أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2009-01-11

اسرائيل كلب مسلسل

ان مش عارف لحد دلوقتي ايه عمق العلاقه بين امريكا واسرائيل ممتده لحد فين
احتمال تكون ممدوده لغرف النوم ؟!او الي ابعد من ذلك
بجد ووالله العلي العظيم امريكا سر الشر في العالم
ويمكن اقل من اسرائيل عشان اسرائيل دي عاملة زي الكلب المسلسل
لو صاحبه فك السلسله بيعض وينهش في خلق الله
وامريكا طبعا بتساعد الكلب عشان يساعدها في رعي الغنم
يبقي العيب في صاحب الكلب
يبقي الي يتقاطع هوه صاحب الكلب
يبقي الي يتطرد سفيره هوه صاحب الكلب
وبعد كده هيبقي الكلب لوحده واحنا الي نمسك السلسه بتاعته
هيه محتاج لحظة جنون تكون مدروسه من القاده العرة العرب
ويجتمعو ويخرجو بأعلان الحرب علي الكلب وفي نفس التوقيت او اثناء الاعلان
تكون القوات الجويه عملت الي فيه النصيب
وبعد كده نبقي نتفاوض ويجري الي يجري اصل الي هيجري مش اكتر من الي جري
وكفايه زل بقي الله يخربيتكم
(1)
..............................علي الهامش ................................
poor english...I advice U not to use english ar fluent arabic as well
واحد سابلي الكومنت ده وانا بقوله ياغبي
المقصود لفت انظار العالم وتعريفهم الحقيقه
اللبيب بالاشارة يفهم
غور ياض
حاجه كده عشان ترفع الروح المعنويه بجد الي الافكار الانهزاميه ملت البني ادمين
أسطورة‎
احلف بحبات العرق
سايلة تغــنــى ع الجبينْ
أحلف بإنك دنيتى
واحلف بأيام الحنين
واحلف بإنك زرْعتى
واحلف بفاس الفلاحين
واحلف بدمعة فرحتى
لما بازورك يا حُسين
أحلف بترتيل الآدان
وصمود ولادك فى الميدان
إنك يا مصرى فى عبورك
كنت أسطورة زمان
بقلم
ابراهيم خليل ابراهيم

25 comments:

مسلم 100% said...

بص يا باشا وجود إسرائيل في المنطقة العربية ضرورة حيوية مش لأمريكا بل لسائر الدول الأوربية لأن إسرائيل بشتجع على تجارة السلاح بقوة في المنطقة
و من المنطلق دا تلاقي إن السياسين في أوروبا و أمريكا بيرفضوا السلام في المنطقة خوفا من مافيا الأسلحة
الحاجة الثانية وجود إسرائيل ضمان كبير ليهم لحماية مصادر الطاقة و عندك القواعد الأمريكية في الدول الخليجية أكبر دليل على كده

«۩AhMeD 3LLaM۩» said...

معلش بردو يا مسلم باشا
امريكا سر الشر في العالم
ومش معني كده انهالو زاحت في داهيه هنخلص من الهم ده
هيجي بردو قوة تانيه وتحمي اسرائيل
لان اسرائيل دائما بتشوف القوة الاكبر في العالم وترقد في حضنها
زمان كانت بريطانيا الصدر الحنين لاسرائيل
ولما راحت المملكه التي لا تغيب عنها الشمس وجت امبراطورية الشر في العالم امريكا
اسرائيل ظبطت نفهسا علي امريكا وبقي في لوبي يهودي ونفوذ ومصالح
المشكله كلها في الدراع اليمين بتاع القوة الكبيره
يانقطع الدراع
يا نقتل الجسم كله ونريح

الازهرى said...

المشكلة حاليا ليست فى وضع اسرائيل بالنسبة لامريكا والعكس

المشكلة فى ما هو وضعنا نحن وسط تلك المعمة من تحديد المواقف ؟

واسمح لى ان اذكر ثانية ضبط النفس حتى مع غير الحترمين وهناك تعليقين وصل بهم الامر الى سبى مباشرة ولكننى التزمت بالرد الحسن
وهناك موقف فى مدونة احترمها ربما يبين الموقف اكثر
http://sabahelgamal.blogspot.com/

تحياتى دوما

mahasen saber said...

علام علام علام
اسرائيل موجوده هنا لان اوربا والعالم الغربى قرف منهم واحتار يعمل فيهم ايه
ومش لقيوا غير العرب الطيبين اليى بيقبلوا يتضربوا ويتضربوا ويتضربوا ويبوسوا ايد اليى ضربهم ويقلهم كمان

علام علام
ازيك يا علم
واخبار الامتحان ايه

«۩AhMeD 3LLaM۩» said...

الازهري

تحديد المواقف مهم طبعا بس لما يكون في موقف من اساسه
ووضعنا معروف
ناس تصطاد وناس تاكل
ناس تقتل وتبقي بطوله
وناس تقاوم وتبقي ارهاب
وضعنا هوه العاااااااااار

نورت يا صديقي

«۩AhMeD 3LLaM۩» said...

محاااااسن هانم وست الكل عن جداره واستحقاق

لو حضرتك راجعتي البوست الي قبل ده كنتي هتلاقي نفس الكلام الي بتقوله بالظبط
وانا حدت امريكا بالخصوص
لنها هي الي بتقول فيتو فيتو فيتو
لمنع اي قرار يصدر ضد اسرائيل


اول يوم امتحان عدي الحمد لله
ويارب بقية الايام علي كده

نورتيني يا ست الكل

مسلم 100% said...

أحمد أنا لا أحب تضخيم دور اللوبي الصهيوني داخل الولايات المتحدة الأمريكية فهو ليس بتلك الضخامة التي هيأها لنا الإعلام ليبرووا خيبتهم التقيلة
الأزهري سأزور مدونتك قريبا

أحمد علم العلمانين الاوساخ عملين حملة ضد سيد عسكر علشان قال الإسلام قبل مصر و عايزين يسحبو منه الجنسية المصرية

«۩AhMeD 3LLaM۩» said...

يا مسلم باشا انا لا اضخم الامور
فحال اليهود في الهيمنه علي الاعلام هوه اكبر دليل علي وجود نفوذ قويه داخل كل صانعة قرار في امريكا
هذه الحقيقه

م/ الحسيني لزومي said...

حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولا

«۩AhMeD 3LLaM۩» said...

م/الحسيني لزومي

انا هاخد كلام حضرتك واعمله بوست
وانا منضم فعليا وقوليا للمقاطعه

مسلم 100% said...

انا مقاطع من زمان والحمد لله شكرا للحملة
أحمد علم
معدش ينفع دوقتي اننا نتكلم عن هيمنه أعلامية دلوقتي فيه أنترنت في مثقفين يهود بريطانين دلوقتي بيطالبوا بمقاطعة الدولة المارقة و في أمريكا نفس الحال
لكن الحكومة في حال و الشعب في حال تاني خالص

مسلم 100% said...

أحمد مش عارف أعلق في موضوع المقاطعة

«۩AhMeD 3LLaM۩» said...

مسلم باشا
احسن تعليق علي المقاطعه هوه انك تعملها بوست في المدونه بتاعتك وتحاول تنشر اسماء المؤكولات والمشروبات والشركات

البوست عامله من غير تعليق

مسلم 100% said...

و الله يا باشا عملنا إعلانات في الكلية و العميد خلى العمال يقطعوها

mahasen saber said...

علام افندى سلفان باشا
قافل التعليقات على بوست المقاطعه ليه

على العموم انا فاكره موضوع المقاطعه ده كنا بنعمله زمان

وانا عن نفسى حاليا رجعتلها تانى

.............
طب اول يوم امتحان عدى على خير
التانى بئه عدى ازاى

نيجار said...

بوست جميل يا أحمد
بس أنا شايفه إن إسرائيل هي اللي متحكمه في أمريكا مش العكس والدليل إن أي رئيس منتخب لأمريكا بيحاول من الانتخابات كسب ود إسرائيل ويبين ولائه ليها وراجع كلام أوباما في دعايته الإنتخابيه، وكمان اللوبي الصهيوني وتأثيره في أمريكا أنا من وجهة نظري المتواضعه اللي قد أكون مخطئه فيها إن رأس الأفعى وصاحب الكلب هو إسرائيل

تحياتي ليك

«۩AhMeD 3LLaM۩» said...

mahasen saber
محاسن هانم انا قافل التعليقات علي
البوست فعلا لان احسن تعليق عليها هوه
العمل بيه

الامتحان
التاني الي هوه كان امبارح عدي احسن من الاول والحمد لله
ربنا يخليكي علي سؤالك واهتماك ياست الكل

«۩AhMeD 3LLaM۩» said...

نيجار

سعادة وكيل النيابه
كلام حضرتك منطقي جدا في تقريبا كده في التقاء المصالح بينهم
لان اسرائيل فعلا متحكمه في كل صانعة قرار في امريكا وليهم نفوذ كبيره قوي وواضح جدا من التايد الاعمي ليهم من بوش
وفي نفس الوقت امريكا مشغله اسرائيل الدراع اليمين ليها في المنطقه وحاطه كلب حراسه في المكان يتجسس علي بقية جيرانه
يعني من الاخر
شيلني واشيلك

نورتيني جدا والله يا نيجار

رابطة هويتي اسلامية said...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

دعاء مواجهات said...

جزاكم الله خيرا على النقل


تحياتى ومودتى

سلام

«۩AhMeD 3LLaM۩» said...

دعاء مواجهات

جزاكي الله خيرا علي مرورك الكريم
نورتي حضرتك

mahasen saber said...

الامتحانات خلصت كده اعتقد
طمنى عملت ايه

ابليت بلائا حسنا ام علاما تنم الاخبار

اتمنى تكون اديت كويس يا علام

«۩AhMeD 3LLaM۩» said...

مدام محاسن الله يكرمك يارب علي اهتامك وسؤالك والحمد لله كل شئ تمام

Anonymous said...

topic65, [url=http://www.chop.edu/forum/user/profile/8207.page]buy klonopin without prescription[/url], :-) sxg, http://www.chop.edu/forum/user/profile/8207.page buy klonopin no prescription ;-(, [url=http://www.chop.edu/forum/user/profile/8208.page]cheap xanax 2mg[/url], :-) osu, http://www.chop.edu/forum/user/profile/8208.page buy xanax 2mg ;-(, [url=http://forum.cprs.ca/default.aspx?g=posts&m=6]order adipex[/url], :-) fkv, http://forum.cprs.ca/default.aspx?g=posts&m=6 order adipex :-(, [url=http://forum.cprs.ca/default.aspx?g=posts&m=7]cheap alprazolam[/url], :-( dde, http://forum.cprs.ca/default.aspx?g=posts&m=7 cheap alprazolam :-(, [url=http://forum.cprs.ca/default.aspx?g=posts&m=8]ambien without prescription[/url], :-) nea, http://forum.cprs.ca/default.aspx?g=posts&m=8 ambien no prescription :-(

Anonymous said...

أشكركم على نشر هذا ، كان من المفيد جدا ، وقال الكثير