بلا استثناء

رســائـل قرآنــية

ღ رسائل قرأنيه ღ

"المقاومه في فلسطين " 

۞وكأيِّن مِّن نّبيٍّ قاتل معهُ رِبّيّون كثيرٌ فما وهنوا لِما أصابهُم في سبيلِ اللّهِ وما 

ضعُفوا وما استكانوا واللّهُ يُحِبُّ الصّابِرين ۞

وما كان قوْلهُم إلاّ أن قالوا ربّنا اغفِر لنا ذُنوبنا وإسرافنا في أمرِنا وثبِّت أقدامنا 

وانصُرنا على القوْمِ الكافِرين ۞

فآتاهُمُ اللّهُ ثواب الدُّنيا وحُسن ثوابِ الآخِرةِ واللّهُ يُحِبُّ المُحسِنين۞

...........................................................................

〓〓〓〓〓〓〓〓〓〓〓〓〓〓〓〓〓〓〓〓〓〓〓〓〓〓

" الاعلام المصري "

۞يا أيُّها الّذين آمنوا لا تكونوا كالّذين كفروا وقالوا لإخوانِهِم إذا ضربوا في الأرضِ أوْ

كانوا غُزًّى لّوْ كانوا عِندنا ما ماتوا وما قُتِلوا ليَجعل اللّهُ ذلِك حسرةً في قُلوبِهِم 

واللّهُ يُحيي ويُميتُ واللّهُ بِما تعملون بصيرٌ .......۞

الّذين قالوا لإخوانِهِم وقعدوا لوْ أطاعونا ما قُتِلوا قُل فادرؤوا عن أنفُسِكُمُ الموْت إن كُنتُم صادِقين...........۞

..........................................................................

〓〓〓〓〓〓〓〓〓〓〓〓〓〓〓〓〓〓〓〓〓〓〓〓〓〓

"لشهداء فلسطين"

۞ولا تحسبنّ الّذين قُتِلوا في سبيلِ اللّهِ أمواتًا بل أحياء عِند ربِّهِم يُرزقون ۞

فرِحين بِما آتاهُمُ اللّهُ مِن فضلِهِ ويَستبشِرون بِالّذين لم يلحقوا بِهِم مِّن خلفِهِم 

ألاّ خوْفٌ عليْهِم ولا هُم يحزنون ۞

يستبشِرون بِنِعمةٍ مِّن اللّهِ وفضلٍ وأنّ اللّه لا يُضيعُ أجر المُؤمِنين ۞

..........................................................................

〓〓〓〓〓〓〓〓〓〓〓〓〓〓〓〓〓〓〓〓〓〓〓〓〓〓〓

#غزة

#فلسطين

#المقاومة

[α][н][м][ɒ]

اللهم وفقنا لما تحبه وترضاه

اللهم وفقنا لما تحبه وترضاه
اللهم ارنا الحق حق وارزقنا اتباعه
اللهم ارنا الباطل باطل وارزقنا اجتنابه
اللهم امين

الفاتحه للشهداء

أللهم أني أهب ثواب ما قرأت لاروح شهداء المصريين

مبارك الذي بيده حكم مصر وهذه الانهار تجري من تحته

مش قادر اوصف الحزن الي جوي في قلبي عامل ازاي دي وصلت اني كل يوم الصبح اشغل الراديو اسمع الخراب ده اعيط وبحرقه كمان
مكنتش اتوقع ابدا ان مصر ممكن يتعمل فيها كدا
مكنتش اتوقع ان مصر فيها الغباء ده كله
وجهة نظر الاعلاميين او بعضهم فككو من التليفزيون المصري
يومين يتقال علينا شوية شباب ملهوش لزمه
يومين يتقال علينا شباب جامد فحت وثورة الشباب المتحضره
يومين اصبحنا خونه وعملاء وبناكل وبنشرب من بره
وجهة نظر الناس العاديه
الشباب جدعان عملو الي المفروض يتعمل
يومين الشباب عايزه ايه من البلد(تقريبا لما الاكل خلص)ه
يومين الشباب متحضره ولازم الرئيس البارد يرحل
واخيرا اصبحنا خونه واصحاب اجنداة ومضحوك علينا
اقسم بالله العظيم انا عمري ما كان عندي فيزا وحتي فلوسي بحطها في دفتر التوفير المصر
اقسم بالله العظيم اني مش بحب اتكلم مع ناس غبيه ملهومش مبداء ممكن يغيرو وجهة نظرهم في ثواني
اقسم بالله العظيم اني كرهت نفسي وبلدي وشعب مصر
انا مش مصري لحد ما يرحل عنا الاغبياء الغوغاء او ارحل
واقول لكل ما اتهمني او ساء الي والي غيري ممن كانو هم السبب في تغيير الاجواء السياسيه في مصر
اقول لهم هنيئا لكم برئيسكم فانتم بحق تستحقونه
شكرا يا حسني يا مبارك شكرا يا حزب يا وطني شكرا شكرا شكرا وشكرا لكل الناس المضحوك عليهم عشان ياكلو النهارده ويضربو بالجزبه بكره
دي كانت مقدمه لابد منها

يا حسني يا مبارك ان كنت تعلم فأنها مصيبه وان كنت لا تعلم فانها مصيبة اكبر وانت كنت لا تعلم هذا القول فانت المصيبة نفسها
ما حدث ان وزير الداخيلة الخائن حبيب العادلي قال لرئيسه اي رئيس البلاد :متخافيش يا ريس الفيلم دا هيخلص والعيال دي هتروح وان مروحتش هخليهم يسهرو طول الليل يحرسو في اهلهم وينامو طول النهار ومحدش يتظاهر
وكان حبيب العادلي قد اصدر اوامر كالتالي:مسايرة المظاهرات حتي تبلغ مداها وان لم ينصرفو فاضربوهم
دا يوم الجمعه الي حصل ان الناس اتجرئة لما شافو بعنيهم ان المظاهرات سلميه والامن بينظمها
والامن طبعا عارف اوامره الضرب في المليان وغازات سامه وميه وغيرو
والامر الثاني ان لم تستطيعو ايقاف المظاهرات انسحبو من امامهم ومن جميع البلاد وافرجو عن المساجين وخلوهم يضربو العيال الفرافير دول
طبعا السلسله اتفرتت والمجرمين ملو البلد سواء الي كانو في السجن او الي اوتيحت لهم الفرصه لأن الامن انقرض من جميييييييييع البلاد
والرئيس في انتظار ان يثتغيث به المواطنون وهذا لم يحدث بل حمي الناس بعضهم البعض دون الاحتياج لمبارك واعوانه
تنازل الريئس ثم بدي لنا انه اصبح عاقلا تنازلت القنوات المصريه الجميع اصبح مرعوب من ثورة الشباب الجميع يستمع لما يقال عن مبارك والمطالبه برحيله حتي في التلفزيون الحكومي الجميع بلا استثناء يستمع للناس الذين اعلنو امام العالم رفضهم لمبارك ومطالبته
وتنازل مبارك عن جبروته مؤقتا
حتي يلملم قواه واعوانه وهذا ما حدث
بعد ان كان الشباب يفتشون المتظاهرين امام الكاميرات والجميع رافع بطاقة اثبات الهويه امام الكاميرات حتي يضمنو انها سلميه
ومر يوم مظاهرة المليون بسلام حتي كان خطاب مبارك المشؤوم الذي اعطي الاشارة للحزب الوطني بالبدء بهذه التمثيليه المسخره
ناس تتظاهر بحب مبارك وناس تروح ميدان التحرير تضرب الخونه العملاء الشباب الي كل الناس حتي حسني مبارك قال انهم متحضرين
بمنطقك عزيز الغبي من سمح لهؤلاء بالذهاب الي ميدان التحرير ومعهم الخيول والجمال والعصي والاسلحه البيضاء
نعم هم من يشتغلون بمهنة السياحه في الهرم
بمنطقك عزيزي الغبي عندما ذاع التلفزيون المصري المجرومون ممسوكين في ايدي الجيش ومعم عبواة البيسي المملوئه بالمودا القابلة للاشتعال الم تراهم اليوم وهم يرشقون الاخضر واليابس في ميدان التحرير
بمنطقك عزيزي الغبي عندما ذاع التلفزيون المصري ان هناك من هم ذاهبون ويحملون المواد المشتعله الي ميدان التحرير
بمنطقك عزيزي الغبي اليس من واجب الجيش صد هؤلاء او واجب الشرطة التي عادت وهي لم تعدت بصد هؤلاء
اليس هذا دليل علي علاقتكم بالمجرمين ومعرفة خط سيرهم بل والتخطيط لهم
بمنطقك عزيز الغبي عندما يذاع علي قناة المحور فتاه تتهم نفسها بانها خائنه وعمليه وجاسوسه لليهود وامريكا وانها ممن نظمو المظاهرات
بمنطقك عزيزي الغبي هل يعترف المجرم علي نفسه بالخيانه العظمي امام العالم ويعرض نفسه للاعتقال ههههههه والعجيب ايها الغبي انهم لم يظهرو وجهاا حتي لا يعرفها النظام هههههههههه احااااااااااااااااااااااا يا غبي
اعتذر لاني انفعلت من كثرت الغيظ والضحك لانهم ابغيباء
بمنطقك عزيز الحمار اين كانو هم مؤيدي مبارك الاسبوع الماضي بل اي كانو بالامس فقد
الان ظهر لك احباء يعتزرون لك وكل يرددون نفس الكلمات
معلش يا ريس انا بتعتزر يا ريس فداك ابي وامي يا ريس
اولا يا ريس انت كنت سبب في البطاله لجميع من ايدك وعارضك
ثانيا يا ريس انت كنت السبب في اهانة المصريين في الداخل والخارج
ثالثا يا ريس انت صدرت الغاز لاسرائيل ومفيش واحد في مصر بيحب اسرائيل غير المنتفعين من وجودك
علي الاقل كنت مكنتش تاخد الصهيانه بالاحضان ادام العالم وتحترم مشاعر الشعب
رابعا يا ريس خليت رجال الاعمال ينهبو البلد وتتواصل مع شعبك بالتقارير
خامسا سخرت ممن ظلمو وقلت خليهم يتسلو
سادسا يا ريس خليت جهاز الشرطه اكبر جهاز فاسد في البلد
سابعا يا ريس اشتركت في اكبر مؤامره حصلت علي الشعب المصري وخليت المصريين يضربو في بعض
كلنا يا ريس عرفين انك حاربت عن مصر وأظن البلد كفئتك وخلتك رئيس لمدة 30 سنه
مع العلم ان ابويه حارب في 73 ومحدش كافئه وانا اقصد اتك محسسنا انك حاربت لوحدك
لا اقلل من قدرك ولاكني اذكرك بمن هم اعلي قدرا منك امثال الطيار الشهيد شقيق الرئيس السادات وغيرهم من الشرفاء الذين حاربو من اجل عرضهم وارضهم وشرفهم
واخيرا
اقولك لك يا سعادة الرئيس المفخم محمد حسني مبارك
شكرا لك وسوف يذكرك التاريخ بما تستحقه
وسوف يتذكر وقتها كل من قال اننا خونه وعملاء

قوم يا مصري يخربيت كسل اهلك

الدوله الي تفرج عن جاسوس اسمه عزام عزام مقابل صفقه سياسيه وتعتقل مواطنين كل الي بيهمه مصلحة بلدهم عشان عيالهم واحفادهم ونفسهم تبقي دوله او يبقي نظام فاسدوطاغي وكافر وفاجر ,النظام الي يمسك فيه مواطن عشان معهوش بطاقه ويطلع عين امه في القسم عشان ميعرفش حقه وحتي لو عرف بردو هيطلع عين امه يبقي نظام فاسد وطاغي ووجوده هيدخلنا النار عشان سكتنا عليه وعلي ظلمه وكفره,النظام الي يخلي طبقه من الناس تاخد مرتباب بألوف الألوف وبقية الشعب ياخد ملاليم يبقي نظام كافر وفاسد وطاغي وفاجر
نظام حسني مبارك ليس رأسمالي,ولا اشتراكي ,ولا رأسماكيه حتي ,نظام حسني مبارك نظام حرامي حرامي حرامي
مين الي اداك الحق تحكم فينا 30 سنه
انت مين عشان تحكمنا المده دي كلها
هي كانت بلد ابوك
انت مجرد مواطن زينا مش اله نازل من السما من غيرك هتعيش مصر وأولاد مصر من غيرك هنكون احسن
المسيره الي مش سايره اصلاه بيك من غيرك هتسير
اوعي تفتكر انك الوحيد الي يقدر يمسك البلد وولاد الكافره الي حواليك مفهمينك كدا وكتاب الصحف الواطيه الحكوميه عايزين يفهمونا كدا
عشان احنا شعب جاهل مش واعي ولا متعلم وانت السبب تعرف ليه
لان نظامك اهمل في التعليم الي هوه اهم حاجه خليت مرتب المدرس ملاليم
ووزير ملوش اي لزمه يقبض بالالف غير العمولات والي تحت التربيزه
بلدنا غنيه اغني من امريكا بس العقول الي تشغل يا حكام العرب يا اولاد الحرام
اسرائيل بقت احسن من العرب مجتمعين
والسر الي كل الناس عرفاه هوه انتم وجودكم اخرنا لخمسميت سنه لورا
هاتلي بلد عربي واحد احسن من اسرائيل
حتي القوه يا معرصين اقريتو علي نفسكم تبقو اقل
الله يرحم ايام الملك حتي لو كانت فاسد بس مش خاين زيكم

لا تفكر ولا تحتار

الناس بتقول ان نفسها تروح مكان زي ده عشان تفكر فيه وانا العكس عايز اروح بجد هنا ومش افكر طب والله مش هفكر في ان المكان جميل هفكر ازاي مفكرش اني لو نزلت هبلبط في الميه الذيذه دي

جميل انك مش تلاقي حاجه تكتبها بس هوه مش جميل اوي يعني اصل دا ممكن يكون سبب افلاس فكري وتكون مصيبه انك بطلت تفكر والتفكير ده هيوصلك لايه للصح ولا للغلط ولا هوه لمجرد التفكير, انك توصل لمرحله مفيش حاجه تفرق معاك مرحله صعبه اوي بمعني ان مفيش حاجه ليها قيمه بالنسبه لك عشان تجتهد وتفكر فيها وايه الي هتفكر فيه اصلا حياتك مستقبلك افعالك واعمالك طريقة معاملتك للناس ومعملتهم ليك طريقة تفكيرك حتي هل هي محتاجه لتفكير انك تفكر بأسلوب تاني ,انا طول عمري بفكر بأسلوب واحد هوه ايه مش عارفه ما هوه انا لو عرفته هغيرو أكيد عشان انا مش راضي عن نفسي في الوقت الحالي ,ومدام انا مش راضي عن نفسي في الوقت الحالي اكيد الوقت الي مش حالي كنت راضي عن حااالي_حلوه الجمله_طيب ارجع بقي لطريقة تفكيري في الوقت الي هوه مش حالي وافكني من طريقة تفكيري في الوقت الحالي بس انا مش فاكر التفكير الي مش حالي ولا عارف اسم الحالي بس هوه تاعب حالي _وانا هغلب حالي ليه _مش هفكر بس مدام قررت اني مش هفكر يبقي لازم ارضي عن حياتي وانا بطلت تفكير ,المهم الاول هوه ايه الي اقصده بمعني التفكير بالنسبه ليه ع الاقل اني اسيب كل حاجه لوقتها هوه دا صح ولا غلط؟

هوه ليه انا حابب اكون حاجه وبعمل العكس اول مثل ممكن اضربه ليه انا عايز ربنا يحبني وبعصاه حد يقولي ان كل بني ادم خطاء وخير الخطائين التوابون,جميل جدا جدا معني كده ان الخطئ مولدين بيه طب والي حب الخطئ هنا وزين له الشيطان اعماله _والله انا نفسي اشوف الشيطان اوي وافهمه ان الي بيعمله معايا دا غلط هوه مش هيستفيد بحاجه هوه بس هيخليني اروح في داهيه وهوه معايا طيب ليه هوه مدام عارف اكتر مني ومن الناس ومن البشر كلهم مدام هوه عنده يقين ان الي بيعملو دا غلط ليه مش بيتوب ولا ربنا نزع من جواه معني التوبه والكبرياء الي ربنا بردو خلقه فيه مسيطر عليه _انا مالي هوه حر بس يحل عني شويه بقي كفايه الله يخربيته ارجع واقول ان لو الانسان الي هوه كدا كدا مخطئ حب الخطئ الي وقع فيه واستمر عليه يعمل ايه يبقي المطلوب منه يحب حاجه احسن منه مهما كان شايف انها متعه

بس خلاص ابقي اكمل لما احس اني مش لاقي كلام اكتبه

فضفضه

اوقات الانسان لو حساب نفسه بيحس انه ربنا مش هيسامحه وخصوصا لو كان بيعمل ذنوب كتيره اوي اوي
بيحس انه اد ايه مش يستحق ان ربنا يستجيب له دعائه او يقبل توبته
*
وعشان كده ربنا بيفكرك دايما انك
مهما عملت فهو عز وجل مسامحك
يعني لو مش هيسامحك مكنش سامح الي سب الرسول واذاه ايام الجاهليه
وكان بيحاربه كمان زي خالد بن الوليد
الي بقي بعد كده بيحارب عشان الاسلام
مكنش سامح الكافر المشرك
بس خد بالك ان كثرة الذنوب تميت القلب
يعني بتموت ضميرك واحساسك بحلاوة التوبه الي الله واحساسك برحمته ومغفرته
*
وعشان كده لما بتيجي تحاسب نفسك وانت كثير المعصيه بتلاقيها صعبه اوي اوي وممكن تقول وتيأس من رحمة ربنا
مع ان ربنا قال

"قل يا عبادي الذين أسرفوا على أنفسهم لا تقنطوا من رحمة الله"

يبقي انت كده لا قدرت تحاسب نفسك وكمان عصيت ربك ويأست من رحمته لك

*
عند محاسبة النفس يجب ان تؤمن اولا بأن ربك غفور رحيم وان كانت ذنوبك تصل الي عنان السماء

وعن قصص محاسبة الرجل فهناك مثال لرجل حفر حفرة لنفسه في حجرته

وكان يجلس يوميا بها وهي مظلمه تمام

حتي يشعر وانه في القبر وانه يحاسب

احساس مرعب في حقيقة الامر

يحاسب نفسه قبل ان يأتي يوما وتحاسبه الملائكة في القبر

المظلم الموحش

كلما قرات هذه الاية الكريمه كلما اتذكر القبر ويذيد في قلبي ايمانا به

وضرب لنا مثلا ونسي خلقه قال من يوحي العظام وهي رميم

قل يوحيها الذي انشأها اول مره وهوه بكل خلق عليم

صدق الله العظيم

اي ان هناك شخص ضرب مثلا وقال هل تعود تلك العظام الرميم الي الحياة مرة اخري

واندهش من ذالك,ولكنه نسي كيف الله انشأه وهوه لم يكن شئ في الاصل

لم يكن حتي عظام او رميم

كنت لا شئ فخلقك فسواك فعدلك في اي صورة ما شاء ركبك

فمن اين لك ايها المخلوق ان تتعجب ومن اين لك ان تندهش ومن اين لك ان تنكر ومن اين لك ان تكفر

خيانه مع ايقاف التنفيذ

ارادت ان تختبره وتعرف مدي حبه لها

طلبت من قريبتها ان تتصل به وتشاغله

في بداية الامر قال لها انه خاطب ولديه حبيبه

اصرت ان تكلمه رغم انه رفض الحديث معها

اخبر حبيبته بالامر وقال لها ما حدث

سألها هل تعرفي هذه الفتاه فأجابت بالنفي

طلب منها ان تتصل بها وتحاول ان تبعدها عنه

قال لها انه يحتاج اليها يشتاق اليها ينتظر اهتمامها

كان يشعر دايما بالوحده رغم انه يحبها حبا جما

ومازالت الاخري تشاغله حتي اتصل بها متأسفا عن اسلوب الحديث معها

طلب مرة اخري من حبيبته ان تحدثها ولاكنها رفضت

قال لها انه سوف يتصرف بطريقته

لم تظهر حبيبته اي مشاعر تجاهه كلما حدثته

يقول لها احبك تقول له مين البنت الي تتحدث مع بالهاتف

يقول لها اني احتاج اليكي تقول له ماذا قلتم في حديثكم انت وهي

قال لها سوف اتركك تفكرين في حتي تدركي مدي اهميتي بالنسبة لكي

قالت سوف افكر سلام وانتهي حوارهما علي هذا

اتصلت الاخري به وتحدثت معه عنها وشعرت انه يحبها حقا

وان ما به من عذاب بسبب المشاجره الاخيره بينه وبين حبيبته

واثناء حديثه معها وجد ان التي تتحدث معه الان هي حبيبته

قال لها انتي حرمتيني منك وسلمتيني لها تحدثني وتهتم بي

اردتي اختباري وها انا اسقط واهوي

لم اخونك ولاكني لم امانع من وجودها في حياتي

لانكي اهملتي كل شئ حتي حياتي

انتي لم تختبريني انتي اختبرتي وحدتي واشتياقي الي متي سوف يطول

انتهت المكالمه

اغلق الهاتف الي الابد

حرام عليكي يا حكومه

ازاي نبقي في سنة 02009الناس بتركب وسائل نقل متهالكه لا تصلح حتي لنقل

الانعام ازاي نرضي بكده واحنا من حقنا اكثر من كده احنا مش مواطنين درجه تالته

ولا حتي في حد احسن منا علي الاقل مصدر رزقنا معروف وعلي عينك يا تاجر

وبعرق الجبين والله بنتعب اوي وفي الاخر كبيرك 300 جنيه مرتب شهري

من الاخر ومحدش يحاول يقنعني

اي شغله شريفه دلوقتي مش هتخليك تروح مارينا

وعلي رأي احمد حلمي في فيلم صايع بحر

الي بيسرق بيروح فين ؟

اختار

مارينا _السجن _النار

سؤال صعب مش كده

وصلة بينا الدرجه ااننا نوافق نركب قطار لا يوجد به شباك ولا باب

او اتوبيس نقل عام صوت الموتور فيه اعلي من صوت الكراكات

دا غير سخونة الجو وسخونة الاتوبيس الي جايه من المحركات

*

في القطارات درجه تالته

لايوجد باب فانت معرض للترنح والوقوع خارج القطار اثناء سيره اذا اردت التحرك هنا او هناك

لا يوجد شباك فأنت معرض للقذف بالحجاره

اثناء سير القطار اذ بمجموعة من المراهقين والمرهقين فكريا وعقليا يلقون بالحجاره ناحية القطار المعدوم باب او شباك

رأيت هذا بعيني والاكثر من ذالك ان كمسري القطار حكي لي عن هذا الموقف سابقا

لا شرطه في هذا القطار لتمنع المتشردين والمشردين والمجرمين والمجاااااانين من ركوب القطار

فوالله رأيت احد المجاذيب يحاول التخلص من ملابسه امام ركاب القطار لولا تدخلنا لمنعه

في وسائل النقل الحكوميه

الاتوبيسات متهالكه وازاي نوافق علي اننا نركب اتوبيس الواقفين بداخله اكثر من الجالسين باضعاف مضاعفه

وان اردت النزول فعليك الاعداد والاستعداد قبلها بمحتطين وعليك مراعاة مذاج سائق الاتوبيس

يعني مثلا الاتوبيس بتاع العتبه القناطر الخيريه الاجره بنص جنيه بس هتروح تاخد علاج

صداع والزغلله والارهاق الجسدي والمعنوي والحاله النفسيه الي هيوصلك اليها بطئ هذا الاتوبيس

مش حرام عليكي يا حكومه تبهدلينا كده ارحمي اهلنا بقي وولعي في جميع وسائل النقل الخاصه بكي

ممكن نخلي جميع الموصلات خاصه بس اجره محدده
ممكن يكون الموضوع معروف وقديم ومش اول حد اتكلم فيه
بس حقيقي لو عايز تحس بمعاناة اي حد خوض تجربته
يعني وزير النقل والموصلات يجي يركب موصلات عامه زينا كده وهيحس بينا

يعني الميه الي في الحنفيات

يعني الاكل من غيرتسمم

يعني تلاقي شقه وشغل وتتجوز وانت عندك 23 سنه

يعني تتخرج تشتغل بشهادتك

يعني يعني يعني يعني يعني

صوتو عليك ساعه وانفضت

نظرية صوتو عليك ساعه وانتفضت دي ظريه تعمل بها الامه العربيه والامه الاسلاميه

يعني تلاحظ ان مثلا في الحرب علي قطاع غزه الي فاتت ان المظاهرات والحشود والهتافات

والصريخ ووالصويت ووينكم ياااااعرب وينكم

وبعد كده خلاص

صوتو علي الميت ومشيو في جنازته بالدموع والبكي والأسي

وخالص التعازي ويارتنا كنا بدالك ومكنش يومك يا ضنايا

ثم

نزلت الشعارات وسكت الصريخ وانكتم

وكأني جثته بردت في تربته وربنا فشفش الطوبه الي تحت رجليه مش راسه

وفي اي حاجه بردو هتلاقي نظرية صوتو عليك ساعه وانفضو

علي جدران نفسيتي

بقالي كتير مكتبتش في المدونه يعني بسبب الامتحنات وكمان معنديش حاجه اقولها

بس فيه حاجه مضيقاني الايام دي

هي بصراحه مضيقاني من زمان وهي التناقض الي انا فيه في الافعال والاقول يعني مثلا اروح الجيم الصبح واشرب سجاير بلليل

هل الانسان محتاج لايه عشان يكون عنده اراده من حديد طب والنبي__ههه فيه ناس تقولك ان الي بيقول والنبي حرام عليه___والنبي والنبي والنبي لو فيه حد عنده اراده قويه يقولي اعملها ازاي دي

وبمناسبة كلمة والنبي

فا انا مش بحلف باسم النبي عليه الصلاة والسلام انا بحلفك بغلوته عندك ودا مش قسم

انا مش مش بقول

والنبي هعمل كذا والنبي مش هعمل كذا

انا بقولك وغلاوة النبي عندك

متحبكوهاش اوي كده

*

الاغاني حرام تلت اربع الناس الي بتسمع اغاني متفقه علي كده

طب بيسمعوها ليه

طب كلمات الاغاني حرام ولا الموسيقي الي حرام

ولا كل ما يلهو عن ذكر الله فهو حرام

ربنا خلق الموهبه وبالتالي هنلاقي واحد عنده موهبه شعريه والتاني موهبه موسيقيه

بيعرف يقول كلام حلو والتاني ربنا ميزه بالصوت الجميل

والتالت بيعرف يلحن الاغنيه بطريقه جميله

استخدام الموهبه هوه الي حرام

ولا الاستخدام السئ

طب ايه الضرر لما اسمع اغنيه__وحسنه حسن وقبيحه قبيح ا ل خ

@

فيه عربية رش لقتل الناموس وهي عباره عن جاز محروق علي شكل دخان

الدخان ده مليون في الميه مضر بالصحه دا بالنسبه للي مش بيدخنو

في يوم ركبت المتروقال ايه الاجره بثمن اقل بخمسه وسبعين قرش ليه يا خزيه عشان الاحتفال بيوم البيئه العالمي

واكيد طبعا الكلام ده طبقوه في محطات القطارت

طب والله العظيم ما فيه مكان في الجمهوريه بيئه زي المترو او القطار

خاصة خط المرج ابن الجزمه

والقطار خط الزقازيق

زحمه موووووت والناس بتموت والتكيف مش شغال والناس ساحبه الهوي اصلا وواقفين علي رجول بعض

وواحد عامل فيها عم الارندلي وقاعد يعيب علي الناس

وهوه اصلا نسي انه من ضمن الزحمه يعني انا بالنسبه لغيري بعمل زحمه في نفس الوقت هوه بالنسبالي عامل زحمه

وكل واحد شايف ان القطار او عربية المترو بتاع الي جابته الست الوالده الي مرميه في البيت بتعمل كووووووسه

&

اجي اركب البيجو وعددها 7 راكب

الاقي واحد جاي

والسواق بيقول معلش خدوه جمبكو

ازعلللللللللللل اوي اوي عشان الدنيا حر ومش ناقصين تزنيق

حصل وكنت متاخر ويدوبك العربيه ماشيه ومفيش بعدها في الموقف

ولاقيت نفسي راكب مع الناس وهما زهقانين عشان في واحد زياده الي هوه انا

قلت دنيا ودواره

والي ترضاه لنفسك ارضاه لغيرك

$

بحط صور احضان وبوس علي الايميل وفي الي بنتقد ده وبييقولي ياعم ايه ده

وانا طبعا شايف انها عادي والي مش عارفين نعمله في الحقيقه__مش بتكلم عن نفسي__نجيب صور ونتفرج عليها لحد ما ربنا يفرجها

ونخلص جيش ونخلص جامعه ونشتغل ونتجوز علي 30 سنه

ونمارس حياتنا الطبيعيه 10 سنين بالكتير بعد كده المنشطات الجنسيه تشتغل يومين وبالتالي اضرار علي القلب ونموت علي خمسين ستين واهي كلها اعمار

8

هاقوم اعمل شاي وارجع ارغي

لحد ما الميه تغلي اكمل

فيه عنوان في جورنال ارشه علي ترابيزه كل ما اروح اعمل شاي اقراه واتنرفززز اوي

الاضراب في مصر حق يساااااء استخدامه

ازاي يساء استخدامه هما الي بيعملو اضراب مش ليهم مطالب وهما ناس اصلا بيخدمو الشعب زي سواقين القطارات او او او مش ليهم مطالب

ولا يعملو اضراب وانا مالي اهئ

وبس علي كده يعني اضراب من غير اضراب مش هيحقق هدف الاضراب

اروح اجيب الشاي بقي

بكره اكمل ما هو اخيرا قدرت اتنفس
ما احلي التنفيس

ان الله يحب

تخيل انك تحب احدا ما ودائما ما تستجيب له وتلبي ندائه وايضا تعلم ما يحبه وما لا يحبه
وتحاول بكل الطرق ان ترضيه وتفعل ما يحبه
هذا ان كان هذا الشخص انسان مثلك اخوك او ابوك او امك او اختك او حبيبتك او احد اصدقائك المقربين
فمابالك بالذي خلق لك كل هؤلاء اليس هوه احق بحبك
كلنا نحب الله ونرجو عفوه ورضاه ولاكن اذا قال لك الله اني احب كذا وقال انا لا احب كذا
فماذا تفعل
عند قراتي للقران الكريم استوقفتني تلك الايات التي بها ما يحبه الله وما لايحبه
وهناك ايضا ايات تدل معناها ان الله يحب تلك الافعال لاكني ركزت علي لفظ الحب
وادعو نفسي الي تقوي الله في السر والعلن
*
والله يحب الصابرين
: على المصائب والأقدار،قول الله عز وجل : " إنما يوفى الصابرون أجرهم بغير حساب

*

والله يحب المحسنين
والاحسان هوه مراقبة الله في السر والعلن في القول والفعل وله تعريفات كثيره وانواع متعدده ورسول الله صلي الله عليه وسلم قال المختصر المفيد بقوله : :"أن تعبد الله كأنك تراه فإن لم تكن تراه فإنه يــراك" صدق رسول الله فانه يري اقوالك وتصرفاتك وافعالك

*

إن الله يحب التوابين ويحب المتطهرين
قال رسول الله "إن الله يفرح بتوبة أحدكم"صدق الرسول الكريم

فأكثرو من التوبه الي الله ولا تقنطو من رحمة الله فالله عظيم وكبير ورحيم الله اكبر ولله الحمد
المتطهرين :ايضا من الذنوب والمعاصي بالتوبه
*
فإن الله يحب المتقين
التقوى هي فضيلة وسلوك الإنسان والتزام اتجاه الله واتجاه مخلوقاته. ويترجم ذلك في آداء واجباته اتجاه ربه، ووالديه، ووطنه ومجتمعه.: أن تعمل بطاعة الله على نور من الله، ترجو ثواب الله
ويقول عليه الصلاة والسلام: "إنّ أولى الناس بي يوم القيامة المتقون من كانوا وحيث كانوا"

*
إن الله يحب المتوكلين
في كل شئ
في الحديث :" لو أنكم توكلتم على الله حق توكله لرزقكم كما يرزق الطير تغدو خماصاً و تروح بطاناً " صدق الرسول الكريم
"علمت ان رزقي لن يأخذه احدا غيري فأطمن قلبي

والتوكل ليس في الرزق فحسب بل في كل شئ توكلو علي الذي خلق كل شئ
*

إن الله يحب المقسطين:
العدل والانصاف ومراقبة الله في الافعال والاقوال بين الناس
عن رسول الله صلى الله عليه وسلم أنه قال: المقسطون على منابر من نور يوم القيامة الذين يعدلون في حكمهم وأهليهم وما ولوا
صدق رسول الله

*
إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ:
في تفسير الجلالين إنَّ اللَّه يُحِبّ" يَنْصُر وَيُكْرِم "الَّذِينَ يُقَاتِلُونَ فِي سَبِيله صَفًّا" حَال أَيْ صَافِّينَ "كَأَنَّهُمْ بُنْيَان مَرْصُوص" مُلْزَق بَعْضه

إلَى بَعْض ثَابِت

لاحظ ان هذه الايه التي وردت في سورة الصف اتت بعد الايات الكريمه التي يقول الله بها
بسم الله الرحمن الرحيم

سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ وَهُوَ الْعَزِيزُ الْحَكِيمُ (1) يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ (3) إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ (4)
*********

يبتع بأذن الله
إن الله لا يحب الفرحين
إن الله لا يحب المفسدين
إن الله لا يحب المعتدين
والله لا يحب الفساد
والله لا يحب كل كفار أثيم
فإن الله لا يحب الكافرين
والله لا يحب الظالمين
إن الله لا يحب من كان خوانا أثيما

سفالة الغرب

تحديث

البلوجر بيهيس نزل بوست

النقاب لا فرض ولا فضيله

قبل ميعاده الدريفت بيستعبط
________________________

مسرحيه هزليه
بطلها المجتمع الدولي
انتاج امريكي
تاليف اسرائيلي
اخرج
المحكمه الجنائيه
سفالة المجتمع الدولي
الذي يدين رئيس دوله

السودان
ويطالبها باحترام القانون الدولي

ولا يعيرون اهتمام لما يحدث في فلسطين
لماذا لا يتم ادانة اسرائيل علي جرائمها
ولا هو الموضوع
خيار وفاقوس

اين القانون الدولي من اسرائيل
اين القانون من امريكا التي دمرت نجازاكي وهيروشيما
اين القانون الدولي من حرب العراق
واين تلك الاسلحه انوويه الي امتلكها صدام

اين القانون من فرنسا
التي قتلت مليون ونص المليون شهيد
في الجزائر

معا ضد سفالة الغرب

معا ضد امريكا الغبيه

معا ضد اسرائيل الحقيره

مجتمع دلوقي غبي وفاسد

تتحكم به القوه والنفوذ

معا ضد تقسيم السودان وجعلها دولتين

الذين يدعون الي الرحمه بالحيوان
اين هم من رحمة الانسان
في عاقل يضرب ناس بنووي ويدمرهم ويشوهم
ايه الغل الي في قلوبهم ده
ايه ده

سامع صوتك جوه مني

منذ زمن

سامع صوتك جوه مني

بيقول حبيبي تعال عندي

وفي عنيك خليني اشوفني

واحس بيك وانا بين ايديك وانت في حضني

خوفي عليك خلاني ما اعرف ايه الي بيه

غير اني عايز احضنك ما بين اديه

واداري عليك من اي نظره غير عنيه

من حبي ليك انا ليل نهار بفضل اغني

واقول بأسمك احلي كلمه يقولها قلبي

انت حبيبي ااه حبيبي واااااااااه ياقلبي

اه من الشوق الي ماليني

بعادك عني مبكيني .ارجعلي حلي سنيني

واشوف في عنيك دوايا

بعلو صوتي اسمعني

انا ليه مين قلي يعني

يكون عشقي وهوايا

حوار مع صديقي الملحد1

اولا وقبل القرائه

هذا الكتاب عرض علي الازهر الشريف

وكان ردهم انه افضل كتاب يرد به علي شبهات الالحاد

ثانيا وقبل القرائه

لا ايمان بدون شك ....بمعني ومن وجهة نظري ان الشك هنا ليس لمجرد

الشك وانما هوه وسيله والغاية هي معرفة الدين

مؤمن بأيه وانت مسلم ليه

ثالثا وبعد القرائه

اشكر الله علي نعمة الاسلام وادعوه ان يرزقك حسن الخاتمه

لو في اي خطاء في الكلمات (التي تغير معني الجمله)يجب التوضيح*

للدكتور مصطفي محمود
الفصل الأول
لم يلد ولم يولد
صديقي رجل يحب الجدل ويهوى الكلام.. وهو يعتقد أننا – نحن
المؤمنين السذج – نقتات بالأوهام ونضحك على أنفسنا بالجنة
والحور العين وتفوتنا لذات الدنيا ومفاتنها .. وصديقي بهذه
المناسبة تخرج في فرنسا وحصل على دآتوراه .. وعاش مع
الهيبز وأصبح ينكر آل شيء.
قال لي ساخراً:
أنتم تقولون : إن الله موجود .. وعمدة براهينكم هو قانون
"السببية "الذي ينص على أن لكل صنعة صانعاً.. ولكل خلق خالقاً
.. ولكل وجود موجدا .. النسيج يدل على النسّاج .. والرسم يدل
على الرسّام .. والنقش يدل على النقّاش .. والكون بهذا المنطق
أبلغ دليل على الإله القدير الذي خلقه..
صدّقنا وآمنّا بهذا الخالق .. ألا يحق لنا بنفس المنطق أن نسأل ..
ومن خلق الخالق .. من خلق الله الذي تحدثوننا عنه .. ألا تقودنا
نفس استدلالاتكم إلى هذا .. وتبعاً لنفس قانون السببية .. ما
رأيكم في هذا المطب دام فضلكم ؟
ونحن نقول له : سؤالك فاسد .. ولا مطب ولا حاجة فأنت تسلّم
بأن الله خالق ثم تقول مَن خلقه ؟! فتجعل منه خالقاً ومخلوقا في
نفس الجملة وهذا تناقض..
والوجه الآخر لفساد السؤال أنك تتصور خضوع الخالق لقوانين
مخلوقاته .. فالسببية قانوننا نحن أبناء الزمان والمكان.
والله الذي خلق الزمان والمكان هو بالضرورة فوق الزمان والمكان
ولا يصح لنا أن نتصوره مقيداً بالزمان والمكان .. ولا بقوانين الزمان
والمكان.
والله هو الذي خلق قانون السببية .. فلا يجوز أن نتصوره خاضعاً
لقانون السببية الذي خلقه.
وأنت بهذه السفسطة أشبه بالعرائس التي تتحرك بزمبلك ..
وتتصور أن الإنسان الذي صنعها لا بد هو الآخر يتحرك بزمبلك ..
فإذا قلنا لها بل هو يتحرك من تلقاء نفسه .. قالت : مستحيل أن
يتحرك شيء من تلقاء نفسه .. إني أرى في عالمي آل شيء
يتحرك بزمبلك.
وأنت بالمثل لا تتصور أن الله موجود بذاته بدون موجد .. لمجرد أنك
ترى آل شيء حولك في حاجة إلى موجد.
وأنت آمن يظن أن الله محتاج إلى براشوت لينزل على البشر
ومحتاج إلى أتوبيس سريع ليصل إلى أنبيائه.. سبحانه وتعالى
عن هذه الأوصاف علوّاً آبيراً..
"وعمانويل آانت" الفيلسوف الألماني في آتابه "نقد العقل
الخالص" أدرك أن العقل لا يستطيع أن يحيط بكنه الأشياء وأنه
مُهيّأ بطبيعته لإدراك الجزئيات والظواهر فقط .. في حين أنه عاجز
عن إدراك الماهيات المجردة مثل الوجود الإلهي .. وإنما عرفنا الله
بالضمير وليس بالعقل .. شوقنا إلى العدل آان دليلنا على وجود
العادل .. آما أن ظمأنا إلى الماء هو دليلنا على وجود الماء..
أما أرسطو فقد استطرد في تسلسل الأسباب قائلاً : إن الكرسي
من الخشب والخشب من الشجرة .. والشجرة من البذرة .. والبذرة
من الزارع .. واضطر إلى القول بأن هذا الاستطراد المتسلسل
في الزمن اللانهائي لابد أن ينتهي بنا في البدء الأول إلى سبب
في غير حاجة إلى سبب .. سبب أول أو محرك أول في غير حاجة
إلى من يحرآه .. خالق في غير حاجة إلى خالق .. وهو نفس ما
نقوله عن الله..
أما ابن عربي فكان رده على هذا السؤال" سؤال مَنْ خلق
الخالق".. بأنه سؤال لا يرد إلا على عقل فاسد.. فالله هو الذي
يبرهن على الوجود ولا يصح أن نتخذ من الوجود برهاناً على الله..
تماماً آما نقول إن النور يبرهن على النهار .. ونعكس الآية لو قلنا
إن النهار يبرهن على النور..
يقول الله في حديث قدسي:
( أنا يُستدل بي .. أنا لا يُستدل عليّ )..
فالله هو الدليل الذي لا يحتاج إلى دليل .. لأنه الله الحق الواضح
بذاته .. وهو الحجة على آل شيء .. الله ظاهر في النظام والدقة
والجمال والإحكام .. في ورقة الشجر .. في ريشة الطاووس ..
في جناح الفراش .. في عطر الورد .. في صدح البلبل .. في ترابط
النجوم والكواآب.. في هذا القصيد السيمفوني الذي اسمه
الكون ..
لو قلنا إن آل هذا جاء مصادفة .. لكنا آمن يتصور أن إلقاء حروف
مطبعة في الهواء يمكن أن يؤدي إلى تجمعها تلقائياً على شكل
قصيدة شعر لشكسبير بدون شاعر وبدون مؤلف.
والقرآن يغنينا عن هذه المجادلات بكلمات قليلة وبليغة فيقول
بوضوح قاطع ودون تفلسف:
{قُلْ هُوَ اللَّهُ أَحَدٌ . الله الصمد . لم يلد ولم يولد . ولم يكن له آفواً
أحد} سورة الإخلاص: 1
ويسألنا صاحبنا ساخراً : ولماذا تقولون إن الله واحد ..؟ لماذا لا
يكون الآلهة متعددين ..؟ يتوزعون بينهم الاختصاصات ؟
وسوف نرد عليه بالمنطق الذي يعترف به .. بالعلم وليس بالقرآن
..
سوف نقول له إن الخالق واحد ، لأن الكون آله مبني من خامة
واحدة وبخطة واحدة .. فمن الأيدروجين تألفت العناصر الاثنان
والتسعون التي في جدول "مندليف" بنفس الطريقة .. "بالادماج"
وإطلاق الطاقة الذرية التي تتأجج بها النجوم وتشتعل الشموس
في فضاء الكون.
آما أن الحياة آلها بنيت من مرآبات الكربون "جميع صنوف الحياة
تتفحم بالاحتراق" وعلى مقتضى خطة تشريحية واحدة .. تشريح
الضفدعة ، والأرنب ، والحمامة ، والتمساح ، والزرافة ، والحوت ،
يكشف عن خطة تشريحية واحدة ، نفس الشرايين والأوردة
وغرفات القلب ، ونفس العظام ، آل عظمة لها نظيرتها .. الجناح
في الحمامة هو الذراع في الضفدعة .. نفس العظام مع تحور
طفيف ..والعنق في الزرافة على طوله نجد فيه نفس الفقرات
السبع التي تجدها في عنق القنفذ .. والجهاز العصبي هو هو في
الجميع ، يتألف من مخ وحبل شوآي وأعصاب حس وأعصاب
حرآة .. والجهاز الهضمي من معدة واثني عشر ، وأمعاء دقيقة
وأمعاء غليظة والجهاز التناسلي نفس المبيض والرحم والخصية
وقنواتها .. والجهاز البولي الكلية والحالب ، وحويصلة البول .. ثم
الوحدة التشريحية في الجميع هي الخلية .. وهي في النبات آما
في الحيوان آما في الإنسان، بنفس المواصفات، تتنفس وتتكاثر
وتموت وتولد بنفس الطريقة..
فأية غرابة بعد هذا أن نقول إن الخالق واحد ؟ .. ألا تدل على ذلك
وحدة الأساليب.
ولماذا يتعدد الكامل ..؟ وهل به نقص ليحتاج إلى من يكمله ؟ ..
إنما يتعدد الناقصون.
ولو تعدد الآلهة لاختلفوا ، ولذهب آل إله بما خلق ، ولفسدت
السماوات والأرض , والله له الكبرياء والجبروت وهذه صفات لا
تحتمل الشرآة..
ويسخر صاحبنا من معنى الربوبية آما نفهمه .. ويقول أليس
عجيباً ذلك الرب الذي يتدخل في آل صغيرة وآبيرة ، فيأخذ بناصية
الدابة ، ويوحي إلى النحل أن تتخذ من الجبال بيوتاً ، وما تسقط
من ورقة إلا يعلمها ، وما تخرج من ثمرات من أآمامها إلاّ أحصاها
عدداً ، وما تحمل من أنثى ولا تضع إلا بعلمه .. وإذا عثرت قدم في
حفرة فهو الذي أعثرها.. وإذا سقطت ذبابة في طعام فهو الذي
أسقطها .. وإذا تعطلت الحرارة في تليفون فهو الذي عطلها .. وإذا
امتنع المطر فهو الذي منعه ، وإذا هطل فهو الذي أهطله .. ألا
تشغلون إلهكم بالكثير التافه من الأمور بهذا الفهم
ولا أفهم أيكون الرب في نظر السائل أجدر بالربوبية لو أنه أعفى
نفسه من هذه المسئوليات وأخذ إجازة وأدار ظهره للكون الذي
خلقه وترآه يأآل بعضه بعضاً!
هل الرب الجدير في نظره هو رب عاطل مغمى عليه لا يسمع ولا
يرى ولا يستجيب ولا يعتني بمخلوقاته ؟ .. ثم من أين للسائل
بالعلم بأن موضوعاً ما تافه لا يستحق تدخل الإله، وموضوعاً آخر
مهماً وخطير الشأن ؟
إن الذبابة التي تبدو تافهة في نظر السائل لا يهم في نظره أن
تسقط في الطعام أو لا تسقط، هذه الذبابة يمكن أن تغيّر التاريخ
بسقوطها التافه ذلك .. فإنها يمكن أن تنقل الكوليرا إلى جيش
وتكسب معرآة لطرف آخر، تتغير بعدها موازين التاريخ آله.
ألم تقتل الإسكندر الأآبر بعوضة ؟
إن أتفه المقدمات ممكن أن تؤدي إلى أخطر النتائج .. وأخطر
المقدمات ممكن أن تنتهي إلى لا شيء .. وعالم الغيب وحده هو
الذي يعلم قيمة آل شيء.
وهل تصور السائل نفسه وصيّاً على الله يحدد له اختصاصاته ..
تقدّس وتنزّه ربنا عن هذا التصور الساذج.
إنما الإله الجدير بالألوهية هنا هو الإله الذي أحاط بكل شيء علماً
.. لا يعزب عنه مثقال ذرة في الأرض ولا في السماء.
الإله السميع المجيب ، المعتني بمخلوقاته.

كل نفس ذائقة الموت

الموت اكثر ما يؤلمني في هذه الحياه لطالما راودتني (كوابيس اليقظه)عن موت قريب لي وكيف يكون رد فعلي وقتها , بل ان دموعي تكاد ان تنهمر كلما سمعت عن موت احد الذي لا اعرفه ولا اقرب له بصله ,كيف حال محبيه واهله كيف حالهم الان ,بالتاكيد لايزال صوت كلماته وضحكاته واهاته تراودهم وما يشعرون به هوه المرارة ..

عندما كنت صغيرا شاهدت في التلفزيون برنامج رأيت فيه قرد صغير يحاول ان يداعب امه التي قد توفيت واستلقت علي الارض .يحاول ان يضع علي جسمه كما كانت تفعل معه .هذا المشهد لم انساه حتي الان واخشي ان ياتي اليوم الذي يحدث معي هذا

مشهد مرير اشعر بمرارته كلما سمعت عن الموت في احد الاماكن

,لن يعود مجددا ولن اراه يضحك او يتكلم ثانية هكذا الموت يجعلني اخاف من المستقبل ولاكني وقتها اتذكر كم شخصا عزيزا عندي قد توفي و أوليس هذه سنة الحياه وكل نفس ذائقة الموت

http://raingrazy.blogspot.com/

لم أكن اعرفه ولكنه كما لكل المسلمين يجب ان ندعو له بالرحمه والمغفرة

انا لله وانا اليه راجعون

الي تحب مابتكدبش

دورت كتير في ماضيه

ولاقيت أسوه وحنيه

علي واحده عزيزه عليه

والتانيه ماتستهلش

*

كدبت خوفها عليا

ومسكت النار بأديه

ورحت لحضن التانيه

وأحساسي مبيكدبش

*

أحساسي بيها خاني

أحساس بالغدر ألمني

وحاجات كتيره تانيه

وجروح متتوصفش

*

يارتني فضلت معاها

وفهمت معني هواها

كانت هتحطني في عنيها

دا الي تحب ما بتكدبش

حملة مقاطعه لجل النبي

حمله المقاطعه قاطع سلعة تنقذ شعبا
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .
*** قائمة المنتجات .
قاطعو المنتجات الأمريكية واليهودية… فبأموالكم يقتلون إخوانكم
أولاً : المطاعم الأمريكية :
كنتاكي ، ماكدونالدز ، أربيز ، بيتزا هت ، تكا ، شيلز ، ماك برجر ، كانتيز ،جاك آند بوكس ، تكساس .

ثانياً : السجائر :( المفروض الامتناع تماما )
مارلبورو ، كنت ، ميريت ، جولد كوست ،إل إم ، مور ، كارلتون ، كامل ، لكي استرايت ، بول مول ، بوند ، ونستون .

ثالثاً : المشروبات :
كوكاكولا ، بيبسى كولا ، سفن أب ، سبورت كولا ، سبرايت ، فانتا ، كراش ، تيم ، ميرند

ا .
رابعاً : منتجات غذائية :
صلصة و كاتشب هاينز ( و جميع منتجات شركة هاينز ) معلبات حدائق كاليفورنيا ، معلبات المراعي الخضراء ، منتجات شركة روكي من العجائن و الجلي و غيرها منتجات شركة هوستس ( توينكز و هوهوز و كب كيك وغيرها من الحلوى المنتشرة بالمحلات ) جميع منتجات شركة تستي فودز من حلوى و مرق دجاج و غيرها من المنتجات ، حلوى و لبان هولز ز تشكلتس و سناكس و آدامز و غيرها

من منتجات شركة لمبرت جميع منتجات شركة امريكانا .

خامساً : منتجات للعناية الشخصية و الصحية :
فوط ألويز الصحية ، منتجات و حفاضات بامبرز ، ماكينات جيليت للحلاقة ، صابون كامى و زيست و بالموليف ، منظفات إريال و تايد ( و جميع منتجات شركة بروكتر آند جمبل اليهودية ) معاجين حلاقة انجرام و بالموليف ، شامبوهات بانتين ، و برت بلس و هيد آند شولدرز و جونسون آند جونسون ( و جميع منتجات جونسون للعناية الشخصية

سادساً : منتجات متنوعة :
بطاريات جافة ماركات (انيرجايزر ، ديورا سيل ، افريدى ، و بطاريات السيارات مايل ستون ، و باور)
اقلام باركر و شيفر و كرسى . ملابس و منتجات رياضية ماركات نايك ، بارا مونت ، باور رينجر ، ريبوك ، إل إيه جير ، ليفايز ، كالفين كلاين ، لي ، جوس . ثلاجات الاسكا ، وايت ، وستنجهاوس ، كليفنيتور ، تايلر . أجهزة تكييف باور ، جيبسون ، تراين ، كارير ، جنرال الكتريك ( وجميع منتجات هذه الشركات من التلفزيونات و الأجزاء الإلكترونية و الكهربية )-منتجات محلات راديوشاك
عدم دخول الأفلام الأمريكية بدور السينما،عدم تأجير شرائط فيديو أمريكية،عدم الإشتراك فى باقة الشوتايم،محطة السى إن إن
…
قائمة الشركات
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز
لنوقف شراء البضائع الأمريكية والبريطانية لشهر واحد فقط
سوف تكون تكلفة هذا الشهر عليهم خسائر مقدارها

37 بليون دولار

منقول من مدونة

م/ الحسيني لزومي

http://moatnondedelsh3ab.blogspot.com/

اسرائيل كلب مسلسل

ان مش عارف لحد دلوقتي ايه عمق العلاقه بين امريكا واسرائيل ممتده لحد فين

احتمال تكون ممدوده لغرف النوم ؟!او الي ابعد من ذلك
بجد ووالله العلي العظيم امريكا سر الشر في العالم

ويمكن اقل من اسرائيل عشان اسرائيل دي عاملة زي الكلب المسلسل

لو صاحبه فك السلسله بيعض وينهش في خلق الله

وامريكا طبعا بتساعد الكلب عشان يساعدها في رعي الغنم

يبقي العيب في صاحب الكلب

يبقي الي يتقاطع هوه صاحب الكلب

يبقي الي يتطرد سفيره هوه صاحب الكلب

وبعد كده هيبقي الكلب لوحده واحنا الي نمسك السلسه بتاعته

هيه محتاج لحظة جنون تكون مدروسه من القاده العرة العرب

ويجتمعو ويخرجو بأعلان الحرب علي الكلب وفي نفس التوقيت او اثناء الاعلان

تكون القوات الجويه عملت الي فيه النصيب

وبعد كده نبقي نتفاوض ويجري الي يجري اصل الي هيجري مش اكتر من الي جري

وكفايه زل بقي الله يخربيتكم

(1)

..............................علي الهامش ................................

poor english...I advice U not to use english ar fluent arabic as well
واحد سابلي الكومنت ده وانا بقوله ياغبي

المقصود لفت انظار العالم وتعريفهم الحقيقه

اللبيب بالاشارة يفهم
غور ياض

حاجه كده عشان ترفع الروح المعنويه بجد الي الافكار الانهزاميه ملت البني ادمين

أسطورة‎
احلف بحبات العرق
سايلة تغــنــى ع الجبينْ
أحلف بإنك دنيتى
واحلف بأيام الحنين
واحلف بإنك زرْعتى
واحلف بفاس الفلاحين
واحلف بدمعة فرحتى
لما بازورك يا حُسين
أحلف بترتيل الآدان
وصمود ولادك فى الميدان
إنك يا مصرى فى عبورك
كنت أسطورة زمان

بقلم

ابراهيم خليل ابراهيم