أشهد ان لا أله الا الله واشهد ان محمد رسول الله, اللهم بعلمك الغيب وقدرتك على الخلق احيني ما علمت الحياة خيرا لي وتوفني ما علمت الوفاة خيرا لي اللهم اني اسالك خشيتك في الغيب والشهادة واسالك كلمة الحق في الرضا والغضب واسالك القصد في الغنى والفقر اللهم اسالك نعيما لا ينفذ واسالك قرة عين لا تنقطع واسالك الرضى بعد القضاء واسالك برد العيش بعد الموت اللهم اسالك لذة النظر الى وجهك الكريم والشوق الى لقائك في ضراء مضرة ولا فتنة مضلة اللهم زينا بزينة الايمان واجعلنا هداة مهتدين اللهم اني اسالك بأن لك الحمد لا الة الا انت المنان بديع السموات والارض يا ذا الجلال والاكرام يا حي يا قيوم اللهم البسني العافيه حتي تهنيني بالمعيشه واختم لي بالمغفره حتي لا تضرني الذنوب واكفني كل هول دون الجنه حتي تبلغنيها برحمتك يا ارحم الراحمي

2009-03-07

ان الله يحب


تخيل انك تحب احدا ما ودائما ما تستجيب له وتلبي ندائه وايضا تعلم ما يحبه وما لا يحبه
وتحاول بكل الطرق ان ترضيه وتفعل ما يحبه
هذا ان كان هذا الشخص انسان مثلك اخوك او ابوك او امك او اختك او حبيبتك او احد اصدقائك المقربين
فمابالك بالذي خلق لك كل هؤلاء اليس هوه احق بحبك
كلنا نحب الله ونرجو عفوه ورضاه ولاكن اذا قال لك الله اني احب كذا وقال انا لا احب كذا
فماذا تفعل
عند قراتي للقران الكريم استوقفتني تلك الايات التي بها ما يحبه الله وما لايحبه
وهناك ايضا ايات تدل معناها ان الله يحب تلك الافعال لاكني ركزت علي لفظ الحب
وادعو نفسي الي تقوي الله في السر والعلن

*
والله يحب الصابرين
: على المصائب والأقدار،قول الله عز وجل : " إنما يوفى الصابرون أجرهم بغير حساب
*
والله يحب المحسنين
والاحسان هوه مراقبة الله في السر والعلن في القول والفعل وله تعريفات كثيره وانواع متعدده ورسول الله صلي الله عليه وسلم قال المختصر المفيد بقوله : :"أن تعبد الله كأنك تراه فإن لم تكن تراه فإنه يــراك" صدق رسول الله فانه يري اقوالك وتصرفاتك وافعالك
*
إن الله يحب التوابين ويحب المتطهرين
قال رسول الله "إن الله يفرح بتوبة أحدكم"صدق الرسول الكريم

فأكثرو من التوبه الي الله ولا تقنطو من رحمة الله فالله عظيم وكبير ورحيم الله اكبر ولله الحمد
المتطهرين :ايضا من الذنوب والمعاصي بالتوبه

*
فإن الله يحب المتقين
التقوى هي فضيلة وسلوك الإنسان والتزام اتجاه الله واتجاه مخلوقاته. ويترجم ذلك في آداء واجباته اتجاه ربه، ووالديه، ووطنه ومجتمعه.: أن تعمل بطاعة الله على نور من الله، ترجو ثواب الله
ويقول عليه الصلاة والسلام: "إنّ أولى الناس بي يوم القيامة المتقون من كانوا وحيث كانوا"

*
إن الله يحب المتوكلين

في كل شئ
في الحديث :" لو أنكم توكلتم على الله حق توكله لرزقكم كما يرزق الطير تغدو خماصاً و تروح بطاناً " صدق الرسول الكريم
"علمت ان رزقي لن يأخذه احدا غيري فأطمن قلبي
والتوكل ليس في الرزق فحسب بل في كل شئ توكلو علي الذي خلق كل شئ
*
إن الله يحب المقسطين:
العدل والانصاف ومراقبة الله في الافعال والاقوال بين الناس
عن رسول الله صلى الله عليه وسلم أنه قال: المقسطون على منابر من نور يوم القيامة الذين يعدلون في حكمهم وأهليهم وما ولوا
صدق رسول الله

*
إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ:
في تفسير الجلالين إنَّ اللَّه يُحِبّ" يَنْصُر وَيُكْرِم "الَّذِينَ يُقَاتِلُونَ فِي سَبِيله صَفًّا" حَال أَيْ صَافِّينَ "كَأَنَّهُمْ بُنْيَان مَرْصُوص" مُلْزَق بَعْضه
إلَى بَعْض ثَابِت
لاحظ ان هذه الايه التي وردت في سورة الصف اتت بعد الايات الكريمه التي يقول الله بها
بسم الله الرحمن الرحيم
سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ وَهُوَ الْعَزِيزُ الْحَكِيمُ (1) يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ (3) إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ (4)
*********

يبتع بأذن الله
إن الله لا يحب الفرحين
إن الله لا يحب المفسدين
إن الله لا يحب المعتدين
والله لا يحب الفساد
والله لا يحب كل كفار أثيم
فإن الله لا يحب الكافرين
والله لا يحب الظالمين
إن الله لا يحب من كان خوانا أثيما

30 comments:

Tamer Diab said...

أول مرة أدخل مدونتك
وبوست حلو علي حظي
بس انا زعلاااااااان اوي
عشان مش الكورة الي تخلي دماغ زيينا نغلط في بعض
انت زي اخويا وانا بكلمك عشان حسيت من مدونتك انك حد دماغه حلوة مش تعبانة
يبقي مينفعش الي انت قلته في مدونة عاشقة وغلبانة
انا لو مكانك هعتزر لأن دي لعبة عارف يعني ايه لعبة يا راجل الي تخلينا نعمل كده
!!!!!!!!
دي زي اختك وانسانة ومحترمة جدا ومثقفة ومواضيعها كلها محترمة وعمرها ما اخطأت في حق حد وانا متابع ليها من فترة وعارف ده
قلت ادخل عندك الاول واعرف دماغك لو لقيتك من اصحاب العقول الي علي ادها مكنتش هقلك انت فين لكن لما لقيتك شبهنا قلت مينفعش خالص
سعيد جدا بزيارتي ليك ومبسوط انك مش هتزعل من كلامي :)
وراجع الحديث بتاعك هناك بجد هتلاقي كلام نرفزة مينفعش كنت تقوله

Ahmed Mohamed said...

السلام عليكم
اهلا بيك يا استاذ تامر
ونورت يا سيدي المدونه
*
اكيد مش الكوره الي تزعل الناس من بعضيها
بس انا مش هطول علي حضرتك
ممكن بنفسك تراجع كل الكومنتس الي قولتها عندها
وهتعرف
انا حاولت مره لاقيت بردو نفس العنجهيه
وصدقني بجد انت لو مكاني مش هتعتز الا في حاله واحده
لما هي تعتزر وعن نفسي انا مسامح ومكنش ليه لزمه الموضوع ده كله
هقولك تاني ممكن حضرتك تراجع انا قلت ايه
*
صدقني بجد انا الي سعيد ومبسوط ان حضرتك شرفتني واكيد مفيش حاجه تستاهل عشان يحصل زعل

barbie girl said...

السلام عليكم
دى بصراحة اول زيارة للمدونة دى وبصراحة كمان انا فكرت شوية قبل ما اكتب الرد لانى خفت تكون طريقة ردك زى ما شفتها فى مدونة عاشقة وغلبانة وبصراحة اللى خلانى ادخل هنا هو فضولى .. كنت عايزة اشوف شكل مدونتك ايه.. متوقعتش انها تكون مدونة حلوة وثرية كدا.. مش عارفة اقول ايه على المشكلة لأن الموضوع فى الاول والاخر مجرد لعبة.. عارف حد بعقلية متدينة زيك ودارس بالازهر زى حضرتك يبقى عارف ان اكتر حاجة تضيع الانسان انه يتكبر على الاعتذار .. انتو الاتنين اعتذروا لبعض وخلاص لان المفروض انكم ناس مثقفين ومحترمين.. ياريت تاخد كلامى بصدر رحب وملاقيش مفرقعات ولا شتايم ولا حاجات من دى نازلة عليا.. انا قلت اللى بضميرى وخلاص

ندخل بقى فى موضوع التدوينة:
وهى عن تفسير بعض الايات القرانية الجميلة انا بحب جدا جدا الايه بتاعة الصبر لانها بتهون عليا حاجات كتير واكيد بتهون على الناس اللى فاهمينها حاجات كتير لان الحياة فيها صعوبات كتير والأفضل اننا نصبر حتى ننال من كرم الله علينا.. فى اللى صابر على مرض وللى صابر على سوء معاملة اهله واللى صابرة على سوء معاملة زوجها واللى صابر على طول لسان مراته واللى صابر على عدم وجود شغل ليه بعد التخرج واللى صابر على عدم وجود شقه يتجوز فيها وحاجات كتير اوى فى حياتنا تستحق الصبر فالصبر نعمة جميلة اوى وكبيرة اةى من ربنا

حـــلـــم كـــان said...

وحشتنى مدونتك وكلامك اوى يااحمد
وبجد البوست ده عجبنى جدآ ونفسى بجد يكون فيا وفيك وفى كل المسلمين الصفات
اللى ربنا بيحبها دى بجد لو كل مسلم بقا عنده الصفات محدش هيقدر علينا

الازهرى said...

اخى الغالى
جزاك الله خيرا على هذا الموضوع الرائع وترتيبه الجميل
وليعنا الله على أن نفعل ما يحب والا نقع فيما لا يحب

تحياتى دوما

Ahmed Mohamed said...

barbie girl
وعليكم السلام ورحمة الله وبركاته

الموضوع انتهي
ع الاقل بالنسبه ليه
والي عايز يتسامح مش يعمل بوست مخصوص
وكل واحد يتكلم عني وهوه ميعرفنش لمجرد مجاملة صديقتهم
الله يسامحني
و يسامح الجميع
*
بالنسبه للتدوينه حضرتك
انا مبسوط انها عجبتك وبالنسبه للصبر
مفيش احسن من قول الله عز وجل
إنما يوفى الصابرون أجرهم بغير حساب
صدق الله العظيم
*
نورتيني حضرتك ودمتي بكل الود

Ahmed Mohamed said...

طالبه مقهوره
يااهلا وسهلا بالناس الي غايبه
ونسيت التدوين والمدونين
والله انتي الي وحشتي المدونه
انا بدعي ربنا بجد انه يوفقنا لما نحبه ويرضاه
نورتيني يا قمر

Ahmed Mohamed said...

الصديق الازهرى
منورني والله يا عزيزي
واتمني ان يوقفنا الله الي ما يحبه ويرضاه
نورتني يا صديقي

Kiara said...

السلام عليكم ورحمه الله وبركاته

ازيك يااحمد عامل ايه

بص الاول كدا انا جايه وعندي عتاب كبييييييييييييييييييييييير اوي

العتاب دا بخصوص الكلام اللي بينك وبين عاشقه الرومانسيه وعاشقه وغلبانه

اولا كدا احنا كلنا مدونين في عالم واحد كل واحد له تفكيره واهتمامته واسلوبه ورايه وميوله والفريق اللي بيحبه ولو مش قبلنا الراي الاخر يبقي كدا احنا غلط لان المدونات اصلا مبنيه علي الراي الاخر

دا في القضايا المسلم بيها بتلاقي ان في راي مخالف

مش معني ان الراي دا مختلف معايا انه ضدي كشخص او انه بيسئ لتفكيري علي العكس تماما
يبقي لما الاقي حد كاتب عن حاجه وشيفه غلط اعاتبه واقوله انت غلطت بس بشكل مش يسئ ليا

انت اسئت بالكلام لبنتين فاهم يعني ايه بنتين

ودا غلط يااحمد

شفت بسبب الاسلوب اللي رديت بيه خليت عاشقه وغلبانه تبعد عن التدوين

الكلمه اللي بنقولها لازم نعرف اننا هنتحاسب عليها وانها بتاثر في غيرنا

ياريت الموضوع يتحل بشكل عقلاني مع الاعتبار فيه اننا كلنا في اسره واحده ومش لازم نتعدي بالكلام علي بعض

كل سنه وانت طيب

تحياتي

كيارا

عاشقه الرومانسيه said...

لاول مره ازور مدونتك
ومن تعليقك عند عاشقه وغلبانه
اخدت عنك انطباع انك انسان دماغك فاضيه وشخص تافهه علشان تنفعل لدرجه الغلط والشتيمه
بحاجه تافهه زى كده
بس بعد زيارتى ليك
لقيت ان المدونه بتاعتك فيها مواضيع قيمه جداااااااا
وعرفت كمان ان تعليمك ازهرى
يعنى انا قيت حد تانى خاااالص
انا غلطت فيك ومش مجامله لصاحبتى
بس ده لانى لقيت منك اسائه لانسانه عمرها ما اسائت لحد
ولقيت انها حد مؤدب جدا علشان كده مش ردت عليك
فانفعلت للموقف مش اكتر
دى اول مره اتصادم مع حد من المدونين
والمفروض واللى واضح لى دلوقتى انك حد من المدونين المحترمين
راجع نفسك
انت بدأت بالغلط
ولو كنت اتكلمت كويس من البدايه
مفيش حد كان هيقدر يكلمك باسلوب مش كويس
زعلت جدا لما لقيت ان عاشقه وغلبانه منزله بوست اعتذار ليك واعتزال ولو فتره من التدوين

انا مش هاتكبر انى اعتذر
لان اللى يغلط لازم يعتذر
اسفه يااحمد

بس ياريت تكون تصرفاتك وانفعالاتك على نفس مستوى تعليمك ووضع مدونتك

اتمنى تكون معرفة خير
وانت برضه اخويا الصغير

mahasen saber said...

ناقص انا معتذرتليش ههههههههههه خير خير ايهده كله انتا مزعل البلوجر كله ولاا ايه يا علام


وعجبنى الاهداء الاخير قوى حسسنى انى بسمع البرنامج العام

مفيش حد يزعل منك لانك لو ساعات بتخبط طوب فبيبقى طالع من حرقة قلبك من موقف او موضوع معين زى كلامك عند عمرو
انا عن نفسى مبقدرش ازعل منك فبتالى يمكن عشان كده بقول كده
ربنا يصلح حالك دايما

واكتر شئ بيعجبنى فى اى شخص انه يعتذر لان ده بيدل انه مش مغرور ولا متعنجه وانا بحب النفس اليى كده

mahasen saber said...

بس ساعات بتلطش فى الكلام يا علام بصراحه
فاكر محمود رئيس جمهورية نفسه عملت فيه ايه
ده شخصيه من اطيب وانبل ما يكون بس انتا من حرقتك من المحاميين انطلقت معاه اليى ما لا نهايه بس صدقنى لو كل المحاميين زيه كانت الدنيا بقت صلح فى خير


بس اختم بئه بكل سنه وانتا طيب وبالف خير واهديها لحضرتك ولحضرتى ولكل اهل البلوجر واسماعيله والشرقيه والقرى المحيطه بمنابة المولد النبوى الشريف ونسمع حاجه على ذوقك

Ahmed Mohamed said...

هههههههههه
هوه انا اقدر حتي افكر اعمل حاجه تزعلك
*
اعمل ايه بس في نفسي يا ست الكل
عامل زي البنزين
بيولع علي طوول
*
المهم سيبك من ده كله
انتي عامله ايه يارب تكوني بخير
وعبد الرحمن يكون بخير
والاهل كلهم بخير

أبو فاطمة / هويتي إسلامية - مدونون من أجل فلسطين said...

السلام عليكم ورحمة الله وبركاته

أولا: حضرتك أثرت في رسالة سابقة قضية النقاب ولا أعلم لماذا أغلقت التعليقات

فهل تسمح لنا بالحوار سويا أم أنك تقول رأيك في رسالتك ولا تريد النقاش

أود أن نتناقش سويا فالأمر جد خطير ولا يمر مرور الكرام

تحياتي لحضرتك
أبو فاطمة

Ahmed Mohamed said...

وعليكم السلام ورحمة الله وبركاته

كن جميلا

يشرفني الحديث مع حضرتك
سوف اقوم بفتح التعليقات اذا اردت النقاش في هذا الامر الخطير علي حد قول حضرتك
دمت بكل الخير

عمرو جويلى said...

السلام عليكم الأخ الفاضل
يشرفن زيارة مدونتك لأول مرة ولن تكون الأخيرة بإذن الله وآسف على التأخير مدونتك هايلة بها العديد من الموضوعات القيمة فجزاك الله خيرا
ودمت بكل الخير

أبو فاطمة / هويتي إسلامية - مدونون من أجل فلسطين said...

السلام عليكم ورحمة الله وبركاته

جزاكم الله خيرا علي حسن القبول ولكن أتناقش هنا أم في الرسالة نفسها

أسف علي كثرة الإستفسار

أبو فاطمة

من أمام باب المدونة

يا أحمد
حتي إنت بخيل ولا قلتلي كباية شاي حتي فضلا عن تعالي نتغدا
أو نتعشي
الله يسمحك

Ahmed Mohamed said...

اللؤلؤة

نورتني حضرتك
دمت بكل الود

Ahmed Mohamed said...

كن جميلا...(عضو رابطة هويتي إسلامية)

السلام عليكم ورحمة الله وبركاته
حضرتك انا هفتح التعليقات في الموضوع نفسه
ان شاء الله
يا سيدي الكريم
المدونه وصاحب المدونه تحت امرك

mahasen saber said...

مبروك مبروك مبروك فتحنا التعليقات
معرفش كان لزمتها ايه تتقفل اصلا

انا بغيب كتير عن التدوين فى اول الاسبوع ساعات كتير عشان بنشغل بزحمة الشغل وبيرو وحضانته شهاده يا علام بئه وعايزاه يطلع بتفوق

طمنى عليك ومتفلش التعليقات تانى

mahasen saber said...

بس عجبنى قوى بوستاتك الاخيره فيها جانب اخر لمخ علام

ممكن كتير مكنش يتخيل هذا الجزء الدماغى الابداعى فى هذه المنطقه

انتا دماغك عاليه قوى بس كتاباتك الاولى كانت فيها ثوره وجموح
وبعدين اتجهت للسلام النفسى
يا سلام عليك مبدع ومتعدد الافكار

ازيك بئه يا رب تكون بالف خير وسلام

Ahmed Mohamed said...

ساعات مش بعرق اقولك ايه يا مدام محاسن
ربنا يخليكي يارب ويباركلك في ابنك
ويحميه

mohamed ghalia said...

ايه ياعم أحمد انت بطلت تنفيس ولا ايه
فين يابنى مواضيعك الجديدة؟؟؟؟؟؟؟؟؟؟؟؟؟؟

mahasen saber said...

ايه مدام دى انا اختك الكبيره يا علام افندى
فيه حد بئه يقول لاخته الكبيره مدام
ابشرك هتفضل افندى لحد ما تتعدل وتقلى يا محاسن يا اختى الكبيره بس مش كبيره قوى يعنى



البوست اليى فوق خالص ده عجبنى قوى
بسم الله ما شاء الله عليك حاسه بحالة سلام نفسى جواك عاليه قوى
ربنا يهديك لكل خير وفكر متزن دايما كده يا علام

mahasen saber said...

نسيت افندى

علام افندى حتى اشعارا اخر

حزينه said...

مدونتك جميله اوى
جزاك الله كل خير عنا

حزينه اوى

mahasen saber said...

التعليقات طلعت عينى فى فتحها هو انا بفتح عكا

بس كله يهون عشان خاطر علامنا الكبير واخويا الصغير

اخبارك ايه شد حيلك الامتحانات خلاص

ربنا يوفقك دايما ان شاء الله

Anonymous said...

Este es un maravilloso recurso útil que usted está proporcionando y que le dan gratis ausente en el precio. Me encanta ver los sitios web, que comprenden el valor de proporcionar un recurso de calidad útiles de forma gratuita. Se? S el viejo lo que va, vuelve el programa.

Anonymous said...

Tengo que admitir que estoy completamente de acuerdo con usted. ! Buen blog! Si usted desea cambiar su pelo, prueba de mi weblog, posiblemente encontrará algunos conceptos, en particular Medio tipos de pelo largo para el pelo fino:)

Anonymous said...

hola, Chicos, Acabo de añadir el feed a mis favoritos. Me gusta mucho leer sus mensajes.