس الموضوع ليه جذور تاريخية لما إبراهيم ابن محمد على احتل السعودية وبعدين جه أل سعود بعد ما أخذوها من الشريف حسين
عشان كده هما بيكرهونا من ايام محمد على
بس صدقنى فى سعوديين وعرب كويسين
تحياتى

Empress appy said...

ولا عمرى سمعت عن ان فى الشريعه 1500 جلده
والعيب على الحكومه اللى مش بتدخل
والاغانى دى قذاره وحقد بس
والله فيهم ناس محترمه بجد عرب مش كلهم زباله زى النفسيات المعقده دى اللى حسه انهم اقل منا وعارفين

Ahmed Mohamed said...

mahasen saber

عارفه انا ضد عقوبة الجلد من اساسه وعقوبة الشنق كمان
الجلد بيكون في حجات معينه
شرب خمر ,زني ,وكده
والشنق شئ غير ادمي علي الاطلاق
وفي مليون طريق غير الشنق
والجلد ميكونش بالافتراي ده
حقيقي ارض طاهره وشعب نجس

Ahmed Mohamed said...

mohamed ghalia

حضرتك ضيف علي كده كرههم الشديد لجمال عبد الناصر الي خافو من محاولاته الثوريه لقلب نظم الحكم الملكيه وجعلها جمهوريات

بس مأظنش عشان ابراهم بن محمد علي يكرهونا
طب أحنا بقي نكره الانجليز الي اقعدو عندنا اكتر من 70 سنه تقريبا
واحنا لا نكن اي عداوه او اي كراهيه للانجليز اطلاقا

Ahmed Mohamed said...

~*§¦§ Appy §¦§*~

الحكومه لا هتدخل ولا بتدخل في اي حاجه لا جوه ولا بره
انتهاك حقوق الانسان في بلده
زي انتهاك حقوق وادمية الانسان بره بلده
كلها محصله بعضها
دا غير ان الحكومه ذات نفسها بتعمل علي تسهيلات كتيره اوي لاي سايح سواء عربي او اجنبي
عشان يبرطع في البلد علي حساب صاحب البلد

حـــلـــم كـــان said...

استعوض ربنا فى الكرامه اخت سمعه
بس الشباب لتموت من الجوع فى بلده وتتجوز وهى عندهل 50 سنه وتقضى حياتها ب 400 جنيه اللى بتخدهم من وظيفه الحكومه ده لو لقت وظيفه حكومه من اصله لتسافر عشان تعيش وهتتهان هنعمل ايه يعنى عايزه حل ؟ وفى الاخر اختم كلامى بمتقولش ايه اديتنا مصر قول هاندى ايه لمصر

Ahmed Mohamed said...

طالبه مقهوره

والله انا كنت ناوي اسافر
بس قلت بدل ما اضرب من الغريب اضرب في بلدي اشرف
بدل ما اتهان بره اتهان جوه اشرف
عليه العوض في حجات كتيره